Tahirin-kevitra (Mey 2016)

Talata 31 Mey 2016

Izay, na dia tsy mbola hitanareo aza, dia tianareo, ary na dia tsy hitanareo ankehitriny aza, anefa, satria inoanareo, dia iravoravoanareo amin'ny fifaliana tsy azo tononina sady be voninahitra, mandray ny anton'ny finoanareo, dia ny famonjena ny fanahy.

1 Petera 1:8-9 finoana fifaliana famonjena

Alatsinainy 30 Mey 2016

Mifalia mandrakariva amin'ny Tompo; hoy izaho indray: Mifalia.

Filipiana 4:4 Andriamanitra fifaliana

Alahady 29 Mey 2016

Andriamanitra tokoa no iantombenan'ny fanahiko;
avy aminy ny famonjena ahy.

Salamo 62:1 famonjena fitsaharana aina

Asabotsy 28 Mey 2016

Ny vava iray ihany no ivoahan'ny fisaorana sy ny fanozonana. Ry rahalahiko, tsy mety raha misy izany.

Jakoba 3:10 fahotana lahateny fiankohofana

Zoma 27 Mey 2016

Izao no lazain'i Jehovah, Tompon'ny maro: Manaova fitsarana marina, ary samia mifampiantra sy mifamindra fo amin'ny rahalahiny avy; ary aza mampahory ny mpitondratena na ny kamboty, na ny vahiny, na ny mahantra; ary aza misy mihevitra ao am-ponareo hanisy ratsy ny rahalahinareo ianareo.

Zakaria 7:9-10 faharatsiana rariny manaraka

Alakamisy 26 Mey 2016

Miderà an'i Jehovah, miantsoa ny anarany;
Ataovy fantatra any amin'ny firenena ny asany.

Salamo 105:1 lahateny fitoriana ny filazantsara fiankohofana

Alarobia 25 Mey 2016

Fa ny famaizana rehetra dia tsy mba atao ho mahafaly andro anaovana, fa mampahory; fa rehefa afaka izany, dia vao mitondra ny vokatry ny fahamarinana hiadanana ho an'izay nanaovana azy izy.

Hebreo 12:11 rariny fiadanana zaza

Talata 24 Mey 2016

Mazotoa manolotra ny tenanao amin'Andriamanitra ho olona voazaha toetra, dia mpiasa tsy mahazo henatra, mizara tsara ny teny fahamarinana.

2 Timoty 2:15 fanaovana ny marina fahamarinana asa

Alatsinainy 23 Mey 2016

Izay tia vola tsy hety ho voky vola; ary izay fatra-pitia harena be tsy hety ho vokin'ny fitomboan-karena; fa zava-poana koa izany.

Mpitoriteny 5:9 vola fitiavan-bola fitiavan-karena

Alahady 22 Mey 2016

Raha mihaino tsara ny feon'i Jehovah Andriamanitrao ianao ka mitandrina hanaraka ny didiny rehetra, izay andidiako anao anio, dia hasandratr'i Jehovah Andriamanitrao ho ambonin'ny firenena rehetra amin'ny tany ianao.

Deotoronomia 28:1 lalàna fankatoavana fitahiana

Asabotsy 21 Mey 2016

Fa ny Zanak'olona tsy tonga mba hotompoina, fa mba hanompo ka hanolotra ny ainy ho avotra hisolo ny maro.

Marka 10:45 fanetren-tena Jesosy sorona

Zoma 20 Mey 2016

Miderà an'i Jehovah, fa tsara Izy:
Fa mandrakizay ny famindram-pony.

1 Tantara 16:34 fitokisana fiankohofana fankasitrahana

Alakamisy 19 Mey 2016

Manaraha an'i Jehovah Andriamanitrareo, ka aoka Izy no hatahoranareo, ary ny didiny no hotandremanareo, ary ny feony no hohenoinareo, ary aoka Izy no hotompoinareo sy hifikiranareo.

Deotoronomia 13:5 fanajana mihaino fanarahana

Alarobia 18 Mey 2016

Kanefa amin'izany rehetra izany dia manoatra noho ny mpandresy isika amin'ny alalan'ilay tia antsika.

Romana 8:37 fandresena Andriamanitra fitiavana

Talata 17 Mey 2016

Misandrata any ambonin'ny lanitra Hianao, Andriamanitra ô;
Ary aoka ho etỳ ambonin'ny tany rehetra ny voninahitrao.

Salamo 108:5 fiankohofana lanitra

Alatsinainy 16 Mey 2016

Mazotoa, fa aza malaina, ary aoka hafana fo amin'ny fanompoana ny Tompo.

