Ingobo yomlando (Juni 2020)

ULwesibili, Juni 30, 2020

Yebo, ukumesaba uNkulunkulu kanye nokwaneliswa kuyinzuzo enkulu.

1 kuThimothewu 6:6 inkolo injabulo ukuthanda izinto ezibambekayo

UMsombuluko, Juni 29, 2020

Ngithi kini: Kanjalo kuyakuba khona ukuthokoza ezulwini ngesoni sisinye esiphendukayo, kunabalungileyo abangamashumi ayisishiyagalolunye nesishiyagalolunye abangasweli ukuphenduka.

NgokukaLuka 15:7 ukuguqulwa ukuphenduka injabulo

ISonto, Juni 28, 2020

Ngithokoza ngendlela yobufakazi bakho njengemfuyo.

AmaHubo 119:14 umthetho imali injabulo

UMgqibelo, Juni 27, 2020

Ngokuba izikhathi zokungazi wazithalalisa uNkulunkulu, kodwa kalokhu usememezela kubantu ukuba bonke ezindaweni zonke baphenduke.

IzEnzo 17:30 ukuphenduka ukuguqulwa intethelelo

ULwesihlanu, Juni 26, 2020

Ngakho hlomani izikhali zonke zikaNkulunkulu ukuba nibe namandla okuzabalaza ngosuku olubi, nalapho senifeze konke, nime.

Kwabase-Efesu 6:13 ukuvikela okubi usathane

ULwesine, Juni 25, 2020

Funani uJehova namandla akhe,
nifunisise ubuso bakhe njalo.

AmaHubo 105:4 UNkulunkulu ukufuna ukusondela

ULwesithathu, Juni 24, 2020

Yilobu ubufakazi ukuthi uNkulunkulu usiphile ukuphila okuphakade, nalokhu kuphila kuseNdodaneni yakhe.

1 kaJohane 5:11 ukuphila okungunaphakade UJesu

ULwesibili, Juni 23, 2020

Ngokuba inkokhelo yesono ingukufa, kepha isipho somusa sikaNkulunkulu singukuphila okuphakade kuKristu Jesu iNkosi yethu.

KwabaseRoma 6:23 isibi ukuphila okungunaphakade umvuzo

UMsombuluko, Juni 22, 2020

Yenama ngosuku lwenhlanhla,
kepha ngosuku olubi qonda ukuthi
nalolu uNkulunkulu ulwenzile njengalolo,
ukuze umuntu angafumani lutho
oluyakuba khona emva kwakhe.

UmShumayeli 7:14 injabulo ukuphila ukuncika

ISonto, Juni 21, 2020

KuNkulunkulu noBaba wethu makube ludumo kuze kube phakade naphakade. Amen.

KwabaseFilipi 4:20 ukuthobeka khulekela UBaba

UMgqibelo, Juni 20, 2020

Lokhu kuyizwi likaJehova kaZerubabele lokuthi: ‘Kungabi ngempi, kungabi ngamandla, kepha kube ngomoya wami kuphela,’ usho uJehova Sebawoti.

UZakariya 4:6 UNkulunkulu UMoya amandla

ULwesihlanu, Juni 19, 2020

Ithemba labalungileyo liyakuba yintokozo,
kepha abakwethembayo ababi kuyakubhubha.

IzAga 10:28 ukulunga ngiyethemba ukubekezela

Akuthengwa yini imizwilili eyisihlanu ngezindibilishi ezimbili na? Akukhohlakele namunye kuyo emehlweni kaNkulunkulu. Kodwa nezinwele zekhanda lenu zibaliwe zonke. Maningesabi; nidlula imizwilili eminingi.

NgokukaLuka 12:6-7 kuyigugu uvalo isikhuthazo

ULwesithathu, Juni 17, 2020

Ngokuba yilowo nalowo othanda ukusindisa ukuphila kwakhe uyakulahlekelwa yikho; kepha olahlekelwa ngukuphila kwakhe ngenxa yami uyakukufumana.

