Gcina (Disemba 2018)

2018 Disemba 31, Mvulo

Nanjengoko nilusapho lukaThixo, makungakhankanywa phakathi kwenu ukurheletya nako konke ukungcola nokunyoluka.

KWABASE-EFESE 5:3 isono ukubawa ubungcwele

2018 Disemba 30, Cawe

NguNdikhoyo amandla am nekhaka lam;
ndithembele ngaye ngomxhelo wam wonke.
Ndoncedakala nditsho ndibe nemincili,
ndimbonge ngengoma.

INdumiso 28:7 thembela unqulo amandla

2018 Disemba 29, Mgqibelo

Ukuba niyazithoba kuye uThixo, uya kuniphakamisa.

EKAYAKOBI 4:10 uThixo ukuthobeka ibuyiselo

Kungoko ke athe uThixo wamphakamisa kakhulu,
wamthi jize ngelona gama lingaphezu kwawo onke amanye amagama,
ukuze bonke abaphilayo,
ezulwini, emhlabeni, naphantsi komhlaba,
bagobe amadolo benika imbeko kwigama likaYesu.

KWABASEFILIPI 2:9-10 UYesu unqulo izulu

2018 Disemba 27, Lwesine

Njengoko ungayazi indlela yomoya,
ungamazi nokuba wenziwa njani na umntu esizalweni sonina,
kananjalo soze ukuqonde nokusebenza kukaThixo onguMdali weento zonke.

AMAVA ENGQONDI 11:5 uThixo ukuqonda

2018 Disemba 26, Lwesithathu

Khawuvuke! Vuka, Jerusalem!
Khanya! Ukhanyiso lwakho luthwasile;
isihomo sikaNdikhoyo sikujikelezile.

UISAYA 60:1 ixabisekile uThixo ubuhle

2018 Disemba 25, Lwesibini

Isithunywa ke sathi kubo: “Musani ukoyika; kaloku ndinizisele iindaba ezimnandi zovuyo olukhulu oluya kuba kubo bonke abantu.”

ULUKA 2:10 iingelosi uvuyo krisimesi

2018 Disemba 24, Mvulo

Unebhongo umzali womntwana olilungisa;
ewe, umntwana osisilumko uligugu kubazali bakhe.

IZAFOBE 23:24 uvuyo ubulumko usapho

2018 Disemba 23, Cawe

Ngoko ke ukholo luvuswa ngokuvakaliswa kodaba; ke lona udaba luvakalisa uKrestu.

KWABASEROMA 10:17 ukholo ukuvangela ukuphulaphula

2018 Disemba 22, Mgqibelo

Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.

KWABASEFILIPI 4:6-7 umbulelo umthandazo ukukhathazeka

2018 Disemba 21, Lwesihlanu

Rhuma ngobuncwane bengeniso yakho, uzimase uNdikhoyo;
ewe, menzele umnikelo ngolibo lwemveliso yakho.

IZAFOBE 3:9 imali umbingelelo ukupha

2018 Disemba 20, Lwesine

Zinikele eNkosini uYesu; uya kusindiswa wena nosapho lwakho.

UMSEBENZI WABATHUNYWA 16:31 ukholo usindiso usapho

2018 Disemba 19, Lwesithathu

Imibulelo neziqalekiso zimpompoza mlonyeni mnye. Mawethu, mayingenzeki le nto!

EKAYAKOBI 3:10 isono ukuthetha unqulo

2018 Disemba 18, Lwesibini

Ungaze wahlukane nentembeko nokunyaniseka.
Maxa onke ezi zinto mazibe sisivatho entanyeni yakho.
Ewe, zikrole elucwecweni lwentliziyo yakho.
Ukuba uyayenza ke loo nto uya kuhlala wamkelekile,
ube negama elihle kuThixo nasebantwini.

IZAFOBE 3:3-4 uthando ibuyiselo intliziyo

2018 Disemba 17, Mvulo

Anazi na ukuba imizimba yenu yindlu kaMoya oyiNgcwele, ahlala kuyo, evela kuThixo? Kaloku aningobenu; ningabakaThixo owanithenga ngexabiso elikhulu. Mdumiseni ke uThixo ngemizimba yenu.

1 KWABASEKORINTE 6:19-20 unqulo Umoya ubomi

2018 Disemba 16, Cawe

Kodwa kude kwayile mini uThixo endinceda; nangoku ndimi apha ndingqina kubo bonke, abaphakamileyo nabaphantsi ngokufanayo. Le nto ndiyithethayo ikwayiloo nto bayithethayo abashumayeli bamandulo kwakunye noMosis, le yokuba uKrestu umelwe kukuva ubunzima, aze abe ngowokuqala ukuvuka kwabafileyo, avakalise ukuvela komsobomvu wosindiso kumaJuda nasezintlangeni.

