Tahirin-kevitra (Mey 2018)

Alakamisy 31 Mey 2018

Sambatra ny olona izay voavela
ny helony sy voasarona ny fahotany.

Salamo 32:1 fahotana famelàn-keloka fitahiana

Alarobia 30 Mey 2018

Aoka hanan-kaja amin'ny olona rehetra ny fanambadiana, ary aoka tsy ho voaloto ny fandriana; fa ny mpijangajanga sy ny mpaka vadin'olona dia hohelohin'Andriamanitra.

Hebreo 13:4 fanambadiana faniriana fitsarana

Talata 29 Mey 2018

Aoka ny olona rehetra samy hanao araka izay inian'ny fony avy, tsy amin'ny alahelo, na amin'ny faneriterena; fa ny mpanome amin'ny fifaliana no tian'Andriamanitra.

2 Korintiana 9:7 fifaliana manomeza fo

Alatsinainy 28 Mey 2018

Jehovah handidy ny famindram-pony nony andro,
ary ho amiko nony alina ny fihirana Azy,
dia vavaka amin'Andriamanitry ny aiko.

Salamo 42:8 fitiavana fiankohofana fivavahana

Alahady 27 Mey 2018

Ary mandalo izao fiainana izao sy ny filany; fa izay manao ny sitrapon'Andriamanitra no maharitra mandrakizay.

1 Jaona 2:17 fiainana mandrakizay fankatoavana faniriana

Asabotsy 26 Mey 2018

Ary Izay mandinika ny fo no mahalala izay hevitry ny Fanahy, satria araka an'Andriamanitra ny fifonany ho an'ny olona masina.

Romana 8:27 Fanahy mpanelanelana

Zoma 25 Mey 2018

Tamin'ny foko rehetra no nitadiavako Anao;
Aza avela hivily hiala amin'ny didinao aho.

Salamo 119:10 lalàna rariny fo

Ary na inona na inona no ataonareo, dia ataovy amin'ny fo, tahaka ny ho an'ny Tompo, fa tsy ho an'olona, satria fantatrareo fa ny Tompo no handraisanareo ny lova ho valiny; fa manompo an'i Kristy Tompo ianareo.

Kolosiana 3:23-24 valisoa fiainana fahazoana

Alarobia 23 Mey 2018

Ary izy ireo naharitra tamin'ny fampianaran'ny Apostoly sy ny fiombonana sy ny famakiana ny mofo ary ny fivavahana.

Asan'ny Apostoly 2:42 fiaraha-monina fivavahana fankatoavana

Talata 22 Mey 2018

Fitaka ny fahatsaram-bika, ary zava-poana ny fahatsaran-tarehy;
Fa ny vehivavy matahotra an'i Jehovah ihany no hoderaina.

Ohabolana 31:30 fanajana hatsàra

Alatsinainy 21 Mey 2018

Izao no ahafantarantsika fa mitoetra ao aminy isika, ary Izy ato amintsika, dia ny nanomezany antsika ny Fanahiny.

1 Jaona 4:13 Andriamanitra Fanahy manodidina

Alahady 20 Mey 2018

Ary rehefa nivavaka izy, dia nihovitrovitra ny trano izay niangonany; dia feno ny Fanahy Masina izy rehetra ka nitory ny tenin'Andriamanitra tamin'ny fahasahiana.

Asan'ny Apostoly 4:31 pentekosta Fanahy Masina fivavahana

Asabotsy 19 Mey 2018

Ny mitoetra ao amin'ny fierena izay an'ny Avo Indrindra
Dia monina eo ambanin'ny aloky ny Tsitoha.
Izaho hilaza an'i Jehovah hoe:
Fialofako sy batery fiarovana ho ahy Izy
Ary Andriamanitro, Izay hitokiako.

Salamo 91:1-2 fahatokisana filaminana fitsaharana

Zoma 18 Mey 2018

Aoka ny fitiavana ho amin'ny tsi-fihatsaram-belatsihy; mankahalà ny ratsy; mifikira amin'ny tsara.

Romana 12:9 fitiavana faharatsiana hatsaram-panàhy

Alakamisy 17 Mey 2018

Fa toy ny ananantsika zavatra maro momba ny tena iray, nefa tsy mitovy asa izay rehetra momba ny tena, dia toy izany koa isika, na dia maro aza, dia tena iray ihany ao amin'i Kristy, ary samy miara-momba ny tena isika rehetra.

