Tahirin-kevitra (Febroary 2018)

MG1865

Alarobia 28 Febroary 2018

Fa hoy Paoly: Jaona nanao ny batisan'ny fibebahana ka nilaza tamin'ny olona hino Izay ho avy manaraka azy, dia Jesosy.

Asan'ny Apostoly 19:4 batisa fiovam-po finoana

Talata 27 Febroary 2018

Ataovy marina ny alehan'ny tongotrao,
Dia ho voalamina ny alehanao rehetra.

Ohabolana 4:26 fiainana eritreritra

Alatsinainy 26 Febroary 2018

Inona ary no holazaintsika ny amin'izany zavatra izany? Raha Andriamanitra momba antsika, iza no hahatohitra antsika?

Romana 8:31 Andriamanitra fankaherezana fiarovana

Alahady 25 Febroary 2018

Hoy Jesosy taminy: Tsy voalazako va fa raha hino ianao, dia ho hitanao ny voninahitr'Andriamanitra?

Jaona 11:40 finoana Jesosy

Asabotsy 24 Febroary 2018

Sambatra ny olona izay miantra ka mampisambotra;
Tsy mba ho resy eo am-pitsarana izy.

Salamo 112:5 fahalalahan-tanana famindram-po fanaovana ny marina

Zoma 23 Febroary 2018

Anaka, arovy ny tenanareo amin'ny sampy.

1 Jaona 5:21 zaza sampy

Alakamisy 22 Febroary 2018

Ary homeko fo vaovao ianareo, ary fanahy vaovao no hataoko ao anatinareo, ary hesoriko amin'ny nofonareo ny fo vato, ka homeko fo nofo ianareo.

Ezekiela 36:26 fo Fanahy famonjena

Alarobia 21 Febroary 2018

Aleo ny kely misy ny fahatahorana an'i Jehovah
Toy izay harena be misy ahiahy.

Ohabolana 15:16 vola fanajana fitiavan-karena

Isaorana anie Andriamanitra, Rain'i Jesosy Kristy Tompontsika, Izay niteraka antsika indray araka ny haben'ny famindram-pony ho amin'ny fanantenana velona tamin'ny nitsanganan'i Jesosy Kristy tamin'ny maty.

1 Petera 1:3 fanantenana fitsanganana amin'ny maty fahaterahana indray

Alatsinainy 19 Febroary 2018

Ary izy sy ny manodidina ny havoanako dia hataoko fitaziana, ary hampilatsaka ranonorana amin'ny fotoany Aho, dia ranonoram-pitahiana mivatravatra.

Ezekiela 34:26 fitahiana andriamanitra lehibe

Alahady 18 Febroary 2018

Hoy izaho ny amin'i Jehovah: Tompoko Hianao;
tsy misy soa ananako azo oharina aminao.

Salamo 16:2 Andriamanitra fiankohofana

Asabotsy 17 Febroary 2018

Aza malahelo ny fonareo; minoa an'Andriamanitra, ary minoa Ahy koa.

Jaona 14:1 fahatokisana tahotra ahiahy

Zoma 16 Febroary 2018

Ary Izaho hangataka amin'ny Ray, ary Izy hanome anareo Mpananatra hafa mba ho eo aminareo mandrakizay.

Jaona 14:16 mpampionona Fanahy Masina Ray

Alakamisy 15 Febroary 2018

Izay manisy soa olona hohatavezina;
Ary izay mandena dia mba holemana kosa.

Ohabolana 11:25 fahalalahan-tanana hanina manomeza

Alarobia 14 Febroary 2018

Ary na dia omeko hohanin'ny malahelo aza ny fananako rehetra, ary na dia atolotro hodorana aza ny tenako, kanefa tsy manana fitiavana aho, dia tsy mahasoa ahy akory izany.

1 Korintiana 13:3 fitiavana fijaliana manomeza

Talata 13 Febroary 2018

Omeo izay rehetra mangataka aminao; ary raha misy maka ny anananao, dia aza manaraka izany aminy.

Lioka 6:30 trosa manomeza fahalalahan-tanana

Alatsinainy 12 Febroary 2018

Jehovah Tompo no tanjako,
Ary manao ny tongotro ho toy ny an'ny dieravavy Izy
Ka mampandeha ahy any amin'ny havoanako.

Habakoka 3:19 fitahiana tanjaka fitaovana

Alahady 11 Febroary 2018

Fa amin'izany no anehoana fahamarinana avy amin'Andriamanitra avy amin'ny finoana sy ho amin'ny finoana, araka ny voasoratra hoe: Ny marina amin'ny finoana no ho velona.

Romana 1:17 finoana rariny famonjena

Asabotsy 10 Febroary 2018

Aza mamono olona, Aza mijangajanga, Aza mangalatra, Aza mety ho vavolombelona mandainga, Manajà ny rainao sy ny reninao, ary: Tiava ny namanao tahaka ny tenanao.

Matio 19:18b-19 lalàna fitiavana ankohonana

Zoma 9 Febroary 2018

Aza mivily, na ho amin'ny ankavanana, na ho amin'ny ankavia;
Esory amin'ny ratsy ny tongotrao.

Ohabolana 4:27 faharatsiana rariny fanarahana

Alakamisy 8 Febroary 2018

Ary Izay manome voa ho an'ny mpamafy sy mofo hohanina dia hanome sy hahabe ny voa afafinareo ary hampitombo ny vokatry ny fahamarinanareo.

2 Korintiana 9:10 rariny hanina manomeza

Alarobia 7 Febroary 2018

Sitrano ny marary, atsangano ny maty, diovy ny boka, avoahy ny demonia; efa nahazo maimaimpoana ianareo, koa manomeza maimaimpoana.

Matio 10:8 fahasitranana manomeza fahazoana

Talata 6 Febroary 2018

Ny fanantenana tsy azo vetivety dia mankarary am-bavafo;
Fa hazon'aina ny faniriana tanteraka.

Ohabolana 13:12 fanantenana fiainana fo

Alatsinainy 5 Febroary 2018

Fa efa nantsoina ho amin'ny fahafahana ianareo, ry rahalahy; kanefa aoka tsy ho entinareo hanaraka ny nofo izany fahafahana izany, fa mifampanompoa amin'ny fitiavana.

Galatiana 5:13 fahafahana fanetren-tena faniriana

Alahady 4 Febroary 2018

Koa raha meloka amin'ny anankiray amin'ireo izy, dia hiaiky izay zavatra nanotany.

Levitikosy 5:5 fibabohana fahotana

Asabotsy 3 Febroary 2018

Koa esory ao am-ponao ny alahelo, ary avilio tsy hikasika ny nofonao ny ratsy; fa ny fahatanorana sy ny fahatanjahana dia samy zava-poana.

Mpitoriteny 11:10 fisaonana ahiahy fo

Zoma 2 Febroary 2018

Ary amin'izany dia aza manahy ny amin'ny ampitso ianareo; fa ny ampitso hanahy ny azy. Ampy ho an'ny andro ny ratsy miseho ao aminy.

Matio 6:34 fiainana ahiahy fiankinan-doha

Alakamisy 1 Febroary 2018

Mila ianareo, nefa tsy manana ihany; mamono sy mitsiriritra ianareo, nefa tsy mahazo ihany; mifanditra sy miady ianareo; tsy manana ianareo, satria tsy mangataka.

Jakoba 4:2 fahotana faniriana fivavahana