Gcina (Okthoba 2013)

2013 Okthoba 31, Lwesine

Siyazi ukuba sihlala simanyene naye, naye uhlala emanyene nathi, kuba usinike isabelo soMoya wakhe.

2013 Okthoba 30, Lwesithathu

Abo baxhinele ubutyebi beyela kwizilingo nemigibe, bathi bexinwe yiminqweno yobudenge eyingozi, batshone ebundlavinini nasekutshabalaleni.

1 KUTIMOTI 6:9 imali ukubawa ukuthanda izinto eziphathekayo

2013 Okthoba 29, Lwesibini

Umntu owoyiswayo kukuzilawula usesichengeni
oku kwesixeko esindonga ziwileyo.

IZAFOBE 25:28 ukuzibamba iminqweno

2013 Okthoba 28, Mvulo

Bayale abantu abanobutyebi beli hlabathi bangaziphakamisi baqamele ngento engaqinisekanga njengemali, koko mabathembele kuThixo, kuba yena unezinwe, unako ukusenza sixhamle zonke izinto sonwabile.

1 KUTIMOTI 6:17 imali uvuyo ukuthanda izinto eziphathekayo

2013 Okthoba 27, Cawe

Kanti ngaba awazi na?
Ngaba zange uve na?
UNdikhoyo nguThixo onguSonini-nanini;
yena ngumdali wehlabathi jikelele.
Yena soze adinwe atyhafe,
nengqiqo yakhe ayiphengululeki.

UISAYA 40:28 indalo ubulumko ukuqonda

2013 Okthoba 26, Mgqibelo

Hlalani nithandana kanye ngale ndlela wanithanda ngayo uKrestu. Yena wazincama ngenxa yenu, wazenza umnikelo nedini elivumba limnandi kuThixo.

KWABASE-EFESE 5:2 uthando umbingelelo UYesu

2013 Okthoba 25, Lwesihlanu

Khawukhangele ukubukeka nomkhitha
wokuhlala kwezalamane ngemvano!

INdumiso 133:1 ubuhlobo uluntu usapho

2013 Okthoba 24, Lwesine

Nguwo lo umyalelo esiwunikwe nguKrestu ngenkqu: Ukuba umntu uyamthanda uThixo, makamthande nowabo.

1 KAYOHANE 4:21 umthetho uthando ubuhlobo

2013 Okthoba 23, Lwesithathu

Sifundise ukuyiqingqa imihla yethu,
ukuze sizuze ubulumko.

INdumiso 90:12 ukucwangcisa ubulumko intliziyo

2013 Okthoba 22, Lwesibini

Ewe, zihlobo zam, xa singalahlwa sisazela asibi naxhala phambi koThixo. Zonke izinto esizicelayo kuye, siyazifumana; kuba kaloku siyayifezekisa imiyalelo yakhe, siyenze intando yakhe.

1 KAYOHANE 3:21-22 thembela umthetho ukuthobela

2013 Okthoba 21, Mvulo

Ikratshi liyamwisa umntu;
kambe ke othobekileyo uba nesidima.

IZAFOBE 29:23 ukuthobeka ikratshi

Ke mna ndonganyelwe nguMoya woMhlekazi uNdikhoyo,
kuba kaloku uNdikhoyo undithambisile.
Undithume ukubhengeza iindaba ezimnandi kumahlwempu,
ndibophe abantliziyo zingamahlwili,
ndibhengeze ukukhululeka kwabathinjwa,
ndazise inkululeko kumabanjwa.

UISAYA 61:1 Umoya ithemba umhlawuleli

2013 Okthoba 19, Mgqibelo

Ngoko ke, mawethu athandekayo, yomelelani ningathandabuzi. Yisebenzeleni ngenkuthalo iNkosi ngalo lonke ixesha, kuba kakade ukubulaleka kwenu ngenxa yeNkosi akunakulambatha.

1 KWABASEKORINTE 15:58 ukuthobela ibuyiselo ukhuthazo

2013 Okthoba 18, Lwesihlanu

Ingca iyatshaza, yona ke intyatyambo ibune,
ke lona ilizwi loThixo wethu lohlala lihleli.

UISAYA 40:8 ukuthembeka uThixo ILizwi likaThixo

2013 Okthoba 17, Lwesine

Mna ndikuyalela namhlanje ukuba umthande uNdikhoyo uThixo wakho, uhambe ngeendlela zakhe, uyithobele uyenze imiyalelo nemimiselo nezithethe zakhe. Wakwenjenjalo uya kuphila wande, uNdikhoyo uThixo wakho akuthamsanqele kwelo lizwe ungenela ukuya kuma kulo.

