Tahirin-kevitra (Janoary 2016)

Alahady 31 Janoary 2016

Miraisa saina. Aza mihevitra izay hiavonavonana, fa aoka mba ho zatra amin'ny fietrena ianareo. Aza manao ny tenanareo ho hendry.

Romana 12:16 fanetren-tena fiaraha-monina fiankinan-doha

Asabotsy 30 Janoary 2016

Ny harena dia tsy mahasoa amin'ny andro fahatezerana;
Fa ny fahamarinana no mamonjy tsy ho azon'ny fahafatesana.

Ohabolana 11:4 vola rariny fitiavan-karena

Zoma 29 Janoary 2016

Na iza na iza manaiky fa Zanak'Andriamanitra Jesosy, dia mitoetra ao aminy Andriamanitra, ary izy kosa ao amin'Andriamanitra.

1 Jaona 4:15 Jesosy fiainana manaiky

Ary dia niray saina isan'andro izy ka nazoto nankeo an-kianjan'ny tempoly ary namaky mofo tao an-trano ka nihinan-kanina tamin'ny fifaliana sy ny fahatsaram-po, nidera an'Andriamanitra sady nahita fitia tamin'ny vahoaka rehetra. Ary ny olom-bonjena dia nanampin'ny Tompo isan'andro ho isan'ireo.

Asan'ny Apostoly 2:46-47 fiankohofana hanina fiaraha-monina

Alarobia 27 Janoary 2016

Hihoby ny molotro raha mankalaza Anao;
ny fanahiko koa izay efa navotanao.

Salamo 71:23 fiankohofana mpanafaka aina

Talata 26 Janoary 2016

Fa tanteraka amin'ny teny iray ihany ny lalàna rehetra, dia izao: Tiava ny namanao tahaka ny tenanao.

Galatiana 5:14 lalàna fitiavana manaraka

Alatsinainy 25 Janoary 2016

Anefa noho ny fijangajangana dia aoka ny lehilahy rehetra samy hanana ny vadiny avy, ary aoka koa ny vehivavy rehetra samy hanana ny vadiny avy.

1 Korintiana 7:2 faniriana fanambadiana fandraisana

Alahady 24 Janoary 2016

Aza mamihina ny soa amin'izay tokony homena azy,
Raha azon'ny tananao atao ihany.

Ohabolana 3:27 fanaovana ny marina manomeza trosa

Asabotsy 23 Janoary 2016

Koa amin'izany dia aoka hanahaka an'Andriamanitra ianareo tahaka ny zanaka malala.

Efesiana 5:1 zaza fanarahana

Zoma 22 Janoary 2016

Koa satria niaritra tamin'ny nofo Kristy, dia alao mba ho fiadianareo izany saina izany; fa izay niaritra tamin'ny nofo dia efa afaka tamin'ny ny ota.

1 Petera 4:1 fahotana fijaliana

Alakamisy 21 Janoary 2016

Jehovah ô, henoy ny fivavako,
ary atongilano amin'ny fifonako ny sofinao;
Valio aho araka ny teninao marina sy ny fahamarinanao.

Salamo 143:1 fitokisana rariny fivavahana

Alarobia 20 Janoary 2016

Mba hankanesako any aminareo amin'ny fifaliana, raha sitrapon'Andriamanitra, ka samy ho velombelona ny fontsika.

Romana 15:32 fankatoavana fifaliana fiankinan-doha

Talata 19 Janoary 2016

Hoy Jesosy taminy: Tsy voalazako va fa raha hino ianao, dia ho hitanao ny voninahitr'Andriamanitra?

Jaona 11:40 finoana Jesosy

Alatsinainy 18 Janoary 2016

Ary manao ny tranony ambony any an-danitra Izy,
sady manorina ny andohalambony eny ambonin'ny tany;
Ary miantso ny rano eny an-dranomasina
ka mampilatsaka azy eny amin'ny tany,
Jehovah no anarany.

Amosa 9:6 famoroana izao tontolo izao Andriamanitra lanitra

Alahady 17 Janoary 2016

Ary Andriamanitra nitahy ny andro fahafito sy nanamasina azy, satria tamin'izany no nitsaharan'Andriamanitra tamin'ny asany rehetra izay noforoniny tamin'ny nanaovany azy.

