Gcina (Okthoba 2014)

2014 Okthoba 31, Lwesihlanu

Ke kaloku ndaziva izidalwa nayo yonke indalo, ezulwini nasemhlabeni, phantsi komhlaba naselwandle, zidanduluka zisithi:
“Kulowo uhleli esihlalweni sokulawula, nakulo iXhwane,
mayibekho indumiso nesithozela, ubungangamsha namandla,
ngonaphakade kanaphakade!”

ISITYHILELO 5:13 indalo unqulo umbulelo

2014 Okthoba 30, Lwesine

Kwinto yonke yibani ngcwele. Kaloku uThixo onibizileyo ungcwele.
Kanti ke neziBhalo zitsho ukuthi: “Yibani ngcwele, ngokuba mna ndingcwele.”

1 KAPETROS 1:15-16 ubungcwele ubomi ubizo

2014 Okthoba 29, Lwesithathu

Zonke izinto ke enifuna ukuba abantu bazenze kuni, yenzani ezikwanjalo nani kubo. Yiyo leyo ke intsingiselo yomthetho kaMosis nomyalelo wabashumayeli bamandulo.

UMATEWU 7:12 umthetho ummelwane ubudlelwane

2014 Okthoba 28, Lwesibini

Ukuba niyazithoba kuye uThixo, uya kuniphakamisa.

EKAYAKOBI 4:10 uThixo ukuthobeka ibuyiselo

2014 Okthoba 27, Mvulo

UYesu wahlala phantsi, wababiza abafundi abalishumi elinambini, wathi kubo: “Ukuba ubani ufuna ukuba ngoyena mkhulu, makazenze oyena mncinci kubo bonke, abe sisicaka sabo bonke.”

UMARKO 9:35 ukuthobeka UYesu ukuqonda

2014 Okthoba 26, Cawe

Xa ndandisebunzimeni ndabhenela kuNdikhoyo,
waza yena wasabela wandihlangula.

INdumiso 118:5 umthandazo ukuxhomekeka umthuthuzeli

2014 Okthoba 25, Mgqibelo

Akukho namnye umntu owakha wambona uThixo. Abantu bamazi uThixo ngokumaziswa nguNyana okukuphela kwakhe, yena okwanguThixo, ohlala ehleli esenyongweni kuYise.

UYOHANE 1:18 UYesu UTata ukusondela

2014 Okthoba 24, Lwesihlanu

Kananjalo nabani na othe wabiza igama leNkosi uya kusindiswa.

UMSEBENZI WABATHUNYWA 2:21 usindiso unqulo umthandazo

2014 Okthoba 23, Lwesine

Yazini niqiniseke xa ninonke, mawethu, ukuba kungoYesu ukushunyayelwa kodaba lokuxolelwa kwezono. Ngokunjalo qondani ukuba wonke umntu ozinikelayo kuye uyakhululwa kuzo zonke izono, obungenako ukumkhulula kuzo umthetho kaMosis.

UMSEBENZI WABATHUNYWA 13:38-39 umthetho UYesu uxolelo

2014 Okthoba 22, Lwesithathu

Ewe, ezi mbandezelo zexeshana, zincinane zinjalo, zisilungiselela iwonga laphakade, elingenakulinganiswa nazo.

2 KWABASEKORINTE 4:17 ubomi obungunaphakade ukubandezeleka ukhuthazo

2014 Okthoba 21, Lwesibini

Awu, Thixo Somandla, yiba nebuyambo;
velana nathi usisindise!

INdumiso 80:19 usindiso ukuxhomekeka usomandla

2014 Okthoba 20, Mvulo

Ke yena othe wawasela amanzi endiya kumpha wona mna, soze anxanwe naphakade. Amanzi endiya kumnika wona, aya kuba ngumthombo ompompoza kuye, emnika obona bomi bungenasiphelo.

UYOHANE 4:14 ubomi obungunaphakade inguqu ukwamkela

2014 Okthoba 19, Cawe

Bamele ubabonelele ngokwasemthethweni;
ncedisana nabo abahlelelekileyo nabasweleyo.

IZAFOBE 31:9 ubulungisa ukuthetha ukupha

2014 Okthoba 18, Mgqibelo

ULizwi ke waba ngumntu, waza wahlala phakathi kwethu. Sabubukela ubungangamsha bakhe awabunikwa nguYise, njengoko ekukuphela koNyana wakhe; ubungangamsha ke obuphuphuma ububele nenyaniso.

UYOHANE 1:14 inyaniso UYesu ILizwi likaThixo

2014 Okthoba 17, Lwesihlanu

Ukuhlangulwa kuvela kuwe, Ndikhoyo;
khawubathamsanqele ke abantu bakho!

INdumiso 3:8 usindiso intsikelelo ukuxhomekeka

2014 Okthoba 16, Lwesine

Masingalali buthongo ke thina njengabanye abo; masiphaphe, singanxili.

1 KWABASETESALONIKA 5:6 ukhuseleko ukuzibamba ukuphela kwexesha

2014 Okthoba 15, Lwesithathu

UYesu waphendula wathi kuye: “Ndithi kuwe, inene, akukho namnye unokuxhamla ukulawulwa nguThixo, engathanga azalwe ngokutsha.”

UYOHANE 3:3 ubukumkani ukuqonda ukuzalwa ngokutsha

2014 Okthoba 14, Lwesibini

Ubutyebi obufunyenwe ngobuqhophololo abuphumelelisi,
kodwa ke kona ukuziphatha kakuhle kuhlangula ekufeni.

IZAFOBE 10:2 ukunyaniseka imali ubulungisa

2014 Okthoba 13, Mvulo

Kaloku xa simanywe naye ekufeni kwakhe, simanywe naye nasekuvukeni kwakhe ekufeni. Siyazi ke ukuba isimo sethu esidala sabethelelwa emnqamlezweni noKrestu, khon' ukuze igunya lesono liphuthiswe nasemizimbeni yethu, size singabi salawulwa sisono.

KWABASEROMA 6:5-6 isono uvuko ukuba likhoboka

2014 Okthoba 12, Cawe

Kaloku siyakholwa ukuba uYesu wafa, wabuya wavuka. Ngokukwanjalo ke nâbo bafe bemanywe noYesu uThixo uya kubabuyisa kunye noYesu.

1 KWABASETESALONIKA 4:14 ukholo UYesu uvuko

2014 Okthoba 11, Mgqibelo

Masitsho singenadyudyu ke sithi:
“YiNkosi umncedi wam, andiyi koyika nto!
Angandenza ntoni umntu?”

KUMAHEBHERE 13:6 thembela uloyiko ukukhuselwa

2014 Okthoba 10, Lwesihlanu

Kaloku nokuba sidla ubomi, siphilela iNkosi, nokuba siyafa, sifela iNkosi. Ngoko ke nokuba sidla ubomi, nokuba siyafa, singabeNkosi.

KWABASEROMA 14:8 ukufa ubomi

2014 Okthoba 9, Lwesine

Ndikholosa ngawe usemazulwini;
ungowam nje ke, andilinanze nganto ihlabathi.

INdumiso 73:25 thembela uThixo izulu

2014 Okthoba 8, Lwesithathu

Ngenani edyokhweni yam, nifunde kum, kuba mna ndilulamile, ndingontliziyo ithobekileyo. Nothi ke nizifumanele ukuphumla iintliziyo zenu, kuba idyokhwe yam ayityabuli, nomthwalo wam ulula.

UMATEWU 11:29-30 ukuthobeka phumla ukufunda