Iivesi zeBhayibhile malunga noxolo

«»

• Wanga angakuthi jize ngamathamsanqa uNdikhoyo,
  akulondoloze.
  Wanga angayindlezane kuwe uNdikhoyo,
  usixhamle isisa sakhe.
  Wanga angakwazelelela uNdikhoyo,
  akwambathise uxolo.
  EYASENTLANGO 6:24-26ubabalointsikeleloukukhanya
• Ndinixelele ezi zinto ukuze nibe noxolo, kuba nimanyene nam. Ehlabathini niya kubandezeleka; kodwa musani ukuxhalaba, kuba mna ndiloyisile ihlabathi.
  UYOHANE 16:33ukhuthazoukoyisaumhlaba
• Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.
  KWABASEFILIPI 4:6-7umbuleloumthandazoukukhathazeka
• Ndinishiya noxolo olulolwam, olungafani nakancinane nolweli hlabathi. Ze ningakhathazeki, ningoyiki.
  UYOHANE 14:27ukhuthazoukukhathazekaumhlaba
• Ngamana iNkosi, ekuvela kuyo yonke inzolo, ingamana inipha uxolo njalo-njalo, ngeendlela zonke. INkosi mayibe nani.
  2 KWABASETESALONIKA 3:16ukusondela
• Banoyolo abo bangabaxolisi, kuba uThixo uya kuthi bangabantwana bakhe!
  UMATEWU 5:9intsikeleloabantwana
• Nanjengoko zitshoyo iziBhalo ukuthi:
  “Lowo unga angabudla ubomi abe nenkqubela
  makazilumle ekuthetheni kakubi,
  ayeke ukuthetha ubuxoki.
  Makahlukane nobubi, enze okulungileyo;
  makaphuthume uxolo, ahlale kulo.”
  1 KAPETROS 3:10-11uthandoubomiukuxoka
• Ndiya kuphumla ngenzolo, ndilale;
  nguwe kuphela kaloku, Ndikhoyo, ondinqabisayo.
  INdumiso 4:8ukhuselekophumla
• Ke wena ubathi jize ngenzolo
  abo banjongo zingajika-jikiyo,
  kuba behlala bekholose ngawe.
  UISAYA 26:3thembelaukhuseleko
• Uxolo eniluphiwa nguKrestu malube lulo olugweba iintliziyo zenu, kuba uThixo wanibizela kolu xolo ukuze nibe ngamalungu omzimba omnye. Phuphumani ke ngumbulelo.
  KWABASEKOLOSE 3:15UYesuumbuleloumzimba
• Nyamezelanani, nixolelane. Ukuba omnye ukhalazela omnye xolelanani kwanjengokuba nayo iNkosi yanixolelayo.
  KWABASEKOLOSE 3:13uxoleloummelwaneuxolelwaniso
• Ndithi: kuni makongame inceba, uxolo, nothando.
  EKAJUDA 1:2uthandointsikelelo
• Onomonde ulungile kunegorha;
  olawula umsindo wakhe ungcono kunothimba isixeko.
  IZAFOBE 16:32umondeukuzibamba
• Makahlukane nobubi, enze okulungileyo;
  makaphuthume uxolo, ahlale kulo.
  INdumiso 34:14ububiukulungaizithixo
• Ke bona abahlwayeli boxolo abaseluxolweni bavuna ubulungisa.
  EKAYAKOBI 3:18ubulungisaukuvunaukuba nesiqhamo
• Hlalani ngoxolo nabo bonke abantu. Yibani nyulu, kuba ngaphandle kobunyulu akukho mntu uya kuyibona iNkosi.
  KUMAHEBHERE 12:14ubungcweleubomiuxolelwaniso
• Zamelani ukuhlala ngoxolo niyilaa mbumba yamanyama wanenza nayiyo uMoya oyiNgcwele.
  KWABASE-EFESE 4:3Umoyauluntu
• Abathobela umyalelo wakho bahlala banelisekile;
  kaloku akukho nto ingabaphazamisayo.
  INdumiso 119:165umthetho
• Kodwa ke bona ubulumko obuvela phezulu bumsulwa; bunolungelelwano, nobubele, buyazelelela. Bona bunovelwano, yaye buvelisa imisebenzi emihle; abunamkhethe naluhanahaniso.
  EKAYAKOBI 3:17ukunyanisekaubulumko
• Uthetha ngelizwi athi:
  “Phezani, ndim uThixo.
  Ndizivelele izizwe;
  nehlabathi ndilikrobele.”
  INdumiso 46:10uThixo
• Zenzeni zonke izinto enazivayo nezo nazibonela kum, amazwi kwanezenzo. Ke uThixo onika uxolo uya kuba nani.
  KWABASEFILIPI 4:9ukuphulaphulaukufunda
• Ke ukunyamekela izinto zesimo esonakeleyo kusa ekufeni, kanti ke ukunyamekela ezoMoya kusa ebomini naseluxolweni.
  KWABASEROMA 8:6Umoyaubomi
• Wanga angabaph' amandl' abantu bakhe;
  wanga angabathamsanqela abaph' inzolo.
  INdumiso 29:11amandlaintsikelelo
• Hayi ubuhle beenyawo zesigidimi sibhijel' iintaba,
  sipheth' iindaba ezimnandi,
  sibhengeza sisithi: “Uxolo lufikile!
  Yonk' intw' ilungile! Nal' usindiso!”
  Ewe, sibhekisa kwiZiyon sisithi:
  “UThixo wakho uyalawula.”
  UISAYA 52:7usindisoubukumkani
• Umntu onesidima uyasicezela isiphithi-phithi;
  kanti ke sona isiyatha siyathanda ukuphemba uqhushululu.
  IZAFOBE 20:3ukuthethaumsindo