Gcina (Julayi 2017)

2017 Julayi 31, Mvulo

Naxa nithandazayo, ukuba ninendawo ngakubani, mxoleleni, ukuze noYihlo osezulwini anixolele iziphoso zenu.

2017 Julayi 30, Cawe

NguNdikhoyo okhokelela umntu kwindlela amakahambe ngayo;
nguye omenza akholeke kuye.

INdumiso 37:23 ukukhonza ukuthobela thembela

Kodwa kodwa kuxa ndingubani mna, beyintoni bona aba bantu bam, ukuba singade sibe nako ukukwenzela izinwe ngolu hlobo? Kaloku yonke into iphuma kuwe, ngoko ke nangoku sikunika kwaoko kuphuma esandleni sakho.

1 YEZIGANEKO 29:14 imali ukupha ukuxhomekeka

2017 Julayi 28, Lwesihlanu

Ngalinye ke, zintathu izinto eziya kuhlala zihleli: lukholo, nethemba, nothando. Engaphezu kwazo zonke ke luthando.

1 KWABASEKORINTE 13:13 ukholo uthando ithemba

2017 Julayi 27, Lwesine

Imini enye echithelwe kwakho, Thixo,
ingaphezulu kwewaka lemihla echithwe ndaweni yimbi.
Kubhetele ndibe ngumgcini-mnyango kwaThixo
ndaweni yokungqendeva phakathi kwezaphula-mthetho.

INdumiso 84:10 isono ukusondela

2017 Julayi 26, Lwesithathu

Kodwa ke bona ubulumko obuvela phezulu bumsulwa; bunolungelelwano, nobubele, buyazelelela. Bona bunovelwano, yaye buvelisa imisebenzi emihle; abunamkhethe naluhanahaniso.

EKAYAKOBI 3:17 ukunyaniseka uxolo ubulumko

2017 Julayi 25, Lwesibini

Wabathamsanqelisa uThixo wathi: “Yandani, inzala yenu ilizalise ilizwe, nilongamele. Ndininika igunya phezu kweentlanzi, iintaka, nazo zonke izilo elizweni.”

EYEZIQALO 1:28 intsikelelo indalo umhlaba

2017 Julayi 24, Mvulo

Ndakusazi isigwebo sakho esingenagobe,
ndiya kukuncoma ngenene nangenyaniso.

INdumiso 119:7 umthetho unqulo intliziyo

2017 Julayi 23, Cawe

Kuba siphila ngokukholwa, kungekuko ngezinto esizibonayo.

2 KWABASEKORINTE 5:7 thembela ukholo ubomi

2017 Julayi 22, Mgqibelo

‘Buyelani kum,’ nguwo lowo umlomo kaNdikhoyo onamadla onke, ‘nam ke ndobuyela kuni,’ utsho uNdikhoyo onamandla onke.

UZAKARIYA 1:3b uguqulo inguquko ukuthembeka

2017 Julayi 21, Lwesihlanu

Namhla kunamhla, yimini kaNdikhoyo;
masizonwabise sibe nemihlali ngayo.

INdumiso 118:24 indalo uvuyo ubomi

2017 Julayi 20, Lwesine

Lukholo ke olunenze nangoonyana bakaThixo ngokumanywa noYesu Krestu. Nonke nina babhaptiziweyo nimanywe noKrestu; ngoko ke nambethe uKrestu.

KUMAGALATI 3:26-27 ukholo ubhaptizo abantwana

2017 Julayi 19, Lwesithathu

Wathi ke kubo: “Hambani niye kulo lonke ihlabathi, nizivakalise iindaba ezimnandi kulo lonke elimiweyo.”

UMARKO 16:15 ukuthobela ukuvangela UYesu

2017 Julayi 18, Lwesibini

Eyona nto emawuyilondoloze ngaphezu kwazo zonke ezinye yintliziyo yakho,
kuba yona ingumthombo wobomi.

IZAFOBE 4:23 ubomi intliziyo ukukhuselwa

2017 Julayi 17, Mvulo

Ngoko ke asilangazeleli zinto zibonwayo, silangazelela ezingabonwayo. Kaloku ezibonwayo izinto zezexeshana nje, kanti ezingabonakaliyo ziya kuhlala zihleli.

2 KWABASEKORINTE 4:18 ubomi obungunaphakade ukuthanda izinto eziphathekayo ukuqonda

2017 Julayi 16, Cawe

Khaniqwalasele iintaka. Azihlwayeli, azivuni, azigcini siseleni, kanti uYihlo osezulwini uyazondla. Ke, kungakanani na ukuxabiseka kwenu kunazo!

UMATEWU 6:26 ixabisekile thembela UTata

2017 Julayi 15, Mgqibelo

Sendingxamile, andisayi kulibazisa;
ndozithobela iziyalo zakho.

INdumiso 119:60 umthetho ukuthobela ukulandela

2017 Julayi 14, Lwesihlanu

Kaloku imo engabonwayo kaThixo – ndithetha amandla akhe angapheliyo kwanobuThixo bakhe – ibonakala kakuhle kwasekudalweni kwehlabathi. Kaloku iqondakala ngezinto azenzileyo uThixo. Ngenxa yoko abantu abanasiphephelo mpela.

KWABASEROMA 1:20 indalo amandla ingqondo

2017 Julayi 13, Lwesine

Ngubani onganenzakalisayo xa nisenza okulungileyo?

1 KAPETROS 3:13 ukulunga ububi umsebenzi

2017 Julayi 12, Lwesithathu

UNdikhoyo ndiyamthanda, kuba uyandiva;
uyasabela ndakuzibika kuye.
Njengoko endiphulaphula nje,
ndobhenela kuye xa ndisadl' ubomi.

INdumiso 116:1-2 uthando unqulo ukuphulaphula

2017 Julayi 11, Lwesibini

Uxolo eniluphiwa nguKrestu malube lulo olugweba iintliziyo zenu, kuba uThixo wanibizela kolu xolo ukuze nibe ngamalungu omzimba omnye. Phuphumani ke ngumbulelo.

KWABASEKOLOSE 3:15 UYesu uxolo umbulelo

2017 Julayi 10, Mvulo

Hayi uyolo lwenu xa abantu bathe banithiya ngenxa yakhe uNyana woLuntu, benigxotha, beningcikiva, benihlamba okwabancanyiweyo.

ULUKA 6:22 intsikelelo intshutshiso ububi

2017 Julayi 9, Cawe

Andithi na kaloku ndadalwa nguwe;
nditsho mna kanye lo!
Ewe, wandixonxa wandilunga-lungisa kwandisekumama.
Ndikubonga ndikubulela ngenxa yomntu endinguye,
ngenxa yokumangalisa nokukhwankqisa kwento endiyiyo.
Ewe, iyakhamnqisa kambe imisebenzi yakho.
Leyo ke into ndiyiqonde pheleleyo.

INdumiso 139:13-14 indalo imimangaliso umphefumlo