Genesisy 2:3 famoroana izao tontolo izao fitahiana sabata

Asabotsy 16 Janoary 2016

Ary Izay manome voa ho an'ny mpamafy sy mofo hohanina dia hanome sy hahabe ny voa afafinareo ary hampitombo ny vokatry ny fahamarinanareo.

2 Korintiana 9:10 rariny hanina manomeza

Zoma 15 Janoary 2016

Mitsahara, ka aoka ho fantatrareo fa Izaho no Andriamanitra;
hisandratra amin'ny firenen-tsamy hafa Aho,
hisandratra amin'ny tany Aho.

Salamo 46:10 Andriamanitra fiadanana

Alakamisy 14 Janoary 2016

Omeo izay rehetra mangataka aminao; ary raha misy maka ny anananao, dia aza manaraka izany aminy.

Lioka 6:30 trosa manomeza fahalalahan-tanana

Alarobia 13 Janoary 2016

Ary ny mazava dia mamirapiratra ao amin'ny maizina; fa ny maizina tsy nandray azy.

Jaona 1:5 faharatsiana fandresena fahazavana

Talata 12 Janoary 2016

Fa tsy ny sabany no nahazoany ny tany,
ary tsy ny sandriny no namonjy azy;
fa ny tananao ankavanana sy ny sandrinao
ary ny fahazavan'ny tavanao, satria efa sitrakao izy.

Salamo 44:3 fitiavana tanjaka fiankinan-doha

Alatsinainy 11 Janoary 2016

Ary raha izay manisy soa anareo ihany no asianareo soa, inona moa no soa tokony ho azonareo? fa na dia ny mpanota aza mba manao izany ihany.

Lioka 6:33 rariny valisoa

Alahady 10 Janoary 2016

Fa izay rehetra miantso ny anaran'ny Tompo no hovonjena.

Romana 10:13 Andriamanitra famonjena fiankohofana

Asabotsy 9 Janoary 2016

Toy ny tsy ahafantaranao ny amin'ny alehan'ny rivotra, na ny amin'ny fitombon'ny taolana ao an-kibon'izay manan'anaka, dia toy izany no tsy ahafantaranao ny asan'Andriamanitra, Mpanao ny zavatra rehetra.

Mpitoriteny 11:5 Andriamanitra mahatakatra

Zoma 8 Janoary 2016

Aza miasa hahazo ny hanina mety ho levona, fa ny hanina izay maharitra ho fiainana mandrakizay, izay homen'ny Zanak'olona anareo; fa Izy no nasian'Andriamanitra Ray tombo-kase.

Jaona 6:27 fiainana mandrakizay Jesosy hanina

Alakamisy 7 Janoary 2016

Sambatra ny madio am-po;
fa izy no hahita an'Andriamanitra.

Matio 5:8 fanaovana ny marina fitahiana fo

Alarobia 6 Janoary 2016

Izay manisy soa olona hohatavezina;
Ary izay mandena dia mba holemana kosa.

Ohabolana 11:25 fahalalahan-tanana hanina manomeza

Talata 5 Janoary 2016

Nefa, ry malala, izao zavatra iray loha izao no aoka tsy hohadinoinareo: ny indray andro amin'ny Tompo dia toy ny arivo taona, ary ny arivo taona toy ny indray andro.

2 Petera 3:8 Andriamanitra fiverenana faharetana

Alatsinainy 4 Janoary 2016

Hampitomboina ho anareo anie ny famindram-po sy ny fiadanana ary ny fitiavana.

Joda 1:2 fitiavana fitahiana fiadanana

Alahady 3 Janoary 2016

Marina Jehovah amin'ny lalany rehetra,
Sady mamindra fo amin'ny asany rehetra.

Salamo 145:17 fitokisana rariny hatsaram-panàhy

Asabotsy 2 Janoary 2016

Didy vaovao no omeko anareo, dia ny mba hifankatiavanareo; eny, aoka ho tahaka ny fitiavako anareo no mba hifankatiavanareo kosa.

Jaona 13:34 lalàna fitiavana manaraka

Zoma 1 Janoary 2016

Fa izay mamafy ho an'ny nofony dia hijinja fahasimbana avy amin'ny nofo; ary izay mamafy ho an'ny Fanahy dia hijinja fiainana mandrakizay avy amin'ny Fanahy.

Galatiana 6:8 fahotana fiainana mandrakizay Fanahy