Julayi 2026

Izinto zonke zadalwa ngaye; ngaphandle kwakhe akubangakho nto idaliweyo.

UYOHANE 1:3 ILizwi likaThixo indalo ubomi

2026 Julayi 30, Lwesine

Ulodala iintaba, adal' umoya,
ulozityhilayo iinjongo zakhe eluntwini,
ulojik' umsobomvu kuvel' urhatyazo,
ulonyathela imimango ephakamileyo yomhlaba,
nguNdikhoyo uThixo onamandla onke igama lakhe.

UAMOS 4:13 indalo usomandla ubulumko

2026 Julayi 29, Lwesithathu

Ngenene ndobuxhamla kambe ububele bukaNdikhoyo
lo gama ndisadla amazimba.

INdumiso 27:13 ukulunga thembela

2026 Julayi 28, Lwesibini

Kude kube ngoku anikaceli nto ngegama lam. Celani ke; niya kuphiwa, luze uvuyo lwenu lugqibelele.

UYOHANE 16:24 ukuthembeka uvuyo ukwamkela

2026 Julayi 27, Mvulo

Elokuphetha ndithi njengokuba nimanywe neNkosi nje, yomelelani nincedwa ngamandla ayo.

KWABASE-EFESE 6:10 uThixo amandla ukufuna

2026 Julayi 26, Cawe

Umntu ovana nezilumko naye uba sisilumko;
ke yena otshomana nezityhakala uyenzakala.

IZAFOBE 13:20 ubulumko isohlwayo

2026 Julayi 25, Mgqibelo

Lo Yesu ngulowo zithi iziBhalo xa zithetha ngaye:
“ ‘Ilitye enalidelayo nina bakhi
laba lelona litye lesiseko.’”

UMSEBENZI WABATHUNYWA 4:11 UYesu

2026 Julayi 24, Lwesihlanu

Ngoko ke ngoku nasi isishwankathelo salo mbandela: Mhlonele uThixo, uyithobele imimiselo yakhe, kuba oko luxanduva lomntu ngamnye.

AMAVA ENGQONDI 12:13 ukumoyika uthixo umthetho ubomi

2026 Julayi 23, Lwesine

Ugqibelele won' umyalelo kaNdikhoyo:
uhlaziya amandla.
Uthembekile wona,
kub' unik' isiyatha
ubulumko.

INdumiso 19:7 umthetho umphefumlo ubulumko

2026 Julayi 22, Lwesithathu

Xa niyigcina imiyalelo yam, noba nihlala nikholose ngokuthandwa ndim. Xelisani mna endiyilulameleyo imiyalelo kaBawo, ndihlala ndikholose ngokuthandwa nguye.

UYOHANE 15:10 umthetho uthando UYesu

2026 Julayi 21, Lwesibini

Kaloku yena uThixo akalotshijolo: akazange awulibale umsebenzi eniwenzileyo ngenxa yakhe, nothando enilubonakalise ngokulungiselela abantu bakhe – msebenzi lowo nisawuqhubayo unangoku.

KUMAHEBHERE 6:10 ubulungisa umsebenzi ukukhonza

2026 Julayi 20, Mvulo

Umntu oyinonophelayo imfundiso uyaphumelela;
ewe, yimihlali yodwa kokholosa ngoNdikhoyo.

IZAFOBE 16:20 thembela intsikelelo ukuphulaphula

2026 Julayi 19, Cawe

Khala kum, ndikuphendule, ndikwazise izinto ezinkulu ezingenakugocagocwa, obukade ungaziqondi.

UJEREMIYA 33:3 umthandazo ukuqonda ukuphulaphula

2026 Julayi 18, Mgqibelo

Phakathi kobusuku uPawulos noSilas bathandaza bacula bedumisa uThixo, namanye amabanjwa ebeva.

UMSEBENZI WABATHUNYWA 16:25 unqulo umthandazo ukuphulaphula

2026 Julayi 17, Lwesihlanu

Ndiya kumemelela ndinemincili,
ndicule ngokuzimisela okukhulu
ngenxa yokuba undihlangule.

