Gcina (Septemba 2014)

2014 Septemba 30, Lwesibini

Wonke umntu oyithobelayo imiyalelo kaThixo umanyene noThixo, noThixo uhlala kuye. Into ecacisa ukuba uThixo uhlala kuthi nguMoya lo asinike yena.

1 KAYOHANE 3:24 umthetho uThixo Umoya

2014 Septemba 29, Mvulo

Ukukholwa ke kukuqiniseka ngezinto esinethemba lazo; kukwakukuqiniseka nangobukho bezinto esingaziboniyo.

KUMAHEBHERE 11:1 ukholo inyaniso ithemba

2014 Septemba 28, Cawe

UNdikhoyo wozihlangula izicaka zakhe;
bonke abakholose ngaye abayi kugwetywa.

INdumiso 34:22 usindiso ubomi ukukhuselwa

2014 Septemba 27, Mgqibelo

Yanga ingalukhulisa iNkosi uthando eninalo luphuphume, nithandane, nithande naye wonke ubani, kanye ngale ndlela ndinithanda ngayo mna.

1 KWABASETESALONIKA 3:12 uthando ummelwane ubudlelwane

2014 Septemba 26, Lwesihlanu

Ngoko ke yigqaleni indlela eniziphatha ngayo. Yibani ngabantu abanengqondo; musani ukuba ziziyatha. Eli thuba ninalo lisebenziseni kakuhle, kuba akho amaxesha amabi.

KWABASE-EFESE 5:15-16 ubulumko ubomi ingqondo

2014 Septemba 25, Lwesine

Makungabikho bani ufuna ukulungelwa yedwa; elowo makakhathalele nokwabanye.

1 KWABASEKORINTE 10:24 ukuzingca uthando ummelwane

2014 Septemba 24, Lwesithathu

Ke mna ndithi kuni, nina nindivayo: Zithandeni iintshaba zenu, nibenzele okulungileyo abo banithiyileyo. Basikeleleni abo baniqalekisayo, nibathandazele abo banigxekayo.

ULUKA 6:27-28 ukuthobela intsikelelo umthandazo

2014 Septemba 23, Lwesibini

Nxibani sonke isikrweqe eninokusifumana kuThixo, ukuze nibe nako ukumelana nabo bonke ubuqhokolo bukaSathana.

KWABASE-EFESE 6:11 izixhobo ububi ukukhuselwa

2014 Septemba 22, Mvulo

Wena uyinqaba endizifihla kuyo;
uyandikhusela xa ndisebunzimeni.
Undirhangqe ngosindiso lwakho;
ngoko ke ndimemelela ndinemincili.

INdumiso 32:7 uvuyo ukhuseleko ukukhuselwa

2014 Septemba 21, Cawe

Kuyinene kona ukuba sihleli apha ehlabathini; kodwa ke asilwi ngokwehlabathi.

2 KWABASEKORINTE 10:3 ubomi ukuqonda umhlaba

2014 Septemba 20, Mgqibelo

Obugubungelayo ubugwenxa uzicengezelela ukuthandwa,
kodwa lowo umana ewunokoza umcimbi uchitha ubuhlobo.

IZAFOBE 17:9 uxolelo ubuhlobo

2014 Septemba 19, Lwesihlanu

Nguye owasisindisayo wasibiza ukuba sibe ngabanyuliweyo, kungengamisebenzi yethu, kodwa ngenxa yenjongo nobubele bakhe. Wasenzela obu bubele ngoKrestu Yesu kwantlandlolo.

2 KUTIMOTI 1:9 ubabalo ubungcwele usindiso

Hayi ithamsanqa lomntu othembela ngoNdikhoyo,
lowo ukholosa ngaye!
Unjengomthi otyalwe ngasemfuleni,
ongcambu zinabela emanzini.
Awoyiki naxa ilanga lishushu;
amagqabi awo ahlala eluhlaza.
Ngexesha lembalela awunaxhala;
uhlala uvelisa iziqhamo.

UJEREMIYA 17:7-8 thembela intsikelelo ukuba nesiqhamo

2014 Septemba 17, Lwesithathu

Vuyani maxa onke, nithandaze njalo-njalo. Nakuyiphi na imeko bulelani. UThixo uthanda ukuba nenjenjalo njengokuba nimanywe noKrestu Yesu nje.

