Tahirin-kevitra (Oktobra 2014)

Zoma 31 Oktobra 2014

Ary izao zavatra ary rehetra izao, na izay any an-danitra, na izay etỳ ambonin'ny tany sy any ambanin'ny tany, na izay any an-dranomasina mbamin'izay rehetra ao anatiny, dia reko samy nanao hoe: Ho an'ilay mipetraka eo ambonin'ny seza fiandrianana sy ho an'ny Zanak'ondry anie ny saotra sy ny haja sy ny voninahitra ary ny fanjakana mandrakizay mandrakizay.

Apokalypsy 5:13 famoroana izao tontolo izao fiankohofana fankasitrahana

Alakamisy 30 Oktobra 2014

Fa araka ny fahamasinan'ilay niantso anareo, dia aoka mba ho masina koa ianareo amin'ny fitondran-tena rehetra, satria voasoratra hoe: "Ho masina ianareo, satria masina Aho".

1 Petera 1:15-16 fahamasinana fiainana fiantsoana

Alarobia 29 Oktobra 2014

Koa amin'izany na inona na inona tianareo hataon'ny olona aminareo, dia mba ataovy aminy kosa tahaka izany; fa izany no lalàna sy mpaminany.

Matio 7:12 lalàna manaraka fandraisana

Talata 28 Oktobra 2014

Manetre tena eo anatrehan'ny Tompo, dia hanandratra anareo Izy.

Jakoba 4:10 Andriamanitra fanetren-tena valisoa

Alatsinainy 27 Oktobra 2014

Ary rehefa tafapetraka Jesosy, dia niantso ny roa ambin'ny folo lahy Izy ka nanao taminy hoe: Raha misy te-ho voalohany, dia hatao farany amin'izy rehetra sy ho mpanompo'izy rehetra izy.

Marka 9:35 fanetren-tena Jesosy mahatakatra

Alahady 26 Oktobra 2014

Tao an-katerena no niantsoako an'i Jehovah;
Dia namaly ahy Jehovah ka nampahalalaka ahy.

Salamo 118:5 fivavahana fiankinan-doha mpampionona

Asabotsy 25 Oktobra 2014

Tsy nisy nahita an'Andriamanitra na oviana na oviana; fa ny Zanakalahy Tokana, Izay ao an-tratran'ny Ray, Izy no nanambara Azy.

Jaona 1:18 Jesosy Ray manodidina

Zoma 24 Oktobra 2014

Ary na zovy na zovy no hiantso ny anaran'i Jehovah dia hovonjena.

Asan'ny Apostoly 2:21 famonjena fiankohofana fivavahana

Alakamisy 23 Oktobra 2014

Ary aoka ho fantatrareo, ry rahalahy, fa izany Lehilahy izany no itoriana famelan-keloka aminareo; ary ao aminy no anamarinana izay rehetra mino ho afaka amin'ny heloka rehetra izay tsy azo nanamarinana anareo tamin'ny lalàn'i Mosesy.

Asan'ny Apostoly 13:38-39 lalàna Jesosy famelàn-keloka

Alarobia 22 Oktobra 2014

Fa ny fahorianay maivana, izay vetivety foana, dia mainka miasa fatratra indrindra ka mahatanteraka voninahitra mavesatra maharitra mandrakariva ho anay.

2 Korintiana 4:17 fiainana mandrakizay fijaliana fankaherezana

Talata 21 Oktobra 2014

Ry Jehovah, Andriamanitry ny maro ô, ampodio izahay;
ampamirapirato ny tavanao, ary aoka hovonjena Izahay.

Salamo 80:19 famonjena fiankinan-doha andriamanitra lehibe

Alatsinainy 20 Oktobra 2014

Fa na iza na iza no misotro ny rano izay homeko azy dia tsy hangetaheta mandrakizay; fa ny rano izay homeko azy dia ho loharano miboiboika ao anatiny ho fiainana mandrakizay.

Jaona 4:14 fiainana mandrakizay fiovana fahazoana

Alahady 19 Oktobra 2014

Sokafy ny vavanao, ka tsarao marina,
Ary omeo rariny ny ory sy ny malahelo.

Ohabolana 31:9 rariny lahateny manomeza

Asabotsy 18 Oktobra 2014

Ary ny Teny dia tonga nofo ka nonina tamintsika; ary hitanay ny voninahiny, dia voninahitra miendrika ho an'ny Lahitokana avy tamin'ny Ray, sady feno fahasoavana sy fahamarinana.