UHLAZIYO-MNQOPHISO 30:16 umthetho intsikelelo ubomi

2013 Okthoba 16, Lwesithathu

Usindiso lufumaneka ngaye kuphela, kuba akukho wumbi emhlabeni ogama uThixo alinike uluntu, esingasindiswa ngalo.

UMSEBENZI WABATHUNYWA 4:12 usindiso UYesu

2013 Okthoba 15, Lwesibini

Inye kuphela ke into endiyifunayo: kukwazana noKrestu, ndize nam ndiweve ukusebenza kwawo amandla okuvuka kwakhe, ndibe nenxaxheba kwiimbandezelo zakhe, ndimanywe naye ekufeni kwakhe.

KWABASEFILIPI 3:10 ukubandezeleka UYesu uvuko

2013 Okthoba 14, Mvulo

Waphendula uYesu wathi: “Ndim indlela, ndim inyaniso, ndim ubomi. Akukho namnye unokuya kuBawo engayi ngam.”

UYOHANE 14:6 inyaniso UTata ubomi

2013 Okthoba 13, Cawe

Ke yena wathi: “Kuthiwa: ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangamandla akho ephela, nangengqondo yakho iphela; umthande ummelwane wakho kanye ngale ndlela uzithanda ngayo nawe.’ ”

ULUKA 10:27 umthetho uthando ukuthobela

2013 Okthoba 12, Mgqibelo

Ke ngoko kuqala zondelelani ukulawulwa nguThixo, nenze ubulungisa obufunwa nguye, waye ke yena eya kunongezelela zonke ezi zinto.

UMATEWU 6:33 ubulungisa ukutya ubukumkani

2013 Okthoba 11, Lwesihlanu

Masingadinwa ke kukwenza okulungileyo. Kuba xa sizingisa, lode lifike ixesha lokuvuna.

KUMAGALATI 6:9 ubulungisa ibuyiselo umonde

2013 Okthoba 10, Lwesine

Ewe, ndiyazibika, Ndikhoyo; nguwe iNkosi yam;
ngaphandle kwakho, Mhlekazi, andinabani.

INdumiso 16:2 uThixo unqulo

2013 Okthoba 9, Lwesithathu

Umntu oyifihlayo intiyo lixoki;
ke yena osasaza iindaba zolwimi sisiyatha.

IZAFOBE 10:18 ukuthetha ukuhleba ukuxoka

2013 Okthoba 8, Lwesibini

Ke ukunyamekela izinto zesimo esonakeleyo kusa ekufeni, kanti ke ukunyamekela ezoMoya kusa ebomini naseluxolweni.

KWABASEROMA 8:6 Umoya uxolo ubomi

2013 Okthoba 7, Mvulo

IziBhalo zithi kuya kugqabhuka imisinga yamanzi aphilisayo embilinini walowo ukholwayo kum.

UYOHANE 7:38 ukholo ILizwi likaThixo ubomi

2013 Okthoba 6, Cawe

Eli lilizwi likaNdikhoyo kuZerubhabheli: ‘Akungabukroti, kungengawo namandla, kodwa kungoMoya wam kuphela,’ utsho uNdikhoyo onamandla onke.

UZAKARIYA 4:6 uThixo Umoya amandla

2013 Okthoba 5, Mgqibelo

Ngaloo mini uThixo uya kuvuza elowo nalowo ngokwemisebenzi yakhe.

KWABASEROMA 2:6 ubulungisa ibuyiselo

2013 Okthoba 4, Lwesihlanu

Ke isicaka esingaqondiyo sisuke senze okufanelwe yimivumbo, siya kubethwa ibe mbalwa. Kubo bonke abanikwe okuninzi, kuya kufunwa okuninzi; nakulowo unikwe ngokungaphezulu, kuya kubizwa ngokungaphezulu.

ULUKA 12:48 ubulungisa ukuthobela isohlwayo

2013 Okthoba 3, Lwesine

Ewe, kaloku nguye idini elicamagushela izono zethu. Phofu akacamagusheli ezethu kuphela, koko ucamagushela ezehlabathi liphela.

1 KAYOHANE 2:2 isono UMsindisi uxolelo

2013 Okthoba 2, Lwesithathu

Ngoko ke zithobeni phantsi kwesandla sikaThixo esinamandla; yena ke uya kuniphakamisa ngexesha elifanelekileyo.

1 KAPETROS 5:6 ukuthobeka ibuyiselo

2013 Okthoba 1, Lwesibini

Ukuba uhlwayela imbewu yesimo esidala, uya kuvuna ilahleko esa ekufeni; ukuba uhlwayela imbewu yesimo esitsha phantsi koMoya kaThixo, uya kuvuna indyebo esa kobona bomi bungenasiphelo.

KUMAGALATI 6:8 isono ubomi obungunaphakade Umoya