Gcina (Juni 2017)

XHO96

2017 Juni 30, Lwesihlanu

Wanga angabaph' amandl' abantu bakhe;
wanga angabathamsanqela abaph' inzolo.

INdumiso 29:11 amandla intsikelelo uxolo

2017 Juni 29, Lwesine

Wathi kuyo uYesu: “Hamba uhambe; ukholo lwakho lukuphilisile.”
Yabona ke kwangoko, yamlandela uYesu endleleni apho.

UMARKO 10:52 ukholo usindiso ukuphilisa

2017 Juni 28, Lwesithathu

Kuba kaloku uMoya esimnikwe nguThixo asingowobuphakuphaku, koko uvuselela isibindi, uthando, nokuzeyisa.

2 KUTIMOTI 1:7 uthando ukuzibamba amandla

2017 Juni 27, Lwesibini

Neengonyama ziyaswela zilambe,
kodwa abo bamfunayo uNdikhoyo akukho nto intle bayiswelayo.

INdumiso 34:10 uThixo ukufuna

2017 Juni 26, Mvulo

Ke iNkosi ayikubambezeli ukuzalisekiswa kwesithembiso esenzileyo, njengoko abanye baba kunjalo. Nto nje ininyamezele kuba ingafuni kutshabalale mntu. Koko ifuna wonke ubani afumane ithuba lokuguquka.

2 KAPETROS 3:9 usindiso umonde uguqulo

2017 Juni 25, Cawe

Ukuba nithe nandithobela ngokupheleleyo, nenza okuhle nokufanelekileyo ngokuhamba ngemimiselo yam, soze ndinohlwaye ngezibetho nezifo endaziwisela amaJiputa. Kaloku mna ndinguNdikhoyo, ugqirha wenu.

EYEMFUDUKO 15:26 ukuphulaphula ukugula ukuphilisa

2017 Juni 24, Mgqibelo

Ilizwi lakho sisibane sendlela yam;
liyandikhanyisela eluhambeni.

INdumiso 119:105 ILizwi likaThixo ukukhanya

2017 Juni 23, Lwesihlanu

Wathi kubo uYesu: “Ndim isonka sobomi. Ozayo kum akasoze alambe, nokholwayo kum akasoze anxanwe.”

UYOHANE 6:35 ukholo ukutya ubomi

2017 Juni 22, Lwesine

Funani uNdikhoyo esenokufumaneka;
bhenelani kuye ngoku asekufutshane.

UISAYA 55:6 ukufuna ukusondela

2017 Juni 21, Lwesithathu

Mkhumbule uMdali wakho ngemihla yobutsha bakho,
ngoku ingekafiki imihla yeenkathazo,
ingekasondeli neminyaka apho uya kuthi: “Akukho nto imnandi ekudleni ubomi.”

AMAVA ENGQONDI 12:1 indalo ubomi uvuyo

2017 Juni 20, Lwesibini

Kodwa ke, ukuba siyazivuma izono zethu, uThixo uthembekile, ulilungisa; wosixolela izono zethu, asihlambulule kuko konke ukungalungisi.

1 KAYOHANE 1:9 isono ukusulungekiswa ububi

2017 Juni 19, Mvulo

Uthe ke akusulungeka wenziwa umthombo wosindiso olungapheliyo lwabo bamthobelayo.

KUMAHEBHERE 5:9 usindiso UMsindisi ubomi obungunaphakade

2017 Juni 18, Cawe

Bufana nomzali kubantwana
ububele bukaNdikhoyo kwabamnik' imbeko.

INdumiso 103:13 uthando uloyiko UTata

2017 Juni 17, Mgqibelo

Musani ukuba ngamathandamali. Yanelani yinto eninayo. Kaloku uThixo uthi: “Andiyi kukuyekela; ndingayi kukufulathela.”

KUMAHEBHERE 13:5 thembela imali ukuthanda izinto eziphathekayo

2017 Juni 16, Lwesihlanu

Ngoko ke, njengoko senenjenjalo kakade, khuthazanani, nakhane omnye nomnye.

