Tahirin-kevitra (Desambra 2018)

Alatsinainy 31 Desambra 2018

Fa ny fijangajangana sy ny fahalotoana rehetra, na ny fieremana, dia aza avela hotononina eo aminareo akory aza, fa tsy mahamendrika ny olona masina izany.

Efesiana 5:3 fahotana fitiavan-bola fahamasinana

Alahady 30 Desambra 2018

Jehovah no heriko sy ampingako;
izy no nitokian'ny foko, ka voavonjy aho;
dia mifaly ny foko,
ka ny hirako no hiderako Azy.

Salamo 28:7 fahatokisana fiankohofana tanjaka

Asabotsy 29 Desambra 2018

Manetre tena eo anatrehan'ny Tompo, dia hanandratra anareo Izy.

Jakoba 4:10 Andriamanitra fanetren-tena valisoa

Koa izany no nanandratan'Andriamanitra Azy indrindra sy nanomezany Azy ny anarana izay ambony noho ny anarana rehetra, mba ho amin'ny anaran'i Jesosy no handohalehan'ny lohalika rehetra, na ny any an-danitra, na ny etỳ an-tany, na ny any ambanin'ny tany.

Filipiana 2:9-10 Jesosy fiankohofana lanitra

Alakamisy 27 Desambra 2018

Toy ny tsy ahafantaranao ny amin'ny alehan'ny rivotra, na ny amin'ny fitombon'ny taolana ao an-kibon'izay manan'anaka, dia toy izany no tsy ahafantaranao ny asan'Andriamanitra, Mpanao ny zavatra rehetra.

Mpitoriteny 11:5 Andriamanitra mahatakatra

Alarobia 26 Desambra 2018

Mitsangàna, mihazavà, fa tonga ny fahazavanao,
ary ny voninahitr'i Jehovah efa miposaka aminao.

Isaia 60:1 sarobidy Andriamanitra hatsàra

Talata 25 Desambra 2018

Ary hoy ny anjely taminy: Aza matahotra; fa, indro, milaza teny soa mahafaly aminareo aho, dia fifaliana lehibe izay ho an'ny olona rehetra.

Lioka 2:10 anjely fifaliana krisimasy

Alatsinainy 24 Desambra 2018

Hifaly dia hifaly ny rain'ny marina,
Ary izay miteraka zaza hendry hanampifaliana aminy.

Ohabolana 23:24 fifaliana fahendresena ankohonana

Alahady 23 Desambra 2018

Koa ny finoana dia avy amin'ny tori-teny, ary ny tori-teny kosa avy amin'ny tenin'i Kristy.

Romana 10:17 finoana fitoriana ny filazantsara mihaino

Asabotsy 22 Desambra 2018

Aza manahy na inona na inona; fa aoka ny fivavahana sy ny fifonana mbamin'ny fisaorana no ho entinareo manambara ny fangatahanareo amin'Andriamanitra amin'ny zavatra rehetra. Ary ny fiadanan'Andriamanitra, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesosy.

Filipiana 4:6-7 fankasitrahana fivavahana ahiahy

Zoma 21 Desambra 2018

Mankalazà an'i Jehovah amin'ny fanananao
Sy amin'izay voaloham-bokatrao rehetra.

Ohabolana 3:9 vola sorona manomeza

Alakamisy 20 Desambra 2018

Dia hoy izy roa lahy: Minoa an'i Jesosy Tompo, dia hovonjena ianao sy ny ankohonanao.

Asan'ny Apostoly 16:31 finoana famonjena ankohonana

Alarobia 19 Desambra 2018

Ny vava iray ihany no ivoahan'ny fisaorana sy ny fanozonana. Ry rahalahiko, tsy mety raha misy izany.

Jakoba 3:10 fahotana lahateny fiankohofana

Talata 18 Desambra 2018

Aoka tsy handao anao ny famindram-po sy ny fahamarinana;
Afehezo eo am-bozonao izany,
Ary soraty ao amin'ny fonao tahaka ny amin'ny vato fisaka,
Ka dia hahazo fitia sy fahalalana tsara
Eo anatrehan'Andriamanitra sy ny olona ianao.

Ohabolana 3:3-4 fitiavana valisoa fo

Alatsinainy 17 Desambra 2018

Ahoana ary? Moa tsy fantatrareo fa ny tenanareo dia tempolin'ny Fanahy Masina, Izay ao anatinareo sady efa azonareo tamin'Andriamanitra? ka tsy tompon'ny tenanareo ianareo. Fa olom-boavidy ianareo, koa dia mankalazà an'Andriamanitra amin'ny tenanareo.

