Gcina (Agasti 2015)

2015 Agasti 31, Mvulo

Inqabile into yokuba umntu afele omnye, naxa mhlawumbi anokubhaqeka umntu onesibindi sokufela umntu olungileyo. Ke yena uThixo ukuqondakalisile ukusithanda kwakhe ngokuthi uKrestu asifele sisengaboni!

KWABASEROMA 5:7-8 isono usindiso ukufa

2015 Agasti 30, Cawe

Musani ke ukuthatha isimilo sabantu beli phakade, kodwa iingqondo zenu maziguquke zihlaziyeke, nize niyivume intando kaThixo, yona ilungileyo, ikholekileyo, igqibeleleyo.

KWABASEROMA 12:2 ngokungenatyala ukuthobela ubomi

2015 Agasti 29, Mgqibelo

Qinani nibe nesibindi, nonke nina nithembele ngoNdikhoyo.

INdumiso 31:24 ithemba ukhuthazo intliziyo

2015 Agasti 28, Lwesihlanu

Kanti ngaba awazi na?
Ngaba zange uve na?
UNdikhoyo nguThixo onguSonini-nanini;
yena ngumdali wehlabathi jikelele.
Yena soze adinwe atyhafe,
nengqiqo yakhe ayiphengululeki.

UISAYA 40:28 indalo ubulumko ukuqonda

2015 Agasti 27, Lwesine

Nanjengoko zitshoyo iziBhalo ukuthi:
“Lowo unga angabudla ubomi abe nenkqubela
makazilumle ekuthetheni kakubi,
ayeke ukuthetha ubuxoki.
Makahlukane nobubi, enze okulungileyo;
makaphuthume uxolo, ahlale kulo.”

1 KAPETROS 3:10-11 uthando uxolo ubomi

2015 Agasti 26, Lwesithathu

Onomonde ulungile kunegorha;
olawula umsindo wakhe ungcono kunothimba isixeko.

IZAFOBE 16:32 uxolo umonde ukuzibamba

2015 Agasti 25, Lwesibini

Izono zethu wazithathela kuye siqu, waxhonywa nazo emnqamlezweni, khon' ukuze thina siyeke ukuphilela ukona, koko siphilele ukulungisa. Ninyangwe ngamanxeba akhe.

1 KAPETROS 2:24 isono ubulungisa ukuphilisa

2015 Agasti 24, Mvulo

Inkolo enyanisekileyo nengenachaphaza kuThixo uBawo yile: kukubonelela iinkedama nabahlolokazi abahluphekileyo, nokuphepha ukudyojwa lihlabathi.

EKAYAKOBI 1:27 isono ngokungenatyala abahlolokazi

2015 Agasti 23, Cawe

Sifundise ukuyiqingqa imihla yethu,
ukuze sizuze ubulumko.

INdumiso 90:12 ukucwangcisa ubulumko intliziyo

2015 Agasti 22, Mgqibelo

Andithi, iintaka ezincinci zithengiswa ngambini ngesenti? Kanti akukho nanye kuzo iya kuwa emhlabeni engavumanga uYihlo. Nina ke, kwaneenwele ezi zentloko yenu zibaliwe zonke. Ke musani ukoyika: nixabisekile kuneentaka ezininzi nina!

UMATEWU 10:29-31 ixabisekile uloyiko UTata

2015 Agasti 21, Lwesihlanu

Wathi kuye uYesu: “Oo, uthi: ‘Ukuba ndinako;’ – zonke izinto zinokwenzeka kokholwayo.”

UMARKO 9:23 ukholo imimangaliso ukuphilisa

2015 Agasti 20, Lwesine

Ozingela ubulumko uyazithanda ngokwakhe;
okuxabisileyo ukuqonda uzuza ukonwaba.

IZAFOBE 19:8 ubulumko ubomi ingqondo

2015 Agasti 19, Lwesithathu

Hlalani nithandana kanye ngale ndlela wanithanda ngayo uKrestu. Yena wazincama ngenxa yenu, wazenza umnikelo nedini elivumba limnandi kuThixo.

KWABASE-EFESE 5:2 uthando umbingelelo UYesu

2015 Agasti 18, Lwesibini

Hlalani nithandana okwabantu abazalanayo. Zenzeleni ububele emakhaya iindwendwe. Ngokwenjenjalo abanye abantu kwathi kanti babuka izithunywa zezulu bengaqondi.

