Gcina (Julayi 2015)

Amehlo ethu makathi ntsho kuYesu; kaloku síxhomekeke kuye isiqalo ndawonye nekamva lokholo lwethu. Ewe kaloku, yena wathi, ngenxa yenyhweba eyayimlindele, wawunyamezela umnqamlezo, walidela nehlazo lawo; kungokunje uhleli ewongeni kwibhotwe likaThixo.

KUMAHEBHERE 12:2 ukholo UMsindisi UYesu

2015 Julayi 25, Mgqibelo

Ke ngoko nayiphi na into eniyicela kum ndiya kuyenza, ukuze uYise abonakalise amandla akhe ngoNyana.

UYOHANE 14:13 UYesu UTata umthandazo

2015 Julayi 24, Lwesihlanu

UNdikhoyo ngumqolomba:
bazimela kuye abalungisayo, basinde.

IZAFOBE 18:10 uThixo ukhuseleko ukukhuselwa

2015 Julayi 23, Lwesine

Kodwa ke uThixo onceba inkulu, ngenxa yendlela asithanda ngayo, usidlise ubomi kunye noKrestu, naxa besinjengabafileyo nje ngenxa yezono zethu. Kambe ke nakhululwa ngenxa yesisa sikaThixo.

KWABASE-EFESE 2:4-5 inceba uthando UYesu

2015 Julayi 22, Lwesithathu

Nina, mawethu, nibizelwe enkululekweni. Kodwa ke inkululeko yenu mayingabi lokroba lokuba nilawulwe sisimo esidala. Ndaweni yaloo nto khonzanani niqhutywa luthando.

KUMAGALATI 5:13 inkululeko ukuthobeka iminqweno

2015 Julayi 21, Lwesibini

Thembela kuNdikhoyo; yomelela, ube nesibindi!
Ewe, thembela kuNdikhoyo wena!

INdumiso 27:14 thembela umonde isibindi

2015 Julayi 20, Mvulo

IziBhalo zithi kuya kugqabhuka imisinga yamanzi aphilisayo embilinini walowo ukholwayo kum.

UYOHANE 7:38 ukholo ILizwi likaThixo ubomi

2015 Julayi 19, Cawe

Niya kuthi ke nakumfuna uNdikhoyo uThixo wenu nikuloo meko nimfumane; ewe, ukuba nimfuna nimlangazelela ngomxhelo wenu wonke niya kumfumana.

UHLAZIYO-MNQOPHISO 4:29 uThixo ibuyiselo umphefumlo

2015 Julayi 18, Mgqibelo

Intliziyo yam mayinxanele imfundiso yakho
ndaweni yokusukelana nenzuzo yobuqhophololo.

INdumiso 119:36 umthetho ukubawa intliziyo

2015 Julayi 17, Lwesihlanu

Indlu nganye inomakhi wayo, kodwa ke nguThixo umseki wazo zonke izinto.

KUMAHEBHERE 3:4 indalo uThixo

2015 Julayi 16, Lwesine

Nasiphi na isilingo esikuhlelayo siyinto eqhelekileyo emntwini. Yena ke uThixo, ngokuba ethembekile, akayi kukuyekela ulingwe ngokungaphezu kwamandla akho. Hayi, wosuka akuvulele ikroba lokuphuncula, ukuze ube nako ukunyamezela.

1 KWABASEKORINTE 10:13 ukuthembeka isilingo ukuba likhoboka

2015 Julayi 15, Lwesithathu

Isiseko sobulumko kukuthobela uNdikhoyo,
kambe ke zona izityhakala zibujongele phantsi ubulumko nengqeqesho.

IZAFOBE 1:7 ukumoyika uthixo ubulumko ukufunda

2015 Julayi 14, Lwesibini

Ukuba ninolangazelelo, uThixo uyawamkela umnikelo wenu. Kaloku uThixo ufuna umntu aphe ngokobungakanani bezinto anazo, ingebubo obezinto angenazo.

2 KWABASEKORINTE 8:12 ukhuthazo ukupha isisa

2015 Julayi 13, Mvulo

Nina makhosikazi, bathobeleni ngokuzinikela abayeni benu, kuba yimfanelo yenu yobuKrestu leyo.
Nina madoda, bathandeni abafazi benu, ningabi ngqwabalala.

