Gcina (Juni 2015)

2015 Juni 30, Lwesibini

Ndiya kukuncoma phakathi kweentlanga, Ndikhoyo;
ewe, ndokudumisa naphakathi kwezizwe.

Nize ningabi nanqala mntwini. Mkhalimele umntu owonayo, hleze nawe ube netyala. Ze ningaziphindezeli mntwini, okanye nimbambe isixhiba, koko nina mthandeni ummelwane wenu, kanye ngale ndlela nizithanda ngayo. Kutsho mna Ndikhoyo.

EYONQULO 19:17-18 uthando ubulali umsindo

2015 Juni 28, Cawe

Makabaluleke yena, ndinciphe mna.

UYOHANE 3:30 ukuthobeka UYesu

2015 Juni 27, Mgqibelo

Ezithathile ezo zonka zihlanu nezo ntlanzi zimbini, ukhangele ezulwini, wabulela, waziqhekeza, wamana enika abafundi bakhe ukuba babele isihlwele. Badla ke bahlutha bonke, kwaza kwaqokelelwa iingobozi ezilishumi elinambini zokutya okuseleyo.

ULUKA 9:16-17 imimangaliso ukutya umthandazo

2015 Juni 26, Lwesihlanu

Njengoko nimanywe noYesu Krestu izimvo zenu mazifane nezakhe.

KWABASEFILIPI 2:5 ubungcwele UYesu

2015 Juni 25, Lwesine

Ngamana angamkeleka kuwe, Ndikhoyo,
amazwi am neengcamango zentliziyo yam,
wena mkhuseli wam nomkhululi wam.

INdumiso 19:14 ukuthetha umthandazo intliziyo

2015 Juni 24, Lwesithathu

Bazeleleleni bonke abantu. INkosi isemnyango.

KWABASEFILIPI 4:5 ubulali ukusondela

2015 Juni 23, Lwesibini

Kaloku yena uNyana woLuntu wezela ukufuna kwanokusindisa abantu abalahlekileyo.

ULUKA 19:10 usindiso UYesu ukufuna

2015 Juni 22, Mvulo

Umntu onentliziyo echwayitileyo uba nempilo;
kanti ke wona umoya odakumbileyo uyimpehla emathanjeni.

IZAFOBE 17:22 ukuphilisa intliziyo ukugula

2015 Juni 21, Cawe

Ndinako ukumelana nayo nayiphi na imeko ngenxa yamandla alowo undomelezayo.

KWABASEFILIPI 4:13 uThixo amandla ukukhuselwa

2015 Juni 20, Mgqibelo

Ndinishiya noxolo olulolwam, olungafani nakancinane nolweli hlabathi. Ze ningakhathazeki, ningoyiki.

UYOHANE 14:27 ukhuthazo uxolo ukukhathazeka

2015 Juni 19, Lwesihlanu

Uyaweva amalungisa akuzibika kuye,
awakhulule kuzo zonke iinzima zawo.
UNdikhoyo ukufuphi nâbo badakumbileyo,
ebaphakamisa abo baphelelwe lithemba.

INdumiso 34:17-18 usindiso umhlawuleli ukusondela

2015 Juni 18, Lwesine

Phofu ke, nokuba ningatshutshiswa ngenxa yokwenza okulungileyo, ikwalithamsanqa naloo nto. Ze ningoyiki nina, ningaxhali nokuxhala oku.

1 KAPETROS 3:14 ubulungisa ukubandezeleka uloyiko

2015 Juni 17, Lwesithathu

Ngalinye ke, zintathu izinto eziya kuhlala zihleli: lukholo, nethemba, nothando. Engaphezu kwazo zonke ke luthando.

1 KWABASEKORINTE 13:13 ukholo uthando ithemba

2015 Juni 16, Lwesibini

Hayi ukuvuya komntu oyaziyo impendulo echanekileyo!
Ewe, ilizwi elithethwe ngexesha elililo lihle kunene.

IZAFOBE 15:23 ukuthetha uvuyo

2015 Juni 15, Mvulo

Wathi ke kubo: “Hambani niye kulo lonke ihlabathi, nizivakalise iindaba ezimnandi kulo lonke elimiweyo.”

