Okthoba 2026

NguNdikhoyo ngokwakhe oza kunikhokela, ahambe nani. Soze arhoxe, engasoze anilahle; ngoko ke yomelelani ningoyiki.

UHLAZIYO-MNQOPHISO 31:8 ukulandela uloyiko ukhuthazo

2026 Okthoba 30, Lwesihlanu

Kholosa ngoNdikhoyo ngomxhelo wakho wonke,
ungaze ungqiyame ngezakho iimbono.
Mkhumbule uNdikhoyo kuyo yonke ihambo yakho,
waye ke yena eya kukukhokela kuzo zonke iindlela zakho.

IZAFOBE 3:5-6 thembela ukuxhomekeka intliziyo

2026 Okthoba 29, Lwesine

Ngoko ke zinikeleni ngokupheleleyo kuThixo. Mchaseni uSathana azokunibaleka.

EKAYAKOBI 4:7 ukuthobela ukhuseleko ukuba likhoboka

2026 Okthoba 28, Lwesithathu

“Ndim isiqalo nesiphelo,” itsho iNkosi uThixo, uSomandla, uNdikhoyo, owayekho, lowo uya kusoloko ekho.

ISITYHILELO 1:8 ubomi obungunaphakade ukuthembeka uThixo

2026 Okthoba 27, Lwesibini

Lowo uhleli ekhuselwe nguPhezukonke,
uhlala esemthunzini kaSomandla.
Yena uya kuthi: “Ndikhoyo, ungumkhuseli wam;
uyinqaba yam, wena Thixo, ndiya kuthembela kuwe.”

INdumiso 91:1-2 thembela ukhuseleko phumla

2026 Okthoba 26, Mvulo

Ngoko ke ayisendim ophilayo, nguKrestu ophilayo kum. Ubomi ke endibudlayo ngoku ndimanywe noNyana kaThixo, ndibudla ngokholo kulowo wandithandayo, wabuncama obakhe ubomi ngenxa yam.

KUMAGALATI 2:20 ukholo UMsindisi ubomi

Ewe, uThixo unyule izinto ezibonakala zidelekile ebantwini, ngathi azinto yanto, azikho nokubakho, ezinyulela ukuze aphuthise ngazo izinto ezibonakala ngathi zibalulekile ebantwini. Xa kunjalo ke akukho namnye unokuqhayisa.

1 KWABASEKORINTE 1:28-29 ukuthobeka ubizo umhlaba

2026 Okthoba 24, Mgqibelo

Ndikhoyo, wena unguThixo wam;
ndosuka ndikuthuthe ndikudumise.
Kuthi mandikutyibele ndibongisele
ngenxa yemisebenzi yakho ekhamnqisayo;
kaloku ngokuthembeka okukhulu
wena zonke uzifezekisile –
nditsho izicwangciso zakho zamandulo.

UISAYA 25:1 ukuthembeka uThixo unqulo

2026 Okthoba 23, Lwesihlanu

Kuba kungaye sikho nje, sisuka-suka, siphilile. Kunjengoko zitshoyo ezinye zeembongi zenu ukuthi: ‘Nathi siyinzala yakhe.’

UMSEBENZI WABATHUNYWA 17:28 indalo ubomi

2026 Okthoba 22, Lwesine

Kuthi mnye uThixo. Yena nguThixo uYise owadala izinto zonke, esikholo yena thina. Inye kuthi neNkosi. Yona nguYesu Krestu, ezabakho ngaye zonke izinto, esikho ngaye nathi.

1 KWABASEKORINTE 8:6 UTata ubomi UYesu

2026 Okthoba 21, Lwesithathu

Iyandivuyisa intando yakho, Thixo wam;
umthetho wakho ndiwumilisele entliziyweni.

INdumiso 40:8 ukuthobela umthetho intliziyo

2026 Okthoba 20, Lwesibini

Olu thando ke alunakuze lone mntu. Ngoko ke ukuthanda kukuwuthobela ngokupheleleyo umthetho.

KWABASEROMA 13:10 umthetho uthando ummelwane

2026 Okthoba 19, Mvulo

Lowo uyamkelayo imiyalelo yam ayigcine, nguye ondithandayo. Lowo ke undithandayo mna, uya kuthandwa nguBawo. Nam ndiya kumthanda, ndizibonakalise kuye.

UYOHANE 14:21 umthetho uthando UTata

2026 Okthoba 18, Cawe

Kunikele kuNdikhoyo konke okwenzayo,
yaye ke yena uya kuziphumelelisa izicwangciso zakho.

IZAFOBE 16:3 thembela ukucwangcisa intsikelelo

2026 Okthoba 17, Mgqibelo

Ngaloo mini uThixo uya kuvuza elowo nalowo ngokwemisebenzi yakhe.

