Gcina (Februwari 2014)

2014 Februwari 28, Lwesihlanu

Umntu uzilahlela kuloo nto ayinqwenelayo;
phofu akunani kwaukuba lihlwempu kunokuba lixoki.

IZAFOBE 19:22 ukuthembeka imali ukulunga

2014 Februwari 27, Lwesine

Ndinixelele ezi zinto ukuze nibe noxolo, kuba nimanyene nam. Ehlabathini niya kubandezeleka; kodwa musani ukuxhalaba, kuba mna ndiloyisile ihlabathi.

UYOHANE 16:33 ukhuthazo uxolo ukoyisa

2014 Februwari 26, Lwesithathu

Banoyolo abo bayithobelayo imfundiso kaNdikhoyo,
abayilulamelayo ngomxhelo wabo wonke.

INdumiso 119:2 intsikelelo ukufuna intliziyo

Ke ngoko uYesu wathi kumaJuda abeke ithemba kuye: “Ukuba nithe nazingisa ukuhlala nisenza oko ndinifundisileyo, niya kuba ngabafundi bam benene. Niya kuyiqonda ke inyaniso; yaye inyaniso iya kunenza nikhululeke.”

UYOHANE 8:31-32 inyaniso ILizwi likaThixo ukulandela

2014 Februwari 24, Mvulo

Ewe kambe, unqulo luyamtyebisa umntu ukuba uyaneliswa zezo zinto anazo.

1 KUTIMOTI 6:6 ukholo uvuyo ukuthanda izinto eziphathekayo

2014 Februwari 23, Cawe

Ndiphetha ngelithi: Velanani, nibe moya mnye. Thandanani, nenzelane ububele, nilulamelane.

1 KAPETROS 3:8 ukuthobeka uluntu ummelwane

2014 Februwari 22, Mgqibelo

Kuba xa simanyene noKrestu, ukwaluka nokungaluki akubalulekanga, into ebalulekileyo lukholo olucaciswa luthando.

KUMAGALATI 5:6 ukholo uthando UYesu

2014 Februwari 21, Lwesihlanu

Ngoko ke masisebenzele ukulungelwa komntu wonke, ngalo lonke ixesha esinethuba ngalo, ngokukodwa usapho lwamakholwa.

KUMAGALATI 6:10 ubulali ummelwane ukulunga

2014 Februwari 20, Lwesine

Kaloku umthetho ufikelele esiphelweni ngoKrestu, khon' ukuze wonke umntu abe lilungisa kuba ekholwa.

KWABASEROMA 10:4 ukholo umthetho ubulungisa

2014 Februwari 19, Lwesithathu

Andinazintloni ngazo iindaba ezimnandi zikaKrestu. Zingamandla kaThixo okusindisa bonke abakholwayo, umJuda kuqala, kwanowolunye uhlanga ngokunjalo.

KWABASEROMA 1:16 ukholo ukuvangela usindiso

2014 Februwari 18, Lwesibini

Bantundini abangathembekanga, anazi kakade ukuba ngokuhlobana neli hlabathi nizenza iintshaba zikaThixo? Ewe, nabani na okhetha ukuvana neli hlabathi ulutshaba lukaThixo.

EKAYAKOBI 4:4 isono uThixo ubuhlobo

2014 Februwari 17, Mvulo

“Sivumelekile ukwenza nayiphi na into,” kukho abatshoyo. Ewe kunjalo kambe, kodwa azilunganga zonke izinto. Ewe: “Sivumelekile ukwenza nayiphi na into,” kodwa izinto azakhi zonke.

1 KWABASEKORINTE 10:23 umthetho ukulunga ubulungisa

2014 Februwari 16, Cawe

Awu, Thixo, ndiyatarhuzisa!
Ngenxa yezibele zothando lwakho,
nobubanzi benceba yakho, nceda uzicime iziphoso zam!
Ndihlambe ndahlukane nabo bonke ububi;
ndenze ndibe nyulu, ndingabi nasono!

INdumiso 51:1-2 isono inceba ukusulungekiswa

2014 Februwari 15, Mgqibelo

Amazwi axolelanisayo angumthi wobomi;
ke wona awenkohlakalo ayawaphula umoya.

IZAFOBE 15:4 ukuthetha Umoya ukuxoka

2014 Februwari 14, Lwesihlanu

Ngoko ke mna Nebhukadenezare ndiyambonga ndimdumisa ndimzukisa uKumkani osezulwini. Kaloku konke akwenzayo kulungile, nezenzo zakhe zifanelekile. Ke bona abanekratshi yena uyabathoba.

UDANIYELI 4:37 ubulungisa ukuthobeka unqulo

2014 Februwari 13, Lwesine

Ke ukuba kukho bani uswele ubulumko, makabucele kuThixo. UThixo onobubele nesisa kubo bonke abantu, womnika.

EKAYAKOBI 1:5 ubulumko ukwamkela isisa

2014 Februwari 12, Lwesithathu

Lufuneni kuNdikhoyo uncedo;
mfunen' aph' akhoyo ngawo onke amaxesha.

1 YEZIGANEKO 16:11 amandla ukufuna ukusondela

2014 Februwari 11, Lwesibini

Imini enye echithelwe kwakho, Thixo,
ingaphezulu kwewaka lemihla echithwe ndaweni yimbi.
Kubhetele ndibe ngumgcini-mnyango kwaThixo
ndaweni yokungqendeva phakathi kwezaphula-mthetho.

INdumiso 84:10 isono ukusondela

2014 Februwari 10, Mvulo

Ewe, konke okushukumayo makudume kubonge uNdikhoyo!
Masidanduluke sonke sithi: “Bayethe, Mhlekazi!”

INdumiso 150:6 unqulo dumisani

2014 Februwari 9, Cawe

Nakuwe ke mntundini ugwebayo, nokuba ungubani, amatyholo aphelile. Ewe, ngokugweba omnye, uzigweba ngokwakho. Kaloku wena ugwebayo, wenza kwaezo zinto ugweba omnye ngazo.

KWABASEROMA 2:1 ubulungisa umgwebo ummelwane

2014 Februwari 8, Mgqibelo

Ke apho kukho umona nokuzigwagwisa kuba nguqulukubhode nazo zonke iintlobo zeentlondi.

EKAYAKOBI 3:16 isono ukuzingca ububi

2014 Februwari 7, Lwesihlanu

Wena Thixo, unguThixo wam, ndithe swi nguwe.
Umphefumlo wam uyakulangazelela.
Ndihlala ndizula-zula ndikufuna;
ndinxanele wena oku komhlaba obharhileyo.

INdumiso 63:1 unqulo ukufuna umphefumlo

2014 Februwari 6, Lwesine

Musani ukulithanda ihlabathi, nezinto zalo ngokunjalo. Nabani na olithandayo eli hlabathi akazani nothando lukaThixo.

1 KAYOHANE 2:15 isono uthando UTata

2014 Februwari 5, Lwesithathu

Wena ke, shumayela ngendlela engqinelana nemfundiso ephilileyo.

KUTITO 2:1 ukuthetha ukuvangela ukufunda

2014 Februwari 4, Lwesibini

Phulaphulani ke, maSirayeli, ingaba yintoni afuna niyenze uNdikhoyo uThixo wenu? Ufuna nimhlonele, ningaphambuki endleleni yakhe. Ufuna nimthande, nimkhonze ngengqondo yenu yonke nangomoya wenu wonke, nithobele imiyalelo nemimiselo yakhe, le ndininika yona namhlanje ukuze kulunge kuni.

UHLAZIYO-MNQOPHISO 10:12-13 umthetho ukumoyika uthixo intsikelelo