Romana 12:4-5 vatana Jesosy fiaraha-monina

Alarobia 16 Mey 2018

Ary hitako ny fisasarana rehetra sy ny fahaizan-javatra rehetra, fa avy amin'ny fifampialonan'ny olona izany. Zava-poana sy misambo-drivotra foana koa izany.

Mpitoriteny 4:4 asa manaraka faniriana

Talata 15 Mey 2018

Hoy Jesosy taminy: Izaho no fananganana ny maty sy fiainana; izay mino Ahy, na dia maty aza, dia ho velona indray. Ary izay rehetra velona ka mino Ahy dia tsy ho faty mandrakizay. Mino izany va ianao?

Jaona 11:25-26 finoana fahafatesana fitsanganana amin'ny maty

Alatsinainy 14 Mey 2018

Ary aza mitsara, dia tsy hotsaraina ianareo; aza manameloka, dia tsy hohelohina ianareo; mamelà, dia mba havela ianareo.

Lioka 6:37 fitsarana famelàn-keloka

Alahady 13 Mey 2018

Nahoana no mitanondrika ianao, ry fanahiko?
ary nahoana no mitoloko ato anatiko ianao?
Manantenà an'Andriamanitra,
fa mbola hidera Azy ihany aho,
Izy no famonjena ny tavako sady Andriamanitro.

Salamo 42:11 fiankohofana fanantenana aina

Asabotsy 12 Mey 2018

Tsy mamaly ratsy ny ratsy, na fanaratsiana ny fanaratsiana; fa aoka hisaotra kosa, satria ho amin'izany no niantsoana anareo mba handova fitahiana.

1 Petera 3:9 lahateny fitahiana fiantsoana

Zoma 11 Mey 2018

Ny harena azoazo foana dia mihena lalandava;
Fa izay mahavatra mitsimpona no mampitombo.

Ohabolana 13:11 vola fitiavan-bola asa

Alakamisy 10 Mey 2018

Ary Jesosy nitondra azy hatrany Betania, dia nanandratra ny tànany ka nitso-drano azy. Ary raha mbola nitso-drano azy Izy, dia nisaraka taminy ka nakarina ho any an-danitra.

Lioka 24:50-51 Jesosy fitahiana lanitra

Alarobia 9 Mey 2018

Ary hoy Izy tamin'ny olona: Mitandrema, ka miarova tena mba tsy ho azon'ny fieremana ianareo; fa ny ain'ny olona tsy miankina amin'ny habetsahan'ny zavatra ananany.

Lioka 12:15 vola fitiavan-bola fitiavan-karena

Talata 8 Mey 2018

Ho avy faingana Aho; tano mafy izay anananao, mba tsy hisy haka ny satro-boninahitrao.

Apokalypsy 3:11 fiverenana valisoa faharetana

Alatsinainy 7 Mey 2018

Mitady an'i Jehovah aho, dia mamaly ahy Izy
ka manafaka ahy amin'ny tahotro rehetra.

Salamo 34:4 tahotra mihaino mitady

Alahady 6 Mey 2018

Fa mandehana ka mianara izay hevitry ny teny hoe: Famindram-po no sitrako, fa tsy fanatitra alatsa-drà; fa tsy tonga hiantso ny marina Aho, fa ny mpanota.

Matio 9:13 famindram-po rariny sorona

Asabotsy 5 Mey 2018

Fa efa tonga mpiombona amin'i Kristy isika, raha mihazona mafy ny fiandohan'ny fahatokiantsika hatramin'ny farany.

Hebreo 3:14 finoana fahatokisana fiainana

Zoma 4 Mey 2018

Mahasitrana ny torotoro fo Izy
Sy mamehy ny feriny.

Salamo 147:3 fahasitranana fo aretina

Alakamisy 3 Mey 2018

Mandraka ankehitriny dia tsy mbola nangataka na inona na inona tamin'ny anarako ianareo; mangataha, dia hahazo ianareo, mba ho tanteraka ny fifalianareo.

Jaona 16:24 fitokisana fifaliana fahazoana