Tahirin-kevitra (Jolay 2017)

Alatsinainy 31 Jolay 2017

Ary raha mitsangana mivavaka ianareo, ka misy olona anananareo alahelo, dia mamelà ny helony, mba havelan'ny Rainareo Izay any an-danitra kosa ny helokareo.

Marka 11:25 fivavahana famelàn-keloka Ray

Alahady 30 Jolay 2017

Avy amin'i Jehovah no mahalavorary ny dian'ny olona,
ka Izy no mankasitraka ny lalany.

Salamo 37:23 fanompoana fankatoavana fahatokisana

Asabotsy 29 Jolay 2017

Fa zinona moa aho, ary zinona moa ny oloko, no ahazoanay hery hanatitra toy izao? Fa avy aminao ny zavatra rehetra, ary avy tamin'ny Anao ihany no nanomezanay Anao.

1 Tantara 29:14 vola manomeza fiankinan-doha

Zoma 28 Jolay 2017

Ary ankehitriny dia ireto telo ireto no mitoetra: ny finoana, ny fanantenana, ny fitiavana: fa ny fitiavana no lehibe amin'ireo.

1 Korintiana 13:13 finoana fitiavana fanantenana

Alakamisy 27 Jolay 2017

Fa ny indray andro eo an-kianjanao dia tsara noho ny arivo;
aleoko mipetraka eo amin'ny tokonam-baravaran'ny tranon'Andriamanitra,
toy izay mitoetra ao an-dain'ny ratsy fanahy.

Salamo 84:10 fahotana manodidina

Alarobia 26 Jolay 2017

Fa ny fahendrena izay avy any ambony dia madio aloha, ary tia fihavanana, mandefitra, mora alahatra, be famindram-po sy be voka-tsoa, tsy miahanahana na mihatsaravelatsihy.

Jakoba 3:17 fanaovana ny marina fiadanana fahendresena

Ary Andriamanitra nitso-drano azy hoe: Maroa fara sy mihabetsaha ary mamenoa ny tany, ka mampanompoa azy; ary manjaka amin'ny hazandrano ao amin'ny ranomasina sy ny voro-manidina ary ny biby rehetra izay mihetsiketsika ambonin'ny tany.

Genesisy 1:28 fitahiana famoroana izao tontolo izao izao tontolo izao

Alatsinainy 24 Jolay 2017

Hidera Anao amin'ny hitsim-po aho
Amin'ny ianarako ny fitsipikao marina.

Salamo 119:7 lalàna fiankohofana fo

Alahady 23 Jolay 2017

Fa finoana no andehanantsika, fa tsy fahitana.

2 Korintiana 5:7 fahatokisana finoana fiainana

Asabotsy 22 Jolay 2017

Miverena amiko ianareo, hoy Jehovah, Tompon'ny maro, dia mba hiverina ho aminareo kosa Aho, hoy Jehovah, Tompon'ny maro.

Zakaria 1:3b fiovam-po famerim-berenana fitokisana

Zoma 21 Jolay 2017

Ity no andro nataon'i Jehovah;
Hifaly sy ho ravoravo amin'izao isika.

Salamo 118:24 famoroana izao tontolo izao fifaliana fiainana

Alakamisy 20 Jolay 2017

Fa ianareo rehetra dia zanak'Andriamanitra amin'ny finoana an'i Kristy Jesosy. Fa na iza na iza ianareo no natao batisa ho an'i Kristy dia nitafy an'i Kristy.

Galatiana 3:26-27 finoana batisa zaza

Alarobia 19 Jolay 2017

Ary hoy Izy taminy: Mandehana any amin'izao tontolo izao ianareo, ka mitoria ny filazantsara amin'ny olombelona rehetra.

Marka 16:15 fankatoavana fitoriana ny filazantsara Jesosy

Talata 18 Jolay 2017

Tandremo ny fonao mihoatra noho izay rehetra tokony hotandremana;
Fa avy ao aminy no ihavian'ny aina.