1 KWABASETESALONIKA 5:16-18 uvuyo umbulelo umthandazo

2014 Septemba 16, Lwesibini

Andithi kaloku uyamanelisa onxaniweyo,
aze amhluthise ngokulunga olambileyo!

INdumiso 107:9 ukuthembeka ukutya

2014 Septemba 15, Mvulo

Umntu onyanisekileyo uhamba engaxhalele nto;
ke yena onamaqhinga uya kubhaqwa.

IZAFOBE 10:9 isono ukhuseleko ubomi

2014 Septemba 14, Cawe

Isono masinganilawuli, kuba anikho phantsi komthetho, niphantsi kobabalo lwesisa sikaThixo.

KWABASEROMA 6:14 isono ubabalo umthetho

2014 Septemba 13, Mgqibelo

Kuba indalo iphela ilangazelela ukuba uThixo ade abaveze oonyana bakhe.

KWABASEROMA 8:19 indalo UTata abantwana

2014 Septemba 12, Lwesihlanu

Ngoko ke ndiya kulandelwa kokulungileyo nabububele,
umzi wakho ube likhaya lam yonke imihla yobomi bam.

INdumiso 23:6 ubabalo ubomi ukusondela

2014 Septemba 11, Lwesine

Khawundisekele ngokwesithembiso sakho,
ungandiyekeli ndonganyelwe bububi.

INdumiso 119:133 isono ukulandela ububi

2014 Septemba 10, Lwesithathu

Kaloku wonke umntwana kaThixo uyaloyisa eli hlabathi. Ke kaloku ihlabathi siloyisa ngokukholosa ngoThixo.

1 KAYOHANE 5:4 ukholo uThixo ukoyisa

2014 Septemba 9, Lwesibini

Kaloku zange size nanto ehlabathini; ngoko ke siya kumka singaphathanga nto. Kambe ke, ukuba sinako ukutya nempahla yokunxiba masaneliswe.

1 KUTIMOTI 6:7-8 ukutya ukuthanda izinto eziphathekayo ukwaneliseka

2014 Septemba 8, Mvulo

Umntu onengqondo uyayiphulaphula imiyalelo;
kambe ke sona isityhakala esilavuzayo siya kubhanga.

IZAFOBE 10:8 umthetho ubulumko intliziyo

2014 Septemba 7, Cawe

UNdikhoyo unenceba nesisa;
uqumba kade, yimvuze-mvuze enobubele.

INdumiso 103:8 ubabalo uthando umonde

2014 Septemba 6, Mgqibelo

Ukuba ke uMoya kaThixo owamvusayo uYesu ekufeni ukho kuni, neyenu imizimba uThixo uya kuyinika ubomi ngoMoya wakhe okhoyo kuni.

KWABASEROMA 8:11 UYesu Umoya ubomi

2014 Septemba 5, Lwesihlanu

Mfo wam, musa ukuyidela ingqeqesho kaNdikhoyo,
ungasicekisi isiluleko sakhe.
Kaloku uNdikhoyo uyamluleka umntu amthandayo,
kwanjengokuba uyise emohlwaya unyana anebhongo ngaye.

IZAFOBE 3:11-12 uthando UTata ukufunda

2014 Septemba 4, Lwesine

UMoya ngokwakhe ungqinelana nathi ukuthi singabantwana bakaThixo.

KWABASEROMA 8:16 uThixo Umoya abantwana

2014 Septemba 3, Lwesithathu

Ndisisicaka sakho, Ndikhoyo, ndikhangele ngobubele;
ndihlangule ezintshabeni zam ngenxa yezibele zakho.

INdumiso 31:16 intsikelelo uthando usindiso

2014 Septemba 2, Lwesibini

Asinini enanyula mna, ndim owaninyulayo nina. Ndanimisela okokuba niqhubele phambili, nivelise iziqhamo ezihlala zikho. Ke ngoko uBawo uya kuninika konke enithi nikucele egameni lam.

UYOHANE 15:16 ukuthobela umthandazo ubizo

2014 Septemba 1, Mvulo

Ngoko ke, nani zintlanga, anisengabo abasemzini neendwendwe. Niyimilowo nabantu bakaThixo; nilusapho lukaThixo. Nani ke nakhelwe phezu kwesiseko sabathunywa nabashumayeli, kodwa ke elona litye lesiseko nguYesu Krestu ngokwakhe.

KWABASE-EFESE 2:19-20 UYesu ubukumkani isiprofeto