Gcina (Disemba 2013)

2013 Disemba 31, Lwesibini

Lunje ke olu thando: Ayisithi esamthandayo uThixo, koko nguye owasithandayo, wasinika uNyana wakhe, ukuze acamagushele izono zethu.

1 KAYOHANE 4:10 isono uthando UMsindisi

2013 Disemba 30, Mvulo

Banoyolo abo batshutshiswayo ngokuba besenza ubulungisa, kuba balawulwa nguThixo bona!

UMATEWU 5:10 ubulungisa ubukumkani intshutshiso

2013 Disemba 29, Cawe

UYesu wathi kuye: “Bendingatshongo na kuwe okokuba uya kuwabona amandla kaThixo ukuba uyakholwa?”

UYOHANE 11:40 ukholo UYesu

2013 Disemba 28, Mgqibelo

Aa, Mhlekazi Ndikhoyo, wena wasolula isandla sakho, wawenza umhlaba nesibhakabhaka ngamandla akho amakhulu! Akukho nanye into ekunqabelayo wena!

UJEREMIYA 32:17 indalo amandla izulu

2013 Disemba 27, Lwesihlanu

Kaloku nguNdikhoyo onika ubulumko;
luphuma emlonyeni wakhe ulwazi nokuqonda.

IZAFOBE 2:6 ILizwi likaThixo ubulumko

2013 Disemba 26, Lwesine

Khawuvuke! Vuka, Jerusalem!
Khanya! Ukhanyiso lwakho luthwasile;
isihomo sikaNdikhoyo sikujikelezile.

UISAYA 60:1 ixabisekile uThixo ubuhle

2013 Disemba 25, Lwesithathu

Isithunywa ke sathi kuye: “Musa ukoyika, Mariya, kuba uThixo ukwenzela isisa. Uyabona, uza kumitha, uzale unyana, umthiye igama elinguYesu.”

ULUKA 1:30-31 UYesu uloyiko iingelosi

2013 Disemba 24, Lwesibini

Bonke abonileyo bengekho phantsi komthetho kaMosis, baya kutshabalala bengaphandle kwawo; nabo bonke abonileyo bephantsi komthetho kaMosis, baya kugwetywa ngawo.

KWABASEROMA 2:12 isono umthetho umgwebo

2013 Disemba 23, Mvulo

Hayi, eli lizwe abalizuzanga ngenxa yezikhali,
bengaphumelelanga ngenxa yezigalo zabo;
koko kwakungenxa yegunya nezigalo zakho
nefuthe lobukho bakho, njengoko babethandeka kuwe.

INdumiso 44:3 uthando amandla ukuxhomekeka

2013 Disemba 22, Cawe

Ngezi ndaba zimnandi kaloku kutyhilwa indlela uThixo asenza amalungisa ngayo: kungokholo qha, njengoko zitshoyo neziBhalo ukuthi: “Ngokholo lwakhe olilungisa uya kudla ubomi.”

KWABASEROMA 1:17 ukholo ubulungisa usindiso

2013 Disemba 21, Mgqibelo

Kaloku umthetho xa uwonke ushwankathelwa ngomyalelo omnye othi: “Mthande ummelwane wakho kanye ngale ndlela uzithanda ngayo nawe.”

KUMAGALATI 5:14 umthetho uthando ummelwane

2013 Disemba 20, Lwesihlanu

Zamelani ukuhlala ngoxolo niyilaa mbumba yamanyama wanenza nayiyo uMoya oyiNgcwele.

KWABASE-EFESE 4:3 Umoya uluntu uxolo

2013 Disemba 19, Lwesine

Nihlale nithobekile ngawo onke amaxesha, ninobulali nomonde, ninyamezelana ngothando.

KWABASE-EFESE 4:2 uthando ukuthobeka umonde

2013 Disemba 18, Lwesithathu

Umntu uyalucwangcwisa uhambo lwakhe,
kodwa nguNdikhoyo olawula ukunyathela kwakhe.