1 Korintiana 6:19-20 fiankohofana Fanahy fiainana

Alahady 16 Desambra 2018

Ary noho ny fitahian'Andriamanitra ahy dia mbola maharitra mandraka androany aho ka manambara na amin'ny kely na amin'ny lehibe, ary tsy milaza na inona na inona afa-tsy izay nolazain'ny mpaminany sy Mosesy fa ho avy, fa Kristy tsy maintsy mijaly ary ho voalohany hitsangana amin'ny maty ka hitory fahazavana amin'ny olona Isiraely sy amin'ny jentilisa.

Asan'ny Apostoly 26:22-23 fitoriana ny filazantsara fijaliana fitsanganana amin'ny maty

Asabotsy 15 Desambra 2018

Ampitoero eo amin'ny teninao ny diako;
Ary aza avela hanapaka ahy izay mety ho faharatsiana.

Salamo 119:133 fahotana fanarahana faharatsiana

Zoma 14 Desambra 2018

Ry mpisintaka mijangajanga, tsy fantatrareo va fa fandrafiana an'Andriamanitra ny fisakaizana amin'izao tontolo izao? Koa na iza na iza te-ho sakaizan'izao tontolo izao, dia fahavalon'Andriamanitra izy.

Jakoba 4:4 fahotana Andriamanitra namana

Alakamisy 13 Desambra 2018

Ento ny ziogako, ka mianara amiko; fa malemy fanahy sady tsy miavona am-po Aho; dia hahita fitsaharana ho an'ny fanahinareo ianareo. Fa mora ny ziogako, ary maivana ny entako.

Matio 11:29-30 fanetren-tena fitsaharana mianatra

Alarobia 12 Desambra 2018

Miverena ianareo hihaino ny fananarako;
Indro, haidiko aminareo ny fanahiko,
Ary hampahafantariko anareo ny teniko.

Ohabolana 1:23 fiovam-po famerim-berenana fahendresena

Talata 11 Desambra 2018

Fa izaho mananatra anareo, ry rahalahy, mba hitandrina ny amin'izay mahatonga ny fisarahana sy ny fahatafintohinana tsy araka ny fampianarana efa nianaranareo; mialà amin'ireny olona ireny.

Romana 16:17 fahamasinana fiaraha-monina faharatsiana

Alatsinainy 10 Desambra 2018

Koa tandremo tsara izay fandehanareo, mba tsy hitondranareo tena tahaka ny adala, fa tahaka ny hendry, ka hararaoty ny andro azo anaovan-tsoa, fa ratsy izao fiainana izao.

Efesiana 5:15-16 fahendresena fiainana saina

Alahady 9 Desambra 2018

Jehovah ô, aza izahay, aza izahay no omena voninahitra,
Fa ny anaranao ihany,
Noho ny famindram-ponao sy ny fahamarinanao.

Salamo 115:1 fitiavana fanetren-tena fiankohofana

Asabotsy 8 Desambra 2018

Ka dia maneke an Andriamanitra ianareo; ary manohera ny devoly, dia handositra anareo izy.

Jakoba 4:7 fankatoavana filaminana mpidoroka

Zoma 7 Desambra 2018

Fa tsy menatra ny filazantsara aho; fa herin'Andriamanitra ho famonjena izay rehetra mino izany, amin'ny Jiosy aloha, dia vao amin'ny jentilisa koa.

Romana 1:16 finoana fitoriana ny filazantsara famonjena

Alakamisy 6 Desambra 2018

Sokafy ny vavanao hisolo ny moana,
Hahazoan'ny kamboty ny rariny.

Ohabolana 31:8 lahateny fahalemena

Alarobia 5 Desambra 2018

Ary ny finoana no fahatokiana ny amin'ny zavatra antenaina, fanehoana ny zavatra tsy hita.

Hebreo 11:1 finoana fahamarinana fanantenana

Talata 4 Desambra 2018

Fa tsy mba ho toy izany aminareo; fa izay te-ho lehibe aminareo dia ho mpanompo anareo; ary izay te-ho ambony indrindra aminareo dia ho mpanomponareo.

Matio 20:26-27 fanetren-tena fanompoana manaraka

Alatsinainy 3 Desambra 2018

Anaka, tandremo ny didin-drainao,
Ary aza mahafoy ny lalàn-dreninao.

Ohabolana 6:20 fankatoavana ankohonana mihaino

Alahady 2 Desambra 2018

Hifaly dia hifaly amin'i Jehovah aho,
ny fanahiko ho ravoravo amin'Andriamanitro;
fa notafiany fitafiana famonjena aho,
ary nakanjoiny akanjo fahamarinana,
toy ny mpampakatra misatroka hamama tahaka ny mpisorona,
ary toy ny ampakarina miravaka ny firàvany.

Isaia 61:10 rariny fifaliana mpanafaka