Gcina (Novemba 2013)

2013 Novemba 30, Mgqibelo

Ukuba abantu bam abo babizwa ngegama lam bathe bazithoba bathandaza bendikhunga befuna ubuso bam, bazilahla iindlela zabo ezikhohlakeleyo, ke mna ndiya kubaphulaphula ndibeve ndisezulwini, ndisixolele isono sabo, ndilinyange ilizwe labo.

2 YEZIGANEKO 7:14 ukuthobeka uxolelo ukuphilisa

2013 Novemba 29, Lwesihlanu

Musani ukuzilinganisa nizifanise nabantu abangakholwayo, kuba àyenziwa loo nto. Ingádibana njani into elungileyo nengalunganga? Kungahlala njani ukukhanya ndawonye nobumnyama?

2 KWABASEKORINTE 6:14 umthetho ubulungisa ubudlelwane

2013 Novemba 28, Lwesine

Kubhetele ukuba lihlwempu elihlonela uNdikhoyo
kunokuba sisinhanha esiphethwe ngamaxhala.

IZAFOBE 15:16 imali ukumoyika uthixo ukuthanda izinto eziphathekayo

2013 Novemba 27, Lwesithathu

Khanibuxhamle ububele bukaNdikhoyo;
ngenene unoyolo umntu othembela ngoNdikhoyo!

INdumiso 34:8 uThixo intsikelelo phumla

2013 Novemba 26, Lwesibini

Wathi kubo: “Ke nina nithi ndingubani?”
Waphendula uSimon Petros wathi: “Wena unguye uKrestu, uNyana kaThixo ophilayo.”

UMATEWU 16:15-16 uMesiya UYesu

2013 Novemba 25, Mvulo

Ngaphezu koko ke hlalani nithandana, kuba kaloku uthando luyazingcwaba izono.

1 KAPETROS 4:8 isono uthando ummelwane

2013 Novemba 24, Cawe

Ilizwi likaThixo liyaphila, liyasebenza. Libukhali ngaphezu kwekrele elibazwe macala. Lihlabanisela liye kuthi xhokro embindini, phakathi komzimba nomphefumlo, nasekudibaneni kwamathambo nomongo. Liyazihluza lizicalu-calula iingcamango neminqweno yabantu.

KUMAHEBHERE 4:12 ILizwi likaThixo amandla iingcamango

2013 Novemba 23, Mgqibelo

Imiyalelo ethi: “Uze ungakrexezi, uze ungabulali, uze ungebi, uze ungangqini buxoki, uze unganqweneli,” nokuba nguwuphi umyalelo ongomnye, ushwankathelwa ngelithi: “Uze umthande ummelwane wakho kanye ngale ndlela uzithanda ngayo nawe.”

KWABASEROMA 13:9 umthetho uthando ummelwane

2013 Novemba 22, Lwesihlanu

Xa nithi nenze okulungileyo kwabanenzela okulungileyo bodwa, ninanzuzoni? Kaloku naboni benza kwaloo nto!

ULUKA 6:33 ubulungisa ibuyiselo

2013 Novemba 21, Lwesine

Ebusuku umphefumlo wam ulangazelela wena;
kusasa umoya wam uyazula ufuna wena.
Xa ulohlwaya ihlabathi
abemi balo bafunda ngobulungisa.

UISAYA 26:9 ubulungisa umgwebo ukufunda

2013 Novemba 20, Lwesithathu

Ukwenza ubulungisa nokuthe ngqo
kwamkelekile kuNdikhoyo kunamadini.

IZAFOBE 21:3 ukunyaniseka ubulungisa umbingelelo

2013 Novemba 19, Lwesibini

Hlalani ngoxolo nabo bonke abantu. Yibani nyulu, kuba ngaphandle kobunyulu akukho mntu uya kuyibona iNkosi.

KUMAHEBHERE 12:14 ubungcwele uxolo ubomi

2013 Novemba 18, Mvulo

Lufuneni kuNdikhoyo uncedo;
mfuneni aph' akhoyo ngawo onke amaxesha.

INdumiso 105:4 uThixo ukufuna ukusondela

2013 Novemba 17, Cawe

Ábenjenjalo ke àbanako ukumkholisa uThixo konke-konke.