KWABASEKOLOSE 3:18-19 ukuthobeka umtshato ubudlelwane

2015 Julayi 12, Cawe

Ndikhoyo, undinike ikhaka lokuhlanganisa,
wandixhasa ngesandla sakho esinamandla;
undibonelele ndatsho ndazimaseka.
Undimise endaweni ephangaleleyo;
azinakutyibilika kuyo iinyawo zam.

INdumiso 18:35-36 usindiso ILizwi likaThixo ukukhuselwa

2015 Julayi 11, Mgqibelo

Wathi kubo: “Othe wamamkela lo mntwana egameni lam, wamkela mna; nothe wamkela mna, wamkela lowo undithumileyo; kuba oyena mncinane phakathi kwenu nonke, ngoyena mkhulu.”

ULUKA 9:48 ukuthobeka UYesu

2015 Julayi 10, Lwesihlanu

Ndanelisekile ke ngoko nokuba ndibuthathaka, nokuba ndiyagxekwa, nokuba nditsala nzima, nditshutshiswa, ndithwala iimbandezelo ngenxa kaKrestu. Kuba xa ndibuthathaka, kuxa kanye ndinamandla.

2 KWABASEKORINTE 12:10 uvuyo amandla intshutshiso

2015 Julayi 9, Lwesine

Impendulo ethambileyo iyawuthibaza umsindo,
kanti ke wona amazwi akrwempayo ahlobisa igazi.

IZAFOBE 15:1 ukuthetha ubulali umsindo

2015 Julayi 8, Lwesithathu

Ngoko ke bonke banikeni okubafaneleyo – irhafu kofanelwe yirhafu, umrhumo kofanelwe ngumrhumo, ukuhlonitshwa kofanelwe kukuhlonitshwa, imbeko kofanelwe yimbeko.

KWABASEROMA 13:7 ukunyaniseka imali ukumoyika uthixo

2015 Julayi 7, Lwesibini

Nina madoda, bathandeni abafazi benu, kanye ngale ndlela alithande ngayo uKrestu ibandla, waza wanikela ngobomi bakhe ngenxa yalo. Le nto uyenze ukuze libe libango lakhe ibandla. Ulicocile walihlamba ngamanzi ngamandla elizwi lakhe.

KWABASE-EFESE 5:25-26 uthando ukusulungekiswa ubudlelwane

2015 Julayi 6, Mvulo

Ewe, nguwe inqaba yam nekhusi lam;
ndikhokele, undithundeze, lidunyiswe igama lakho.

INdumiso 31:3 uThixo unqulo ubomi

2015 Julayi 5, Cawe

Ke kaloku nakhululwa ngesisa sikaThixo ngokholo; anikhululwanga ngemizamo yenu. Ewe, kungenxa yesisa sikaThixo. Ngoko ke akukho nto ubani angaziqhayisa ngayo, kungekho migudu yakhe nje.

KWABASE-EFESE 2:8-9 ubabalo ukholo usindiso

2015 Julayi 4, Mgqibelo

Koko masithi sonke ngabanye sikholise abamelwane bethu ezintweni ezilungileyo ezinokulukhulisa ukholo lwabo.

KWABASEROMA 15:2 ukuzingca ukhuthazo ummelwane

2015 Julayi 3, Lwesihlanu

Ndiya kuphumla ngenzolo, ndilale;
nguwe kuphela kaloku, Ndikhoyo, ondinqabisayo.

INdumiso 4:8 ukhuseleko phumla uxolo

2015 Julayi 2, Lwesine

Hlonelani iNkosi uKrestu ehleli kuni ngaphakathi, nihlale nilungele ukuphendula nabani na onibuza ngethemba eniqamele ngalo.

1 KAPETROS 3:15 ukuvangela UYesu ithemba

2015 Julayi 1, Lwesithathu

Ndiyanikhuthaza ngoko, mawethu, ngenxa yenceba kaThixo, ukuba nizinikele nina ziqu nibe lidini eliphilayo, elingcwele, elikholekileyo kuThixo. Leyo ke yindlela yenu efanelekileyo yokukhonza uThixo ngengqiqo.

KWABASEROMA 12:1 inceba ubungcwele ukuthobela