KUMAHEBHERE 13:1-2 uthando ubulali ummelwane

2015 Agasti 17, Mvulo

Unebhongo umzali womntwana olilungisa;
ewe, umntwana osisilumko uligugu kubazali bakhe.

IZAFOBE 23:24 uvuyo ubulumko usapho

2015 Agasti 16, Cawe

Inene, lowo umamkelayo endimthumileyo, wamkela mna; ke owamkela mna, wamkela lowo undithumileyo.

UYOHANE 13:20 ubulali UYesu uluntu

2015 Agasti 15, Mgqibelo

Wathi kubo: “Kulumkeleni konke ukubawa, kuba ubomi bomntu abuxhomekekanga ebuninzini bezinto anazo.”

ULUKA 12:15 imali ukubawa ukuthanda izinto eziphathekayo

2015 Agasti 14, Lwesihlanu

Wena undazisa iindlela zobomi;
kaloku ndizala yimincili xa ndiphambi kwakho.
Ngasekunene kwakho yimihlali yodwa kude kube ngunaphakade.

INdumiso 16:11 uvuyo ubomi ukusondela

2015 Agasti 13, Lwesine

Ndawo yokuqala ndazigqithisela kuni ezona ndawo ndazamkelayo, ezi zokuba uKrestu wafela izono zethu, ngokutsho kweziBhalo, nokuba wangcwatywa, nokuba wavuka ekufeni ngomhla wesithathu, ngokweziBhalo.

1 KWABASEKORINTE 15:3-4 isono umbingelelo UYesu

2015 Agasti 12, Lwesithathu

Ke, ndithi kuni, ngomhla womgwebo abantu baya kuziphendulela ngelizwi ngalinye eliphuthileyo abathe balithetha.

UMATEWU 12:36 ukuthetha umgwebo

2015 Agasti 11, Lwesibini

Umhlobo unothando ngamaxesha onke;
ke yena umntakwenu uzalelwe ukuba nawe kwiimbandezelo.

IZAFOBE 17:17 ubuhlobo usapho ubudlelwane

2015 Agasti 10, Mvulo

Nangona wayengenasono uKrestu, kodwa ngenxa yethu, uThixo wamenza wanenxaxheba kwisono sethu, ukuze thina sithi ngokumanywa naye sibe nenxaxheba ebulungiseni bukaThixo.

2 KWABASEKORINTE 5:21 isono ubulungisa umlamli

2015 Agasti 9, Cawe

Hayi ubukhulu bothando lukaThixo uYise kuthi! Uthando lwakhe lukhulu kangangokuba ude athi uThixo singabantwana bakhe. Kambe ke singabo ngenene. Yiyo loo nto lingasiqondi nje ihlabathi; noThixo kaloku alimazi.

1 KAYOHANE 3:1 uthando UTata abantwana

2015 Agasti 8, Mgqibelo

LelikaNdikhoyo ihlabathi liphela, nako konk' okukulo;
ndixel' ilizwe elimiweyo kunye nabemi balo.

INdumiso 24:1 uThixo ubomi usomandla

2015 Agasti 7, Lwesihlanu

Kuba kaloku komnceda ntoni umntu, ukuba uthe walizuza ihlabathi liphela, kodwa walahlekelwa bubomi bakhe?

UMARKO 8:36 ukubawa ukuthanda izinto eziphathekayo ubomi

2015 Agasti 6, Lwesine

Ingca iyatshaza, yona ke intyatyambo ibune,
ke lona ilizwi loThixo wethu lohlala lihleli.

UISAYA 40:8 ukuthembeka uThixo ILizwi likaThixo

2015 Agasti 5, Lwesithathu

Ndathi: “Mhlekazi, ndihlangule
kumaxoki nakubakhohlisi.”

INdumiso 120:2 ukuthetha umhlawuleli umphefumlo

2015 Agasti 4, Lwesibini

Sikhululwe sazixolelwa izono zethu ngegazi likaKrestu. Siyaphuphuma kuthi isisa.

KWABASE-EFESE 1:7 isono UMsindisi uxolelo

2015 Agasti 3, Mvulo

Ngenani ngesango elimxinwa, kungabi ngelibanzi, kuba abangena ngesango elibanzi, bahambe ngendlela ephangaleleyo, basinga entshabalalweni; yaye baninzi abenjenjalo. Ke abangena ngesango elimxinwa, bahambe ngendlela ecutheneyo, basinga ebomini; yaye bambalwa abenjenjalo.

UMATEWU 7:13-14 ubomi obungunaphakade usindiso