Aogositra 2025

Fa izay misy fialonana sy fifampiandaniana dia misy fikorontanana mbamin izay asa ratsy rehetra.

Jakoba 3:16 fahotana fitiavan-tena faharatsiana

Asabotsy 30 Aogositra 2025

Ny zavatra rehetra azoko atao, nefa tsy dia ary mahasoa avokoa ny zavatra rehetra; ny zavatra rehetra azoko atao, nefa izaho tsy mety handevozin-javatra na inona na inona.

1 Korintiana 6:12 mpidoroka faniriana fiainana

Zoma 29 Aogositra 2025

Ny fahitsian'ny mahitsy no mitarika azy;
Fa ny faharatsian'ny mpivadika mahatonga fandringanana amin'ny tenany.

Ohabolana 11:3 fitokisana fanaovana ny marina

Alakamisy 28 Aogositra 2025

Jesosy namaly azy hoe: Lazaiko aminareo marina dia marina tokoa fa izay rehetra manota dia andevon'ny ota.

Jaona 8:34 mpidoroka fahotana fanandevozana

Alarobia 27 Aogositra 2025

Manaraha an'i Jehovah Andriamanitrareo, ka aoka Izy no hatahoranareo, ary ny didiny no hotandremanareo, ary ny feony no hohenoinareo, ary aoka Izy no hotompoinareo sy hifikiranareo.

Deotoronomia 13:5 fanajana mihaino fanarahana

Talata 26 Aogositra 2025

Tsy hohadinoiko mandrakizay ny didinao;
Fa ireny no amelomanao ahy.

Salamo 119:93 lalàna fiainana

Alatsinainy 25 Aogositra 2025

Moa misy olona mahazo mandrara ny rano tsy hanaovana batisa ireo, izay efa nandray ny Fanahy Masina tahaka antsika koa?

Asan'ny Apostoly 10:47 batisa Fanahy Masina

Alahady 24 Aogositra 2025

Mazotoa, fa aza malaina, ary aoka hafana fo amin'ny fanompoana ny Tompo.

Romana 12:11 fankatoavana Fanahy fanompoana

Asabotsy 23 Aogositra 2025

Mandrenesa ny fivavako Jehovah ô,
ary mihainoa ny fitarainako;
aza mangina amin'ny ranomasoko
fa vahiny aminao aho
sy mpivahiny tahaka ny razako rehetra.

Salamo 39:12 fivavahana fisaonana fanetren-tena

Zoma 22 Aogositra 2025

Fa fony mbola tsy nanan-kery isika, dia maty Kristy tamin'ny fotoan'andro hamonjy ny ratsy fanahy.

Romana 5:6 sorona Jesosy fiovana

Ry Efraima ô, hataoko inona intsony izay sampy?
Izaho dia efa nihaino ka nitsinjo anao;
Tahaka ny hazo kypreso maitso Aho,
avy amiko no hahazoana ny vokatrao.
Iza no hendry mba hahafantatra izany zavatra izany?
Na manan-tsaina mba hahalala izany?
Fa mahitsy ny lalan'i Jehovah,
ary ny marina no mizotra eny aminy;
Fa ny mpanota kosa dia tafintohina eny aminy.

Hosea 14:9 fahendresena mahatakatra rariny

Alarobia 20 Aogositra 2025

Izy no mampiseho ny zavatra lalina sy miafina;
Izy no mahalala izay ao amin'ny maizina,
ary ny mazava mitoetra ao aminy.

Daniela 2:22 andriamanitra lehibe fahotana faharatsiana

Talata 19 Aogositra 2025

Ary Jesosy niteny tamin'ny olona indray ka nanao hoe: Izaho no fahazavan'izao tontolo izao; izay manaraka Ahy tsy mba handeha amin'ny maizina, fa hanana ny fahazavan'aina.

Jaona 8:12 Jesosy fiainana fanarahana

Alatsinainy 18 Aogositra 2025

Ary ny mazava dia mamirapiratra ao amin'ny maizina; fa ny maizina tsy nandray azy.

Jaona 1:5 faharatsiana fandresena fahazavana

Alahady 17 Aogositra 2025

Fa tsy ny sabany no nahazoany ny tany,
ary tsy ny sandriny no namonjy azy;
fa ny tananao ankavanana sy ny sandrinao
ary ny fahazavan'ny tavanao, satria efa sitrakao izy.