Jaona 1:14 fahamarinana Jesosy Tenin'Andriamanitra

Zoma 17 Oktobra 2014

An'i Jehovah ny famonjena;
Ho amin'ny olonao anie ny fitahianao.

Salamo 3:8 famonjena fitahiana fiankinan-doha

Alakamisy 16 Oktobra 2014

Koa dia aza mba matory toy ny sasany isika, fa aoka hiambina ka hahonon-tena.

1 Tesaloniana 5:6 filaminana fifehezan-tena andro farany

Alarobia 15 Oktobra 2014

Jesosy namaly ka nanao taminy hoe: Lazaiko aminao marina dia marina tokoa: Raha tsy ateraka indray ny olona, dia tsy mahazo mahita ny fanjakan'Andriamanitra.

Jaona 3:3 fanjakana mahatakatra fahaterahana indray

Talata 14 Oktobra 2014

Ny harena azo amin'ny tsy marina dia tsy mahasoa na inona na inona;
Fa ny fahamarinana no mamonjy amin'ny fahafatesana.

Ohabolana 10:2 fanaovana ny marina vola rariny

Alatsinainy 13 Oktobra 2014

Fa raha nampiraisina taminy tamin'ny endriky ny fahafatesany isika, dia ho tahaka izany koa amin'ny fitsanganany; fa fantatsika fa ny toetsika taloha dia niaraka nohomboana taminy hanimbana ny tenan'ny ota, mba tsy hanompoantsika ny ota intsony.

Romana 6:5-6 fahotana fitsanganana amin'ny maty mpidoroka

Alahady 12 Oktobra 2014

Fa raha inoantsika fa efa maty Jesosy sady efa nitsangana indray, dia toy izany koa no hitondran'Andriamanitra izay efa nodi-mandry tao amin'i Jesosy hiaraka aminy.

1 Tesaloniana 4:14 finoana Jesosy fitsanganana amin'ny maty

Asabotsy 11 Oktobra 2014

Ka dia sahy manao hoe isika: "Jehovah no Mpamonjy ahy, ka tsy hatahotra aho; Inona no azon'ny olona atao amiko?"

Hebreo 13:6 fahatokisana tahotra fiarovana

Zoma 10 Oktobra 2014

Fa raha velona isika, dia velona ho an'ny Tompo; ary raha maty isika, dia maty ho an'ny Tompo; koa amin'izany, na velona na maty isika, dia an'ny Tompo ihany.

Romana 14:8 fahafatesana fiainana

Alakamisy 9 Oktobra 2014

Iza no ahy any an-danitra?
ary tsy misy etỳ ambonin'ny tany iriko tahaka Anao.

Salamo 73:25 fahatokisana Andriamanitra lanitra

Alarobia 8 Oktobra 2014

Ento ny ziogako, ka mianara amiko; fa malemy fanahy sady tsy miavona am-po Aho; dia hahita fitsaharana ho an'ny fanahinareo ianareo. Fa mora ny ziogako, ary maivana ny entako.

Matio 11:29-30 fanetren-tena fitsaharana mianatra

Talata 7 Oktobra 2014

Koa aza mifampitsara intsony isika; fa aleo mihevitra izao, dia ny tsy hanisy fandavoana na fanafintohinana eo anoloan'ny rahalahy.

Romana 14:13 fahamoram-panahy fitsarana manaraka

Alatsinainy 6 Oktobra 2014

Mankalazà an'i Jehovah amin'ny fanananao
Sy amin'izay voaloham-bokatrao rehetra.

Ohabolana 3:9 vola sorona manomeza

Alahady 5 Oktobra 2014

Iza moa ianao izay mitsara ny mpanompon'ny hafa? Amin'ny tompony ihany no ijoroany na ahalavoany. Nefa hampitoerina ihany izy; fa mahay mampitoetra azy ny Tompo.

Romana 14:4 finoana fitsarana fitaovana

Asabotsy 4 Oktobra 2014

Dia hoy izy roa lahy: Minoa an'i Jesosy Tompo, dia hovonjena ianao sy ny ankohonanao.

Asan'ny Apostoly 16:31 finoana famonjena ankohonana

Zoma 3 Oktobra 2014

Ny mason'i Jehovah dia mitsinjo ny marina,
ary ny sofiny mihaino ny fitarainany.

Salamo 34:15 rariny mihaino

Alakamisy 2 Oktobra 2014

Fa mitomboa amin'ny fahasoavana sy ny fahalalana an'i Jesosy Kristy, Tompontsika sy Mpamonjy. Ho Azy anie ny voninahitra ankehitriny sy mandrakizay. Amena.

2 Petera 3:18 fahasoavana fiankohofana mahatakatra