Tahirin-kevitra (Janoary 2019)

Alakamisy 31 Janoary 2019

Sambatra ny ory;
fa izy no hampifalina.

Matio 5:4 fitahiana fisaonana mpampionona

Alarobia 30 Janoary 2019

Nefa aoka hangataka amin'ny finoana izy ka tsy hiahanahana akory; fa izay miahanahana dia toy ny alon-dranomasina entin'ny rivotra ka atopatopany.

Jakoba 1:6 fahatokisana finoana fivavahana

Talata 29 Janoary 2019

Ny vavan'ny mpihatsaravelatsihy no animbany ny namany;
Fa ny fahalalana no hanafahana ny marina.

Ohabolana 11:9 rariny lahateny fahendresena

Alatsinainy 28 Janoary 2019

Tsara Jehovah,
fiarovana mafy amin'ny andro fahoriana,
Ka mahalala izay mialoka aminy.

Nahoma 1:7 fiarovana hatsaram-panàhy filaminana

Alahady 27 Janoary 2019

Ary rehefa tafapetraka Jesosy, dia niantso ny roa ambin'ny folo lahy Izy ka nanao taminy hoe: Raha misy te-ho voalohany, dia hatao farany amin'izy rehetra sy ho mpanompo'izy rehetra izy.

Marka 9:35 fanetren-tena Jesosy mahatakatra

Asabotsy 26 Janoary 2019

Tsara ny mialoka amin'i Jehovah
Noho ny mialoka amin'ny olona.

Salamo 118:8 fahatokisana filaminana fiarovana

Fa hoy Jehovah tamin'i Samoela: Aza mijery ny tarehiny na ny hahavon'ny tsanganany, fa efa nolaviko izy; fa tsy mba toy ny fijerin'ny olona no fijerin'i Jehovah; fa ny olona mijery ny miseho eo ivelany, fa Jehovah kosa mijery ny fo.

1 Samoela 16:7 hatsàra fo fiavonavonana

Alakamisy 24 Janoary 2019

Isika tia, satria Izy efa dia antsika taloha.

1 Jaona 4:19 fitiavana Andriamanitra

Alarobia 23 Janoary 2019

Aza manasa-tena hanan-karena,
Aza entina amin'izany ny fahendrenao.
Moa hampanarahinao azy va ny masonao, nefa tsy ao intsony izy?
Fa maniry elatra tokoa izy
Ka manidina toy ny voromahery ho eny amin'ny lanitra.

Ohabolana 23:4-5 vola faniriana fitiavan-karena

Talata 22 Janoary 2019

Koa noho izany dia manaova izay zotom-po rehetra kosa ianareo, ka amin'ny finoanareo dia manehoa fahatanjahan-tsaina, ary amin'ny fahatanjahan-tsainareo dia fahalalana, ary amin'ny fahalalanareo dia fahononam-po, ary amin'ny fahononam-ponareo dia faharetana, ary amin'ny faharetanareo dia toe-panahy araka an'Andriamanitra, ary amin'ny toe-panahinareo araka an'Andriamanitra dia fitiavana ny rahalahy, ary amin'ny fitiavanareo ny rahalahy dia fitiavana ny olona rehetra.

2 Petera 1:5-7 finoana hatsaram-panàhy fifehezan-tena

Alatsinainy 21 Janoary 2019

Fa manompoa an'i Jehovah Andriamanitrareo, dia hitahy ny haninao sy ny ranonao Izy; ary hesoriko aminao ny aretina.

Eksodosy 23:25 fiankohofana fitahiana aretina

Alahady 20 Janoary 2019

Be fiadanana izay tia ny lalànao,
Ary tsy misy mahatafintohina azy.

Salamo 119:165 lalàna fiadanana

Asabotsy 19 Janoary 2019

Fa araka ny fahamasinan'ilay niantso anareo, dia aoka mba ho masina koa ianareo amin'ny fitondran-tena rehetra, satria voasoratra hoe: "Ho masina ianareo, satria masina Aho".

1 Petera 1:15-16 fahamasinana fiainana fiantsoana

Zoma 18 Janoary 2019

Jehovah ô, Andriamanitro Hianao; Hanandratra Anao sy hidera ny anaranao aho, fa efa nanao zava-mahagaga Hianao, dia zavatra efa voakasa hatramin'ny ela sady mahatoky no marina indrindra.

