Gcina (Meyi 2024)

2024 Meyi 19, Cawe

Ekufikeni komhla wePentekoste babehlangene ndawonye bonke. Ngesaquphe beva isandi esingathi kukuza komoya omkhulu, uvuthuza esibhakabhakeni. Sayizalisa indlu ababehleli kuyo isandi eso.

UMSEBENZI WABATHUNYWA 2:1-2 Umoya izulu ipentekoste

2024 Meyi 18, Mgqibelo

Uya kuthi ke akufika ababonise abantu beli hlabathi into esiyiyo isono sabo, into obuyiyo ubulungisa babo, nento okuyiyo ukugwetywa.

UYOHANE 16:8 uMoya oyiNgcwele umlamli isono

2024 Meyi 17, Lwesihlanu

Kodwa nguwuphi uThixo onjengawe?
Nguwuphi oxolela ubugwenxa,
angazihoyi iziphoso zamasalela elifa lakhe?
Wena akuhlali uqumbile ngonaphakade;
kaloku uyimvuze-mvuze bububele.

UMIKA 7:18 isono inceba uxolelo

2024 Meyi 16, Lwesine

Kodwa ke, ukuba siyazivuma izono zethu, uThixo uthembekile, ulilungisa; wosixolela izono zethu, asihlambulule kuko konke ukungalungisi.

1 KAYOHANE 1:9 isono ukusulungekiswa ububi

2024 Meyi 15, Lwesithathu

Ngenxa yoko ndithi kuni, zonke izinto enizicela nithandaza, kholwani ukuba senizinikiwe; nozifumana ke.

UMARKO 11:24 ukholo umthandazo ukwamkela

2024 Meyi 14, Lwesibini

Ndazibika kuNdikhoyo ndikuloo ngxingongo,
ndalucela uncedo kuThixo wam.
Wandiva engqendeve ebhotwe lakhe,
savakala kuye isikhalo sam.

INdumiso 18:6 ukuthetha umthandazo ukuphulaphula

2024 Meyi 13, Mvulo

Nokhalela kum, nize kundithandaza, ndize mna ndiniphulaphule.

UJEREMIYA 29:12 unqulo umthandazo ukuphulaphula

2024 Meyi 12, Cawe

Bonke aba babezingisa ukuthandaza ngamxhelo mnye, kukho namanina, ekho noMariya unina kaYesu nabantakwabo-Yesu.

UMSEBENZI WABATHUNYWA 1:14 uluntu umthandazo

2024 Meyi 11, Mgqibelo

Ithemba lelungisa liza novuyo;
ke lona ithemba lesikhohlakali liphelel' emoyeni.

IZAFOBE 10:28 ubulungisa ithemba umonde

2024 Meyi 10, Lwesihlanu

Khawukhangele, nanko esiza ekhatshwa ngamafu! Lonke uluntu luya kumbona, nkqu nabo bâmhlabáyo. Ewe, zonke izizwe ziya kungqukruleka zizisola. Injalo ke loo nto! Amen.

ISITYHILELO 1:7 UYesu ukuza kwesibini ukubethelwa emnqamlezweni

2024 Meyi 9, Lwesine

Akuba etshilo uYesu, wanyuselwa ezulwini, bejongile abafundi bakhe. Lamsitha ilifu, ababa sambona.

UMSEBENZI WABATHUNYWA 1:9 imimangaliso UYesu izulu

2024 Meyi 8, Lwesithathu

Ndizolulela kuwe izandla zam;
ndikunxanele njengomhlaba owomileyo.

INdumiso 143:6 unqulo ukwamkela ukuxhomekeka

2024 Meyi 7, Lwesibini

Ewe, unalo ukholo ngokwaneleyo, ngangokude ukholwe ukuba ukho uThixo, yaye mnye. Uyalungisa kanye ngaloo nto! Kodwa ke neendimoni zinalo ukholo olukwanjalo phofu; lude luzinkwantyise kunjalonje.

EKAYAKOBI 2:19 ukholo umtyholi uThixo

2024 Meyi 6, Mvulo

Kuba kweli dabi lethu asilwi nabantu, kodwa silwa nemimoya ekhohlakeleyo esesibhakabhakeni, izilawuli, nabasemagunyeni, kunye nemimoya engcolileyo yeli phakade lobumnyama.

KWABASE-EFESE 6:12 Umoya izulu ububi

2024 Meyi 5, Cawe

Ukuxhalela abantu kusenokuba ngumgibe;
kambe ke othembela kuNdikhoyo ukhuselekile.

IZAFOBE 29:25 thembela uloyiko

2024 Meyi 4, Mgqibelo

Lungekho ke ukholo akukho ukumkholisa uThixo. Kaloku wonke ubani ozayo kuye kufuneka akholwe ukuba ukho uThixo, yaye uyabavuza abo bamlangazelelayo.

KUMAHEBHERE 11:6 ukholo uvuyo ibuyiselo

2024 Meyi 3, Lwesihlanu

Waza uYesu wathi: “Bayekeni abantwana beze kum, ningabanqandi, kuba ábalawulwa nguThixo ngabanjengabo.”

UMATEWU 19:14 ubukumkani izulu abantwana

2024 Meyi 2, Lwesine

Bufana nomzali kubantwana
ububele bukaNdikhoyo kwabamnik' imbeko.

INdumiso 103:13 uthando uloyiko UTata

2024 Meyi 1, Lwesithathu

Sanukusebenzela ukutya okuphelayo; sebenzelani ukutya okungapheliyo, okusisondlo sobona bomi bungenasiphelo. Oko kutya niya kukunikwa nguye uNyana woLuntu, kuba uYise, uThixo, wamgunyazisela oko.

UYOHANE 6:27 ubomi obungunaphakade UYesu ukutya