Romana 12:11 fankatoavana Fanahy fanompoana

Alahady 15 Mey 2016

Ary nisy lela maro mitarehin'afo niseho taminy, izay nizarazara; ary nipetraka tamin'izy rehetra isan-olona izany. Ary samy feno ny Fanahy Masina izy rehetra, ka dia niteny tamin'ny fiteny maro samy hafa, araka ny nampitenenan'ny Fanahy Masina azy.

Asan'ny Apostoly 2:3-4 lahateny Fanahy pentekosta

Asabotsy 14 Mey 2016

Koa amin'izany, raha manao fiantrana ianao, aza mba mitsoka trompetra eo aloanao tahaka ny fanaon'ny mpihatsaravelatsihy eo amin'ny synagoga sy eny an-dalambe mba hankalazan'ny olona azy. Lazaiko aminareo marina tokoa fa efa azony ny valim-pitiany.

Matio 6:2 fanetren-tena valisoa manomeza

Zoma 13 Mey 2016

Tsy manan-tahotra ny fitiavana; fa ny fitiavana tanteraka mandroaka ny tahotra; fa mampahory ny tahotra. Fa izay matahotra dia tsy mbola tanteraka amin'ny fitiavana.

1 Jaona 4:18 fitiavana tahotra sazy

Alakamisy 12 Mey 2016

Fony azom-pahoriana aho, dia niantso an'i Jehovah,
eny, Andriamanitro no nitarainako;
nihaino ny feoko tao an-tempoliny Izy,
ary ny fitarainako teo anatrehany dia efa tonga teo an-tsofiny.

Salamo 18:6 lahateny fivavahana mihaino

Alarobia 11 Mey 2016

Aoka tsy haloaky ny vavanareo izay teny maloto, fa izay tsara ho fampandrosoana, araka izay tokony hanaovana, mba hahazoan'ny mihaino fahasoavana.

Efesiana 4:29 lahateny fitabatabana hatsaram-panàhy

Talata 10 Mey 2016

Tsara Jehovah,
fiarovana mafy amin'ny andro fahoriana,
Ka mahalala izay mialoka aminy.

Nahoma 1:7 fiarovana hatsaram-panàhy filaminana

Alatsinainy 9 Mey 2016

Ary hatoky Anao izay mahalala ny anaranao;
fa tsy foinao izay mitady Anao, Jehovah ô.

Salamo 9:10 fahatokisana mitady fitokisana

Alahady 8 Mey 2016

Ary Jehovah Andriamanitra nanao hoe: Tsy tsara raha irery ralehilahy; dia hanaovako vady sahaza ho azy izy.

Genesisy 2:18 famoroana izao tontolo izao fanambadiana fandraisana

Asabotsy 7 Mey 2016

Fa aoka ho mpankatò ny teny ianareo, fa aza mpihaino fotsiny ihany ka mamitaka ny tenanareo.

Jakoba 1:22 fankatoavana Tenin'Andriamanitra mihaino

Zoma 6 Mey 2016

Tsarovy ny antranao sy ny indrafonao, Jehovah ô,
fa hatrizay hatrizay ireny.
Aza ny fahotan'ny fahatanorako,
na ny ratsy nataoko, no tsarovanao;
fa aoka ho araka ny famindram-ponao no hahatsiarovanao ahy,
noho ny fahasoavanao Jehovah ô.

Salamo 25:6-7 fahotana famindram-po hatsaram-panàhy

Alakamisy 5 Mey 2016

Ary rehefa nilaza izany Jesosy, dia nakarina Izy, raha mbola nijery izy ireo; ary nisy rahona nitondra Azy, ka tsy hitan'ny masony intsony Izy.

Asan'ny Apostoly 1:9 fahagagana Jesosy lanitra

Alarobia 4 Mey 2016

Fa Jesosy nijery azy ka nanao hoe: Raha amin'ny olona, dia zavatra tsy hainy izany; fa tsy mba tahaka izany amin'Andriamanitra; fa ny zavatra rehetra dia hain'Andriamanitra.

Marka 10:27 fahagagana famonjena Jesosy

Talata 3 Mey 2016

Ka dia Jehovah no ho fiarovana avo ho an'ny mahantra,
ho fiarovana avo amin'ny andro fahoriana Izy.

Salamo 9:9 fiarovana filaminana

Alatsinainy 2 Mey 2016

Izao no nanehoana ny fitiavan'Andriamanitra antsika: Andriamanitra naniraka ny Zanani-lahy Tokana tamin'izao tontolo izao, mba hahavelona antsika amin'ny alalany.

1 Jaona 4:9 fitiavana Jesosy fiainana

Alahady 1 Mey 2016

Aoka ny olona rehetra samy hanao araka izay inian'ny fony avy, tsy amin'ny alahelo, na amin'ny faneriterena; fa ny mpanome amin'ny fifaliana no tian'Andriamanitra.

2 Korintiana 9:7 fifaliana manomeza fo