UMSEBENZI WABATHUNYWA 26:22-23 ukuvangela ukubandezeleka uvuko

2018 Disemba 15, Mgqibelo

Khawundisekele ngokwesithembiso sakho,
ungandiyekeli ndonganyelwe bububi.

INdumiso 119:133 isono ukulandela ububi

2018 Disemba 14, Lwesihlanu

Bantundini abangathembekanga, anazi kakade ukuba ngokuhlobana neli hlabathi nizenza iintshaba zikaThixo? Ewe, nabani na okhetha ukuvana neli hlabathi ulutshaba lukaThixo.

EKAYAKOBI 4:4 isono uThixo ubuhlobo

2018 Disemba 13, Lwesine

Ngenani edyokhweni yam, nifunde kum, kuba mna ndilulamile, ndingontliziyo ithobekileyo. Nothi ke nizifumanele ukuphumla iintliziyo zenu, kuba idyokhwe yam ayityabuli, nomthwalo wam ulula.

UMATEWU 11:29-30 ukuthobeka phumla ukufunda

2018 Disemba 12, Lwesithathu

Kambe ke xa beninokukugqala ukukhalima kwam,
bendinganiphokozela umoya wobulumko,
ndabelane nani ngolwazi lwam.

IZAFOBE 1:23 uguqulo inguquko ubulumko

2018 Disemba 11, Lwesibini

Ke kaloku, mawethu, ndiyaniyala: balumkeleni abaxabanisayo nabakhubekisayo, besenza okuchaseneyo nemfundiso enayifundiswayo nina. Zikhwebuleni kubo.

KWABASEROMA 16:17 ubungcwele uluntu ububi

2018 Disemba 10, Mvulo

Ngoko ke yigqaleni indlela eniziphatha ngayo. Yibani ngabantu abanengqondo; musani ukuba ziziyatha. Eli thuba ninalo lisebenziseni kakuhle, kuba akho amaxesha amabi.

KWABASE-EFESE 5:15-16 ubulumko ubomi ingqondo

2018 Disemba 9, Cawe

Hayi bo! Mayingabi sithi, Ndikhoyo;
ewe, makudunyiswe igama lakho,
ngenxa yezibele nokunyaniseka kwakho!

INdumiso 115:1 uthando ukuthobeka unqulo

2018 Disemba 8, Mgqibelo

Ngoko ke zinikeleni ngokupheleleyo kuThixo. Mchaseni uSathana azokunibaleka.

EKAYAKOBI 4:7 ukuthobela ukhuseleko ukuba likhoboka

2018 Disemba 7, Lwesihlanu

Andinazintloni ngazo iindaba ezimnandi zikaKrestu. Zingamandla kaThixo okusindisa bonke abakholwayo, umJuda kuqala, kwanowolunye uhlanga ngokunjalo.

KWABASEROMA 1:16 ukholo ukuvangela usindiso

2018 Disemba 6, Lwesine

Thetha ubamele abantu abangakwaziyo ukuzithethelela;
ncedisana nabo uwakhusele amalungelo eendwayinge.

IZAFOBE 31:8 ukuthetha ubuthathaka

2018 Disemba 5, Lwesithathu

Ukukholwa ke kukuqiniseka ngezinto esinethemba lazo; kukwakukuqiniseka nangobukho bezinto esingaziboniyo.

KUMAHEBHERE 11:1 ukholo inyaniso ithemba

2018 Disemba 4, Lwesibini

Kodwa ke ze kungabi njalo phakathi kwenu. Ofuna ukuba mkhulu phakathi kwenu, makabe ngumkhonzi wenu; nofuna ukuba ngowokuqala kuni, makabe sisicaka senu.

UMATEWU 20:26-27 ukuthobeka ukukhonza ummelwane

2018 Disemba 3, Mvulo

Mfo wam, yithobele imimiselo oyinikwa nguyihlo,
ungazityesheli neziluleko zikanyoko.

IZAFOBE 6:20 ukuthobela usapho ukuphulaphula

2018 Disemba 2, Cawe

Nditsho ndanemihlali ngenxa kaNdikhoyo;
umoya wam uyachulumacha ngoThixo wam.
Kaloku undithe wambu ngomnweba wosindiso,
ewe, yena undambathise isivatho sobulungisa,
ndatsho ndanjengomyeni eqhoqhonye intloko yakhe njengombingeleli,
ndanjengomtshakazi ozihombisa ngobuyoko-yoko bamaso.

UISAYA 61:10 ubulungisa uvuyo umhlawuleli

2018 Disemba 1, Mgqibelo

Kaloku komnceda ntoni na umntu, ukuba uthe walizuza ihlabathi liphela, kodwa walahlekelwa bubomi bakhe? Okanye umntu angakhupha ntoni na exabisekileyo ukuze angàlahlekelwa bubomi bakhe?

UMATEWU 16:26 ukuthanda izinto eziphathekayo ubomi umphefumlo