Isaia 25:1 fitokisana Andriamanitra fiankohofana

Alakamisy 17 Janoary 2019

Izay maro sakaiza tsy maintsy tra-pahoriana;
Fa misy sakaiza tia, izay mifikitra noho ny rahalahy aza.

Ohabolana 18:24 namana ankohonana

Alarobia 16 Janoary 2019

Aza tia izao tontolo izao, na izay zavatra eo amin'izao tontolo izao. Raha misy olona tia izao tontolo izao dia tsy ao anatiny ny fitiavana ny Ray.

1 Jaona 2:15 fahotana fitiavana Ray

Talata 15 Janoary 2019

Raha misy olona manompo Ahy, dia aoka izy hanaraka Ahy, ary izay itoerako, dia ao koa no hitoeran'ny mpanompoko; raha misy olona manompo Ahy, dia hankalaza azy ny Ray.

Jaona 12:26 fanompoana fanarahana Ray

Alatsinainy 14 Janoary 2019

Hidera an'i Jehovah amin'ny foko rehetra aho;
hanambara ny fahagaganao rehetra aho.

Salamo 9:1 fiankohofana fankasitrahana fahagagana

Alahady 13 Janoary 2019

Aoka tsy hisy olona hitady ny hahasoa ny tenany, fa ny hahasoa ny namany.

1 Korintiana 10:24 fitiavan-tena fitiavana manaraka

Asabotsy 12 Janoary 2019

Ary ho an'ny Mpanjaka tsy manan-taloha, tsy mety maty, tsy hita, dia ho an'Andriamanitra tokana ihany anie ny laza sy ny voninahitra mandrakizay mandrakizay. Amena.

1 Timoty 1:17 fiankohofana andriamanitra lehibe fanjakana

Zoma 11 Janoary 2019

Ny fankahalana ny ratsy no fahatahorana an'i Jehovah.
Ny fiavonavonana sy ny fireharehana sy ny lalana ratsy
Ary ny vava fandainga dia samy halako avokoa.

Ohabolana 8:13 fanajana fiavonavonana faharatsiana

Alakamisy 10 Janoary 2019

Fa ny fahorianay maivana, izay vetivety foana, dia mainka miasa fatratra indrindra ka mahatanteraka voninahitra mavesatra maharitra mandrakariva ho anay.

2 Korintiana 4:17 fiainana mandrakizay fijaliana fankaherezana

Alarobia 9 Janoary 2019

Ka dia sahy manao hoe isika: "Jehovah no Mpamonjy ahy, ka tsy hatahotra aho; Inona no azon'ny olona atao amiko?"

Hebreo 13:6 fahatokisana tahotra fiarovana

Talata 8 Janoary 2019

Maro ny fahorian'ny marina;
nefa Jehovah manafaka azy amin'izany rehetra izany.

Salamo 34:19 rariny fijaliana mpanafaka

Alatsinainy 7 Janoary 2019

Ny fitiavana mahari-po sady mora fanahy; ny fitiavana tsy mialona, tsy mirehareha, tsy mieboebo, tsy manao izay tsy mahamendrika, tsy mitady ny azy, tsy mora sosotra, tsy manao otri-po.

1 Korintiana 13:4-5 fitiavana faharetana hatezerana

Alahady 6 Janoary 2019

Dia tandremo ny lalàny sy ny didiny izay andidiako anao anio, mba hahita soa ianao sy ny taranakao mandimby anao, ary mba ho maro andro ianao any amin'ny tany, izay omen'i Jehovah Andriamanitrao ho anao mandrakizay.

Deotoronomia 4:40 lalàna fankatoavana fitahiana

Asabotsy 5 Janoary 2019

Mamindra fo sy miantra Jehovah,
Mahari-po sady be famindram-po.

Salamo 103:8 fahasoavana fitiavana faharetana

Zoma 4 Janoary 2019

Mifalia mandrakariva. Mivavaha, ka aza mitsahatra. Misaora amin'ny zavatra rehetra; fa izany no sitrapon'Andriamanitra ao amin'i Kristy Jesosy ho anareo.

1 Tesaloniana 5:16-18 fifaliana fankasitrahana fivavahana