Salamo 44:3 fitiavana tanjaka fiankinan-doha

Asabotsy 16 Aogositra 2025

Fa tahaka izany, ny Zanak'olona tsy tonga mba hotompoina, fa mba hanompo ka hanolotra ny ainy ho avotra hisolo ny maro.

Matio 20:28 Jesosy fanompoana sorona

Zoma 15 Aogositra 2025

Aoka ny olona rehetra samy hanao araka izay inian'ny fony avy, tsy amin'ny alahelo, na amin'ny faneriterena; fa ny mpanome amin'ny fifaliana no tian'Andriamanitra.

2 Korintiana 9:7 fifaliana manomeza fo

Alakamisy 14 Aogositra 2025

Mianara hanao ny tsara,
Diniho izay rariny, anaro ny mpampahory,
Omeo rariny ny kamboty,
tsarao ny adin'ny mpitondratena.

Isaia 1:17 rariny manaraka mpitondratena

Alarobia 13 Aogositra 2025

Anefa noho ny fijangajangana dia aoka ny lehilahy rehetra samy hanana ny vadiny avy, ary aoka koa ny vehivavy rehetra samy hanana ny vadiny avy.

1 Korintiana 7:2 faniriana fanambadiana fandraisana

Talata 12 Aogositra 2025

Ary Jehovah Andriamanitra nanao hoe: Tsy tsara raha irery ralehilahy; dia hanaovako vady sahaza ho azy izy.

Genesisy 2:18 famoroana izao tontolo izao fanambadiana fandraisana

Alatsinainy 11 Aogositra 2025

Mahazava ny famoahana ny hevitry ny teninao
Ka manome fahalalana ho an'ny kely saina.

Salamo 119:130 Tenin'Andriamanitra mahatakatra fahazavana

Alahady 10 Aogositra 2025

Fa ankehitriny, rehefa natao afaka tamin'ny ota ianareo ka efa tonga mpanompon'Andriamanitra, dia manana ny vokatrareo ho amin'ny fahamasinana, ary ny farany dia fiainana mandrakizay.

Romana 6:22 fahafahana mpanafaka fahotana

Asabotsy 9 Aogositra 2025

Koa miomana kosa ianareo; fa amin'izay ora tsy ampoizinareo no hihavian'ny Zanak'olona.

Matio 24:44 Mesia fiverenana andro farany

Zoma 8 Aogositra 2025

Ny valin'ny fanetren-tena sy ny fahatahorana an'i Jehovah
Dia harena sy voninahitra ary fiainana.

Ohabolana 22:4 fanetren-tena valisoa fanajana

Alakamisy 7 Aogositra 2025

Hoy Jesosy taminy: Izaho no lalana sy fahamarinana ary fiainana; tsy misy olona mankany amin'ny Ray, afa-tsy amin'ny alalako.

Jaona 14:6 fahamarinana Ray fiainana

Alarobia 6 Aogositra 2025

Ary mandalo izao fiainana izao sy ny filany; fa izay manao ny sitrapon'Andriamanitra no maharitra mandrakizay.

1 Jaona 2:17 fiainana mandrakizay fankatoavana faniriana

Talata 5 Aogositra 2025

Hanome saina anao sy hampianatra anao izay lalan-kalehanao Aho;
hitsinjo anao ny masoko ka hanolo-tsaina anao Aho.

Salamo 32:8 fankaherezana mahatakatra mianatra

Alatsinainy 4 Aogositra 2025

Fa aoka ho mpankatò ny teny ianareo, fa aza mpihaino fotsiny ihany ka mamitaka ny tenanareo.

Jakoba 1:22 fankatoavana Tenin'Andriamanitra mihaino

Alahady 3 Aogositra 2025

Dia hoy ny vahoaka tamin'i Josoa: Jehovah Andriamanitray no hotompoinay ary ny feony no hohenoinay.

Josoa 24:24 fanompoana fankatoavana mihaino

Asabotsy 2 Aogositra 2025

Ny teny malemy dia hazon'aina;
Fa ny vava ratsy mandratra ny fanahy.

Ohabolana 15:4 lahateny Fanahy lainga

Zoma 1 Aogositra 2025

Dia isika no nanambaran'Andriamanitra izany tamin'ny Fanahy; fa ny Fanahy mamantatra ny zavatra rehetra, na dia ny saina lalina izay an'Andriamanitra aza.

1 Korintiana 2:10 Andriamanitra Fanahy fandrindrana