INdumiso 71:23 unqulo umhlawuleli umphefumlo

2026 Julayi 16, Lwesine

Ndim isonka esinobomi, esihlileyo sivela ezulwini. Ukuba ubani uthe wasitya esi sonka, wophila ngonaphakade. Isonka endiya kumnika sona ngumzimba wam, endiwunikelayo ukuze ihlabathi liphile.

UYOHANE 6:51 isonka UYesu umzimba

2026 Julayi 15, Lwesithathu

Ke, ndithi kuni, ngomhla womgwebo abantu baya kuziphendulela ngelizwi ngalinye eliphuthileyo abathe balithetha.

UMATEWU 12:36 ukuthetha umgwebo

2026 Julayi 14, Lwesibini

Umntu osisiyatha uzibonakalisa kwangoko xa ecaphukile;
kanti ke yena umntu oqiqayo akazidubi ngezithuko.

IZAFOBE 12:16 umsindo ukuzibamba ubulumko

2026 Julayi 13, Mvulo

Ziphephe iinkanuko zobutsha; phuthuma ukulungisa, ukholo, uthando, noxolo, umanyene nabo bonke abayinqula ngokunyaniseka iNkosi.

2 KUTIMOTI 2:22 iminqweno isilingo ububi

2026 Julayi 12, Cawe

Zonke izinto ke enifuna ukuba abantu bazenze kuni, yenzani ezikwanjalo nani kubo. Yiyo leyo ke intsingiselo yomthetho kaMosis nomyalelo wabashumayeli bamandulo.

UMATEWU 7:12 umthetho ummelwane ubudlelwane

2026 Julayi 11, Mgqibelo

Ndizimisele ukukulandela ngokupheleleyo;
ndincede ndingaze ndizidele iziyalo zakho.

INdumiso 119:10 umthetho ubulungisa intliziyo

Nokuthi umthande yena ngentliziyo iphela, nangengqiqo iphela, nangamandla ephela, nokuthi umthande ummelwane wakho kanye ngale ndlela uzithanda ngayo, kungaphezulu lee kunayo yonke imibingelelo namadini atshiswayo.

UMARKO 12:33 intliziyo ingqondo amandla

2026 Julayi 9, Lwesine

Alukho uloyiko apho kukho uthando, kuba uthando oluyondeleleneyo luyakugxotha ukoyika. Kaloku emntwini owoyikayo uthando alukayondelelani, kuba ukoyika kuhambisana nesohlwayo.

1 KAYOHANE 4:18 uthando uloyiko isohlwayo

2026 Julayi 8, Lwesithathu

“Ewe, iintaba zingadilika,
ke zona iinduli zinyamalale,
kodwa izibele zothando lwam soze zinqamke kuwe,
nomnqophiso wam woxolo soze ushukume.”
Utsho ke yena uNdikhoyo okukhathaleleyo.

UISAYA 54:10 uthando uxolo ukuthembeka

2026 Julayi 7, Lwesibini

Ke lowo uzingisa kude kube sekupheleni wosindiswa.

UMATEWU 24:13 umonde usindiso ukuphela kwexesha

2026 Julayi 6, Mvulo

Wena, Ndikhoyo, uhleli ngonaphakade;
ulawulo lwakho luhlala luhleli izizukulwana ngezizukulwana.

IZILILO 5:19 ukuthembeka uThixo ubukumkani

2026 Julayi 5, Cawe

Ndikhoyo, senzele ububele nenceba,
njengoko kaloku sithembele kuwe.

INdumiso 33:22 thembela ukuthembeka ithemba

2026 Julayi 4, Mgqibelo

Ndiyeza kwakamsinya. Yilondoloze imbo yakho. Lumka hleze ixhwilwe imbasa yakho.

ISITYHILELO 3:11 ukuza kwesibini ibuyiselo umonde

2026 Julayi 3, Lwesihlanu

Isono masinganilawuli, kuba anikho phantsi komthetho, niphantsi kobabalo lwesisa sikaThixo.

KWABASEROMA 6:14 isono ubabalo umthetho

2026 Julayi 2, Lwesine

Ukuxelelwe, mntundini, oko kulungileyo –
nditsho oko uNdikhoyo akufunayo kuwe:
kukwenza ngobulungisa, uthande ububele,
uhambe ngokuthobileyo kunye noThixo wakho.

UMIKA 6:8 umthetho ubulungisa ukuthobeka