KWABASEROMA 2:6 ubulungisa ibuyiselo

2026 Okthoba 16, Lwesihlanu

Masingadinwa ke kukwenza okulungileyo. Kuba xa sizingisa, lode lifike ixesha lokuvuna.

KUMAGALATI 6:9 ubulungisa ibuyiselo umonde

2026 Okthoba 15, Lwesine

Kum ziluyolo izithethe zakho;
zingaphezu kwabo bonke ubutyebi.

INdumiso 119:14 umthetho imali uvuyo

2026 Okthoba 14, Lwesithathu

Kufuneka nizahlulele mna, nibe ngabam ndedwa, kuba kaloku ndim Ndikhoyo uThixo wenu, ndaye mna ndahlukile. Ndanahlula kwezi ntlanga, ukuze nina nibe ngabam ndedwa.

EYONQULO 20:26 ubungcwele ubomi

2026 Okthoba 13, Lwesibini

Ke yena othe wawasela amanzi endiya kumpha wona mna, soze anxanwe naphakade. Amanzi endiya kumnika wona, aya kuba ngumthombo ompompoza kuye, emnika obona bomi bungenasiphelo.

UYOHANE 4:14 ubomi obungunaphakade inguqu ukwamkela

2026 Okthoba 12, Mvulo

Thina singabancedisanayo emsebenzini kaThixo; intsimi kaThixo ke nini.
Ngenye indlela nisisakhiwo sikaThixo.

1 KWABASEKORINTE 3:9 ukukhonza icawa ukuvangela

2026 Okthoba 11, Cawe

Ke uNdikhoyo uya kuba ngukumkani wehlabathi jikelele. Ewe, ngaloo mini iya kuba nguNdikhoyo yedwa, igama lakhe libe kuphela kwagama elitshatsheleyo.

UZAKARIYA 14:9 uThixo ubukumkani

2026 Okthoba 10, Mgqibelo

UYesu Krestu lo wayizolo, usekwanguye nanamhla, nangomso, nanini nanini.

KUMAHEBHERE 13:8 ukuthembeka UYesu

2026 Okthoba 9, Lwesihlanu

Nenkqu yothando ivela kuMhlekazi.
Kaloku wena, Nkosi, uyazelelela,
umntu umvuza ngokwemisebenzi yakhe.

INdumiso 62:12 uthando ibuyiselo

2026 Okthoba 8, Lwesine

Kaloku umthetho xa uwonke ushwankathelwa ngomyalelo omnye othi: “Mthande ummelwane wakho kanye ngale ndlela uzithanda ngayo nawe.”

KUMAGALATI 5:14 umthetho uthando ummelwane

2026 Okthoba 7, Lwesithathu

Ngubani ke onokusahlukanisa nothando lukaKrestu? Yimbandezelo na? Yinkxwaleko na? Yintshushiso na? Yindlala na? Bubuzé na? Yingozi na? Likrele na?

KWABASEROMA 8:35 uthando ukubandezeleka intshutshiso

2026 Okthoba 6, Lwesibini

Umnqweno ongafezekiyo uyamngcungcuthekisa umntu;
kanti ke wakufezeka umnqweno ufana nomthi onika ubomi.

IZAFOBE 13:12 ithemba ubomi intliziyo

2026 Okthoba 5, Mvulo

Wonke umntu oyithobelayo imiyalelo kaThixo umanyene noThixo, noThixo uhlala kuye. Into ecacisa ukuba uThixo uhlala kuthi nguMoya lo asinike yena.

1 KAYOHANE 3:24 umthetho uThixo Umoya

2026 Okthoba 4, Cawe

INkosi uYesu Krestu mayibe sisikrweqe senu, ningasilungiseleli isimo senu esonakeleyo ukuze nanelise iinkanuko zaso.

KWABASEROMA 13:14 iminqweno ukuba likhoboka UYesu

2026 Okthoba 3, Mgqibelo

Intliziyo yam mayinxanele imfundiso yakho
ndaweni yokusukelana nenzuzo yobuqhophololo.

INdumiso 119:36 umthetho ukubawa intliziyo

2026 Okthoba 2, Lwesihlanu

Bantundini abangathembekanga, anazi kakade ukuba ngokuhlobana neli hlabathi nizenza iintshaba zikaThixo? Ewe, nabani na okhetha ukuvana neli hlabathi ulutshaba lukaThixo.

EKAYAKOBI 4:4 isono uThixo ubuhlobo

2026 Okthoba 1, Lwesine

Egameni leNkosi yethu uYesu Krestu ndiyanibongoza, mawethu, ukuba nivane, nithethe nto-nye, kungabikho zimbambano phakathi kwenu. Manyanani nibe luqilima, nimxhelo mnye, ninazimvo zinye.

1 KWABASEKORINTE 1:10 uluntu usapho inguqu