KWABASEROMA 8:8 isono ukuxhomekeka iminqweno

2013 Novemba 16, Mgqibelo

Kuzo zonke izinto isiphelo sisemnyango. Ngoko ke hlalani nisezingqondweni, nikuqulele ukuthandaza.

1 KAPETROS 4:7 ukuza kwesibini phumla umthandazo

2013 Novemba 15, Lwesihlanu

Makungabikho bani ubuyekeza ububi ngobubi, kodwa maxa onke zamani kangangoko ninako ukulungiselelana, nibanceda bonke abantu.

1 KWABASETESALONIKA 5:15 ngokungenatyala ubulungisa ububi

2013 Novemba 14, Lwesine

Wanithoba eniyekela ngendlela, waza kananjalo wanipha imana, kutya oko naningakwazi, nina ngokunjalo nooyihlo-mkhulu. Le nto ke wayenza kuba efuna niqonde nazi ukuba ubomi bomntu abuxhomekanga kutyeni kuphela, koko buxhomekeke kuwo onke amazwi kaNdikhoyo.

UHLAZIYO-MNQOPHISO 8:3 ukubandezeleka ILizwi likaThixo ubomi

2013 Novemba 13, Lwesithathu

Thina kaloku sanikwa lo myalelo yiNkosi:
“ ‘Ndikumisele ukuba ube sisibane sokukhanyisela iintlanga,
ube yindlela yokusindiswa kwalo lonke elimiweyo.’”

UMSEBENZI WABATHUNYWA 13:47 ukuvangela usindiso ukukhanya

2013 Novemba 12, Lwesibini

Wonke ke umntu owevayo la mazwi am, aze awenze, unokufanekiswa nendoda eyingqondi, ethe yayakhela phezu kwesiseko samatye indlu yayo.

UMATEWU 7:24 ILizwi likaThixo ubulumko ukuphulaphula

2013 Novemba 11, Mvulo

Njengenxala elikhothekileyo kukunxanwa
nam ndikwanjalo ukukulangazelela wena, Thixo.

INdumiso 42:1 uThixo iminqweno

2013 Novemba 10, Cawe

“Izishumi ziziseni ziphelele endlwini enguvimba wam ukuze kubekho ukutya endlwini yam. Khanindivavanye kulo mbandela,” utsho uNdikhoyo onamandla onke, “nibone ukuba andiyi kuwavula na amasango ezulu, ndinithululele iintsikelelo, nditsho nangaphezu kokufuna kwenu.”

UMALAKI 3:10 ukutya intsikelelo ukupha

2013 Novemba 9, Mgqibelo

Zonke iindlela zomntu zibonakala zilungile kwawakhe amehlo,
kanti ke nguNdikhoyo oyibeka esikalini intliziyo yomntu.

IZAFOBE 21:2 ubulungisa umgwebo ukuqonda

2013 Novemba 8, Lwesihlanu

Naphakathi kwengqeqesho yakho, Ndikhoyo,
sihlala sijonge kuwe;
umnqweno neqhayiya lethu nguwe.

UISAYA 26:8 umthetho ubulungisa iminqweno

2013 Novemba 7, Lwesine

Zola phambi koNdikhoyo, ulindele kuye,
ungazidubi ngabantu abaphumelela ngamaqhinga.

INdumiso 37:7 ukunyaniseka ubomi umonde

2013 Novemba 6, Lwesithathu

Zonwabise ngokululamela uNdikhoyo;
wokunika umnqweno wentliziyo yakho.

INdumiso 37:4 ukupha ukufuna intliziyo

2013 Novemba 5, Lwesibini

Nditsho ndanemihlali ngenxa kaNdikhoyo;
umoya wam uyachulumacha ngoThixo wam.
Kaloku undithe wambu ngomnweba wosindiso,
ewe, yena undambathise isivatho sobulungisa,
ndatsho ndanjengomyeni eqhoqhonye intloko yakhe njengombingeleli,
ndanjengomtshakazi ozihombisa ngobuyoko-yoko bamaso.

UISAYA 61:10 ubulungisa uvuyo umhlawuleli