1 KWABASETESALONIKA 5:11 ukhuthazo ukufunda ummelwane

2017 Juni 15, Lwesine

Ugqibelele won' umyalelo kaNdikhoyo:
uhlaziya amandla.
Uthembekile wona,
kub' unik' isiyatha
ubulumko.

INdumiso 19:7 umthetho umphefumlo ubulumko

2017 Juni 14, Lwesithathu

Ngoko ke, mawethu athandekayo, yomelelani ningathandabuzi. Yisebenzeleni ngenkuthalo iNkosi ngalo lonke ixesha, kuba kakade ukubulaleka kwenu ngenxa yeNkosi akunakulambatha.

1 KWABASEKORINTE 15:58 ukuthobela ibuyiselo ukhuthazo

2017 Juni 13, Lwesibini

Ke yena wathi: “Yithi kanye: unoyolo lowo ulivayo ilizwi likaThixo alenze.”

ULUKA 11:28 ILizwi likaThixo ubomi ukuphulaphula

2017 Juni 12, Mvulo

Makazilumle ekuthetheni kakubi,
ayeke ukuthetha ubuxoki.

INdumiso 34:13 ukuthetha ububi inyaniso

2017 Juni 11, Cawe

Kaloku ndim okuyalelayo. Yomelela ke, ukhaliphe. Uze ungoyiki unkwantye; kaloku mna Ndikhoyo Thixo wakho ndiya kusoloko ndisecaleni kwakho naphi na apho unyathela khona.

UYOSHUWA 1:9 uThixo uloyiko ukhuthazo

2017 Juni 10, Mgqibelo

Umyalelo endiniyala ngawo ngowokuba nithandane njengoko mna ndanithandayo.

UYOHANE 15:12 umthetho uthando UYesu

2017 Juni 9, Lwesihlanu

Ndihlala ndimbeke phambi kwam uNdikhoyo;
ungasekunene kwam, ngoko ke andiyi kushukunyiswa nto.

INdumiso 16:8 ukuxhomekeka izixhobo ukukhuselwa

2017 Juni 8, Lwesine

Waza ke uPetros wagcinwa entolongweni apho, kodwa amaKrestu wona azingisa ukumthandazela kuThixo, lo gama avalelweyo.

UMSEBENZI WABATHUNYWA 12:5 umthandazo ummelwane ukuxhomekeka

2017 Juni 7, Lwesithathu

Lungekho ke ukholo akukho ukumkholisa uThixo. Kaloku wonke ubani ozayo kuye kufuneka akholwe ukuba ukho uThixo, yaye uyabavuza abo bamlangazelelayo.

KUMAHEBHERE 11:6 ukholo uvuyo ibuyiselo

2017 Juni 6, Lwesibini

Wena ulikhaka nekhusi lam;
ndiqamele ngelizwi lakho.

INdumiso 119:114 ithemba ILizwi likaThixo ukukhuselwa

2017 Juni 5, Mvulo

Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.

KUMAGALATI 5:22-23 umthetho Umoya intsikelelo

2017 Juni 4, Cawe

Nina niya kunikwa amandla, akufika kuni uMoya oyiNgcwele, nindingqinele ebantwini baseJerusalem, nabakulo lonke elakwaJuda, nabaseSamariya, kude kuse naseziphelweni zomhlaba.

UMSEBENZI WABATHUNYWA 1:8 ukuvangela Umoya amandla

2017 Juni 3, Mgqibelo

Kuba wena, Nkosi, ulungile, uyaxolela;
uphuphuma luthando kwabo bakholosa ngawe.

INdumiso 86:5 ukuthembeka uthando uxolelo

2017 Juni 2, Lwesihlanu

Kakade nabizelwa loo nto; kaloku uKrestu waphatheka kabuhlungu ngenxa yenu, waza ngaloo ndlela wanishiya nomzekelo, ukuze nina nihambe ekhondweni lakhe.

1 KAPETROS 2:21 ukubandezeleka ukulandela ubizo