IZAFOBE 16:9 ukucwangcisa umtshato ukuxhomekeka

2013 Disemba 17, Lwesibini

Njengoko ke ningabantwana bakaThixo abaziintanda, fuzani yena.

KWABASE-EFESE 5:1 abantwana ukulandela

2013 Disemba 16, Mvulo

Ndizolulela kuwe izandla zam;
ndikunxanele njengomhlaba owomileyo.

INdumiso 143:6 unqulo ukwamkela ukuxhomekeka

2013 Disemba 15, Cawe

Niyityiwa yehlabathi nina. Ke ukuba ityiwa ithe yaphelelwa sisongo, yothiwani na ukubuyiselwa isongo sayo? Ayisenamsebenzi; kuphela kukuba ilahlwe phandle, inyathelwe ngabantu.

UMATEWU 5:13 isono ukuthobela ukuvangela

2013 Disemba 14, Mgqibelo

Iingqondo zenu zimiliseleni kwizinto zaphezulu, kungabi kwizinto zalo mhlaba.

KWABASEKOLOSE 3:2 izulu ingqondo umhlaba

2013 Disemba 13, Lwesihlanu

Kaloku ndagqiba kwelokuba ndingazi nto phakathi kwenu, ingenguye uYesu Krestu, naye ke ebethelelwe emnqamlezweni.

1 KWABASEKORINTE 2:2 ukuvangela UYesu ingqondo

2013 Disemba 12, Lwesine

UNdikhoyo ukufuphi kwabo babhenela kuye,
kwabo bamfuna benyanisekile.

INdumiso 145:18 thembela ukuthembeka umthandazo

2013 Disemba 11, Lwesithathu

Yiyo ke loo nto ndithi umkhulu, wena Ndikhoyo Nkosi yam. Akukho onjengawe, kungekho naThixo ngaphandle kwakho, njengoko sazivelayo ngezi zethu iindlebe.

2 KASAMWELI 7:22 uThixo unqulo

2013 Disemba 10, Lwesibini

Nawuphi na umntu ovumayo ukuba uYesu nguNyana kaThixo, uhlala emanyene noThixo, noThixo uhlala emanyene naye.

1 KAYOHANE 4:15 UYesu ubomi ukuvuma

2013 Disemba 9, Mvulo

Waza uYesu wathi: “ ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela.’”

UMATEWU 22:37 intliziyo umphefumlo ingqondo

2013 Disemba 8, Cawe

Neengonyama ziyaswela zilambe,
kodwa abo bamfunayo uNdikhoyo akukho nto intle bayiswelayo.

INdumiso 34:10 uThixo ukufuna

2013 Disemba 7, Mgqibelo

Bantwana bam, zilumkeleni izithixo!

1 KAYOHANE 5:21 abantwana izithixo

2013 Disemba 6, Lwesihlanu

Hayi inyhweba yomntu ongahambiyo ngecebo labantw' abagwenxa,
ongahambiyo ekhondweni lamatshijolo,
umnt' ongadlelaniyo nabaphoxisayo.

INdumiso 1:1 isono ubulungisa intsikelelo

2013 Disemba 5, Lwesine

Xa banibambayo banise ezinkundleni, musani ukuyixhalela into eniya kuyithetha, kodwa thethani oko nithe nakunikwa ngelo xesha, kuba asinini abathethayo, nguMoya oyiNgcwele.

UMARKO 13:11 ukuthetha Umoya ukukhathazeka

2013 Disemba 4, Lwesithathu

Ndiniwisela umthetho omtsha, ndithi: Thandanani! Njengoko ndinithandileyo mna, nani thandanani kanye ngolo hlobo.

UYOHANE 13:34 umthetho uthando ummelwane

Ke kaloku thina sonke, sinobuso obutyhiliweyo, ubuqaqawuli beNkosi sibubona ngokungathi kusesibukweni. Ngoko ke siyaguqulwa sifane nayo ncam, sinesidima esiya sikhula. Yonke ke le nto ivela eNkosini ekwanguMoya.

2 KWABASEKORINTE 3:18 Umoya inguqu