Ohabolana 4:23 fiainana fo fiarovana

Alatsinainy 17 Jolay 2017

Raha tsy mijery ny hita izahay, fa ny tsy hita; fa ny hita dia ho vetivety foana, fa ny tsy hita no haharitra mandrakizay.

2 Korintiana 4:18 fiainana mandrakizay fitiavan-karena mahatakatra

Alahady 16 Jolay 2017

Tsinjovy ny voro-manidina, fa tsy mba mamafy, na mijinja, na mitaona ho any an-tsompitra ireny; ary ny Rainareo Izay any an-danitra mamelona azy. Moa tsy mihoatra lavitra noho ireny va ianareo?

Matio 6:26 sarobidy fahatokisana Ray

Asabotsy 15 Jolay 2017

Mandeha faingana aho ka tsy mitaredretra,
Amin'ny fitandremana ny didinao.

Salamo 119:60 lalàna fankatoavana fanarahana

Zoma 14 Jolay 2017

Fa ny fombany tsy hita, dia ny heriny mandrakizay sy ny mah'Andriamanitra Azy, dia miseho hatramin'ny nanaovana izao tontolo izao, fa fantatra amin'ny zavatra nataony; ka dia tsy manan-kalahatra ireo.

Romana 1:20 famoroana izao tontolo izao tanjaka saina

Alakamisy 13 Jolay 2017

Ary iza no hanisy ratsy anareo, raha mazoto amin'izay tsara ianareo?

1 Petera 3:13 hatsaram-panàhy faharatsiana asa

Alarobia 12 Jolay 2017

Izaho tia an'i Jehovah, satria efa nandre
Ny feon'ny fifonako Izy.
Satria efa nanongilana ny sofiny tamiko Izy,
Dia hiantso aho, raha mbola velona koa.

Salamo 116:1-2 fitiavana fiankohofana mihaino

Talata 11 Jolay 2017

Ary aoka hanapaka ao am-ponareo ny fiadanan'i Kristy, fa ho amin'izany no niantsoana anareo ho tena iray; ary aoka ho feno fisaorana ianareo.

Kolosiana 3:15 Jesosy fiadanana fankasitrahana

Alatsinainy 10 Jolay 2017

Sambatra ianareo, raha halan'ny olona ka ariany sy haratsiny, ary laviny toy ny zava-dratsy ny anaranareo, noho ny amin'ny Zanak'olona.

Lioka 6:22 fitahiana fanenjehana faharatsiana

Alahady 9 Jolay 2017

Fa Hianao no nahary ny voako;
Namolavola ahy tao an-kibon-dreniko Hianao.
Hidera Anao aho; fa mahatahotra sy mahatalanjona ny nanaovana ahy;
Mahagaga ny asanao;
Ary fantatry ny fanahiko marimarina izany.

Salamo 139:13-14 famoroana izao tontolo izao fahagagana aina

Asabotsy 8 Jolay 2017

Izay maharesy dia havelako hiara-mipetraka amiko eo ambonin'ny seza fiandrianako, dia tahaka ny nandreseko kosa sy ny niarahako nipetraka amin'ny Raiko eo ambonin'ny seza fiandrianany.

Apokalypsy 3:21 fandresena valisoa lanitra

Zoma 7 Jolay 2017

Ho amin'ny fanahinareo anie ny fahasoavan'i Jesosy Kristy Tompontsika. Amena.

Filemona 1:25 fahasoavana Jesosy fitahiana

Alakamisy 6 Jolay 2017

Aleo ny kely omban'ny fahamarinana
Toy izay ny harem-bevava azo amin'ny tsy rariny.

Ohabolana 16:8 rariny vola fahafaham-po

Alarobia 5 Jolay 2017

Izay mino sy atao batisa no hovonjena; fa izay tsy mety mino no hohelohina.

Marka 16:16 finoana famonjena batisa

Talata 4 Jolay 2017

Mahalala hietry aho, ary mahalala hitombo; na aiza na aiza, ary na amin'inona na amin'inona, dia efa nampianarina ny ho voky sy ho noana aho ary hanam-be sy halahelo.

Filipiana 4:12 fahafaham-po hanina fiainana