NgokukaMathewu 16:25 insindiso ukufa ukuphila

ULwesibili, Juni 16, 2020

Ngezwi likaJehova izulu lenziwa,
namabandla onke ngomoya womlomo wakhe.

AmaHubo 33:6 indalo ukukhuluma izulu

UMsombuluko, Juni 15, 2020

Maningaboshelwa ejokeni linye nabangakholwayo, ngokuba kunakuhlanganyela kuni ukulunga nokungalungi na? Kunabudlelwane buni ukukhanya nobumnyama na?

2 kwabaseKorinte 6:14 umthetho ukulunga ubudlelwano

ISonto, Juni 14, 2020

Ekhaya likaBaba kukhona izindlu eziningi; uma bekungenjalo, bengiyakunitshela ukuthi ngiya ukunilungisela indawo.

NgokukaJohane 14:2 UJesu UBaba izulu

UMgqibelo, Juni 13, 2020

Ungaphambuki ngakwesokunene nangakwesokhohlo;
chezukisa unyawo lwakho ebubini.

IzAga 4:27 okubi ukulunga ukulandela

ULwesihlanu, Juni 12, 2020

Kepha uma sihamba ekukhanyeni, njengalokhu yena uqobo esekukhanyeni, khona sinenhlanganyelo omunye nomunye, negazi likaJesu iNdodana yakhe liyasihlambulula ezonweni zonke.

1 kaJohane 1:7 ukuhlanzwa umhlatshelo umphakathi

ULwesine, Juni 11, 2020

Noze niguge, nginguye,
yebo, noze nibe yizimpunga,
ngiyakunithwala;
ngikwenzile lokhu,
futhi ngiyakunetshatha,
yebo, ngiyakunithwala, nginikhulule.

U-Isaya 46:4 thembekile izisetshenziswa ukuvikela

ULwesithathu, Juni 10, 2020

Thobisela inhliziyo yami ebufakazini bakho,
kungabi sekuhaheni.

AmaHubo 119:36 umthetho ukwemana inhliziyo

ULwesibili, Juni 9, 2020

UJesu wathi kuye: “Woyithanda iNkosi uNkulunkulu wakho ngayo yonke inhliziyo yakho, nangawo wonke umphefumulo wakho, nangayo yonke ingqondo yakho.”

NgokukaMathewu 22:37 inhliziyo umphefumulo ingqondo

UMsombuluko, Juni 8, 2020

Njalo-ke ibandla laba nokuthula kulo lonke laseJudiya, naseGalile, naseSamariya, lakheka, lihamba ekwesabeni iNkosi, landa ngenduduzo kaMoya oNgcwele.

IzEnzo 9:31 isonto ukuthula mangala

ISonto, Juni 7, 2020

Mbonge uJehova, mphefumulo wami;
konke okuphakathi kwami makubonge igama lakhe elingcwele.

AmaHubo 103:1 ubungcwele khulekela umphefumulo

UMgqibelo, Juni 6, 2020

Unganqotshwa ngokubi, kodwa nqoba okubi ngokuhle.

KwabaseRoma 12:21 okubi okuhle ukunqoba

ULwesihlanu, Juni 5, 2020

Kepha hambani nifunde ukuba kuthini ukuthi: ‘Ngifuna isihawu, hhayi umhlatshelo.’ Ngokuba angizanga ukubiza abalungileyo kepha izoni ukuba ziphenduke.

NgokukaMathewu 9:13 isihe ukulunga umhlatshelo

ULwesine, Juni 4, 2020

Uyaphilisa abenhliziyo echobozekileyo;
izilonda zabo uyazibopha.

AmaHubo 147:3 ukuphulukisa inhliziyo ukugula

ULwesithathu, Juni 3, 2020

Yala abacebileyo kuleli zwe lamanje ngokuthi bangakhukhumali, bangathembeli engcebeni engemiyo, kepha mabathembele kuNkulunkulu osicebisa ngakho konke, sithokoze ngakho.

1 kuThimothewu 6:17 imali injabulo ukuthanda izinto ezibambekayo