Iindinyana zeBhayibhile Ezidumileyo (2/4)

Ngaphezu kwazo zonke ezi zinto yongezani uthando, lona lubopha izinto zonke zibe yimbumba egqibeleleyo. KWABASEKOLOSE 3:14

XHO96

Ngaphezu kwazo zonke ezi zinto yongezani uthando, lona lubopha izinto zonke zibe yimbumba egqibeleleyo.
KWABASEKOLOSE 3:14 uthando uluntu ngokungenatyala
Kaloku ndim okuyalelayo. Yomelela ke, ukhaliphe. Uze ungoyiki unkwantye; kaloku mna Ndikhoyo Thixo wakho ndiya kusoloko ndisecaleni kwakho naphi na apho unyathela khona.
UYOSHUWA 1:9 uThixo uloyiko ukhuthazo
Wanga angakunika umnqweno wentliziyo yakho,
aziphumelelise zonk' iinquleqhu zakho.
INdumiso 20:4 ukucwangcisa intsikelelo intliziyo
Ngoko ke, mawethu athandekayo, yomelelani ningathandabuzi. Yisebenzeleni ngenkuthalo iNkosi ngalo lonke ixesha, kuba kakade ukubulaleka kwenu ngenxa yeNkosi akunakulambatha.
1 KWABASEKORINTE 15:58 ukuthobela ibuyiselo ukhuthazo
Ungaze wahlukane nentembeko nokunyaniseka.
Maxa onke ezi zinto mazibe sisivatho entanyeni yakho.
Ewe, zikrole elucwecweni lwentliziyo yakho.
Ukuba uyayenza ke loo nto uya kuhlala wamkelekile,
ube negama elihle kuThixo nasebantwini.
IZAFOBE 3:3-4 uthando ibuyiselo intliziyo
Ngoko ke sisondela singenaxhala kuThixo, sisazi ukuba uyasiphulaphula xa sicela silungele ukwenza loo nto athanda ukuba siyenze.
1 KAYOHANE 5:14 thembela umthandazo ukuphulaphula
Noba sewucand' emanzini,
mna ndiya kuba nawe;
noba sowuwela imilambo,
ayisoze ibe nako ukukukhukulisa;
nditsho sowucand' emlilweni, soze urhawuke;
amadangatye akanakukutshisa wena.
UISAYA 43:2 thembela ukhuthazo izithembiso
Ngalinye ke, zintathu izinto eziya kuhlala zihleli: lukholo, nethemba, nothando. Engaphezu kwazo zonke ke luthando.
1 KWABASEKORINTE 13:13 ukholo uthando ithemba
Ndikhoyo, wena unguThixo wam;
ndosuka ndikuthuthe ndikudumise.
Kuthi mandikutyibele ndibongisele
ngenxa yemisebenzi yakho ekhamnqisayo;
kaloku ngokuthembeka okukhulu
wena zonke uzifezekisile –
nditsho izicwangciso zakho zamandulo.
UISAYA 25:1 ukuthembeka uThixo unqulo
Vuyani, ninethemba nje, ninyamezele ezimbandezelweni zenu, nithandaze ningayeki.
KWABASEROMA 12:12 uvuyo umthandazo umonde
Ndakuxineka ndikholosa ngawe.
INdumiso 56:3 thembela uThixo uloyiko
Elowo ke makanikele kangangoko agqibe ngako, engenasikrokro, engaziva enyanzelekile, kuba uThixo uthanda umntu opha ngobubele.
2 KWABASEKORINTE 9:7 uvuyo ukupha intliziyo
Ngoko ke yigqaleni indlela eniziphatha ngayo. Yibani ngabantu abanengqondo; musani ukuba ziziyatha. Eli thuba ninalo lisebenziseni kakuhle, kuba akho amaxesha amabi.
KWABASE-EFESE 5:15-16 ubulumko ubomi ingqondo
Wathi kuye uYesu: “Oo, uthi: ‘Ukuba ndinako;’ – zonke izinto zinokwenzeka kokholwayo.”
UMARKO 9:23 ukholo imimangaliso ukuphilisa
Nokhalela kum, nize kundithandaza, ndize mna ndiniphulaphule.
UJEREMIYA 29:12 unqulo umthandazo ukuphulaphula
Ngoko ke nathi ngokwethu siyalwazi, saye sikholosa ngalo uthando aluthululele kuthi uThixo.
UThixo uluthando, yaye nabani na ohlala eluthandweni uhlala emanyene noThixo, noThixo uhlala emanyene naye.
1 KAYOHANE 4:16 thembela uthando uThixo
INkosi le ke nguMoya. Apho ke ukhona uMoya weNkosi kubakho inkululeko.
2 KWABASEKORINTE 3:17 inkululeko Umoya uMoya oyiNgcwele
Ndaweni yaloo nto yenzelanani ububele ninobulali, nixolelane, kwanjengokuba naye uThixo wanixolelayo ngoKrestu.
KWABASE-EFESE 4:32 uxolelo uvelwano ukulunga
Anazi na ukuba abakhohlakeleyo abayi kubuxhamla ubuncwane bokulawulwa nguThixo? Musani ukulahlekiswa: abarheletyi, nabakhonza izithixo, nabakrexezayo, nabafebayo, nabangamadoda alalanayo, nabangamasela, nababawayo, nabangamanxila, nabathukayo, nabazizikrelemnqa, abanakubuxhamla ubuncwane bokulawulwa nguThixo.
1 KWABASEKORINTE 6:9-10 isono usindiso ubukumkani
Phakathi kobusuku uPawulos noSilas bathandaza bacula bedumisa uThixo, namanye amabanjwa ebeva.
UMSEBENZI WABATHUNYWA 16:25 unqulo umthandazo ukuphulaphula
Ndinixelele ezi zinto ukuze nibe noxolo, kuba nimanyene nam. Ehlabathini niya kubandezeleka; kodwa musani ukuxhalaba, kuba mna ndiloyisile ihlabathi.
UYOHANE 16:33 ukhuthazo uxolo ukoyisa
Zingisani ukuthandaza, niphaphile, ninombulelo kuThixo.
KWABASEKOLOSE 4:2 umbulelo umthandazo
Ukuba abantu bam abo babizwa ngegama lam bathe bazithoba bathandaza bendikhunga befuna ubuso bam, bazilahla iindlela zabo ezikhohlakeleyo, ke mna ndiya kubaphulaphula ndibeve ndisezulwini, ndisixolele isono sabo, ndilinyange ilizwe labo.
2 YEZIGANEKO 7:14 ukuthobeka uxolelo ukuphilisa
Kodwa ke loo mntu makacele ekholwa, engathandabuzi konke. Kaloku umntu othandabuzayo ufana namaza alatyuziswa ngumoya elwandle.
EKAYAKOBI 1:6 thembela ukholo umthandazo
Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.
KUMAGALATI 5:22-23 umthetho Umoya intsikelelo