UMARKO 16:15 ukuthobela ukuvangela UYesu

2015 Juni 14, Cawe

Musa ukuvuma ukudelwa ngabantu ngenxa yokuba usemncinci. Yiba ngumzekelo kuwo onke amakholwa, ngentetho yakho, ngokuziphatha, ngothando, ngentembeko, nangobunyulu.

1 KUTIMOTI 4:12 ukholo uthando ubomi

2015 Juni 13, Mgqibelo

Ewe, Thixo, intliziyo yam yidale ngokutsha, ibe nyulu;
wuhlaziye umoya wam, ndikhaliphe.

INdumiso 51:10 ukusulungekiswa Umoya intliziyo

2015 Juni 12, Lwesihlanu

Ukuba uwenu uthe wona, yiya uthethe naye ninodwa. Ukuba úthe wakuva, woba umzuzile uwenu.

UMATEWU 18:15 isono ukuthetha ukuphulaphula

2015 Juni 11, Lwesine

Waza uYesu wabakhangela wathi: “Abantu bona abanako ukuyenza le nto, kodwa yena uThixo unako ukuzenza zonke izinto.”

UMATEWU 19:26 imimangaliso usindiso ukuqonda

2015 Juni 10, Lwesithathu

Hayi bo, zigqibelele izinto azenzayo lo Thixo!
Hayi ukuthembeka kwelizwi lakhe!
Uyabakhusela bonke abo bathembela ngaye.

INdumiso 18:30 ngokungenatyala ILizwi likaThixo ukukhuselwa

2015 Juni 9, Lwesibini

Kaloku bonke bonile; bayalabalaba kubuqaqawuli ababulungiselelwe nguThixo. Kanti ke uThixo uyabababala abantu; ubenzela isisa: nangona bengafanelanga ubagwebela ngaye uYesu Krestu obakhululayo.

KWABASEROMA 3:23-24 isono ubabalo UMsindisi

2015 Juni 8, Mvulo

Ngenxa yoko musani ukulixhalela ingomso. Ingomso liya kuxhalela okwalo. Ziyanele imini nganye iingxaki zayo.

UMATEWU 6:34 ubomi ukukhathazeka ukuxhomekeka

2015 Juni 7, Cawe

Ngulowo uhambo ingenabala,
owenza ubulungisa,
ayithethe inyaniso engafihlisi.
Ngulowo unganyelisiyo,
ungamenziyo into embi uwabo,
ungamhlebiyo ummelwana wakhe.

INdumiso 15:2-3 inyaniso ngokungenatyala ukuhleba

2015 Juni 6, Mgqibelo

Sondelani kuThixo naye azokusondela kuni. Hlambani izandla zenu, nina bonindini! Nizenze nyulu iintliziyo zenu, nina bahanahanisi!

EKAYAKOBI 4:8 isono ukusulungekiswa ubulungisa

2015 Juni 5, Lwesihlanu

Kuba siphila ngokukholwa, kungekuko ngezinto esizibonayo.

2 KWABASEKORINTE 5:7 thembela ukholo ubomi

2015 Juni 4, Lwesine

Unethamsanqa umntu onika ngesisa,
lowo ungayiqhubi ngobuqhetseba imicimbi yakhe.

INdumiso 112:5 isisa inceba ukunyaniseka

2015 Juni 3, Lwesithathu

Ngokunjalo ke noKrestu wanikelwa kwaba kanye ukuze athwale izono zabaninzi. Okwesibini uya kufika engenanto yakwenza nesono, koko eze kusindisa abo bamlindeleyo.

KUMAHEBHERE 9:28 isono umbingelelo usindiso

2015 Juni 2, Lwesibini

Intliziyo yomntu inenkohliso ngaphezu kweento zonke.
Akukho nto inokuyinyanga,
kungekho bani uyiqondayo.
Ndim, mna Ndikhoyo, umgocagoci weentliziyo zabantu,
nomvavanyi weengcinga zabo.
Ulowo ndimvuza ngokuziphatha kwakhe,
ndimdlise iziqhamo zezenzo zakhe.

UJEREMIYA 17:9-10 ibuyiselo ubomi intliziyo