Gcina (Septemba 2015)

2015 Septemba 30, Lwesithathu

Ilizwi likaThixo liyaphila, liyasebenza. Libukhali ngaphezu kwekrele elibazwe macala. Lihlabanisela liye kuthi xhokro embindini, phakathi komzimba nomphefumlo, nasekudibaneni kwamathambo nomongo. Liyazihluza lizicalu-calula iingcamango neminqweno yabantu.

KUMAHEBHERE 4:12 ILizwi likaThixo amandla iingcamango

2015 Septemba 29, Lwesibini

Abo baxhinele ubutyebi beyela kwizilingo nemigibe, bathi bexinwe yiminqweno yobudenge eyingozi, batshone ebundlavinini nasekutshabalaleni.

1 KUTIMOTI 6:9 imali ukubawa ukuthanda izinto eziphathekayo

2015 Septemba 28, Mvulo

Khanibuxhamle ububele bukaNdikhoyo;
ngenene unoyolo umntu othembela ngoNdikhoyo!

INdumiso 34:8 uThixo intsikelelo phumla

2015 Septemba 27, Cawe

Ewe, kaloku nguye idini elicamagushela izono zethu. Phofu akacamagusheli ezethu kuphela, koko ucamagushela ezehlabathi liphela.

1 KAYOHANE 2:2 isono UMsindisi uxolelo

2015 Septemba 26, Mgqibelo

“Nezo zixhobo zixonxwe ngenxa yakho soze zikutshabalalise,
uya kumphendula nabani na okumangalelayo.
Lilo ke elo ilifa lezicaka zikaNdikhoyo;
ewe, mna ndozithi jize ngoloyiso.”
Etshilo nje ke uNdikhoyo utshilo!

UISAYA 54:17 ubulungisa umgwebo ukukhuselwa

2015 Septemba 25, Lwesihlanu

Ndithembele ngokupheleleyo kuNdikhoyo;
ewe, ndikholosa ngelizwi lakhe.

INdumiso 130:5 ithemba ILizwi likaThixo umphefumlo

2015 Septemba 24, Lwesine

Nguwo lo umyalelo esiwunikwe nguKrestu ngenkqu: Ukuba umntu uyamthanda uThixo, makamthande nowabo.

1 KAYOHANE 4:21 umthetho uthando ubuhlobo

2015 Septemba 23, Lwesithathu

Thina kaloku sanikwa lo myalelo yiNkosi:
“ ‘Ndikumisele ukuba ube sisibane sokukhanyisela iintlanga,
ube yindlela yokusindiswa kwalo lonke elimiweyo.’”

UMSEBENZI WABATHUNYWA 13:47 ukuvangela usindiso ukukhanya

2015 Septemba 22, Lwesibini

Kaloku ilizwi likaNdikhoyo linyanisekile,
nemisebenzi yakhe yonke inyanisekile.

INdumiso 33:4 ukuthembeka ILizwi likaThixo inyaniso

2015 Septemba 21, Mvulo

Bayale abantu abanobutyebi beli hlabathi bangaziphakamisi baqamele ngento engaqinisekanga njengemali, koko mabathembele kuThixo, kuba yena unezinwe, unako ukusenza sixhamle zonke izinto sonwabile.

1 KUTIMOTI 6:17 imali uvuyo ukuthanda izinto eziphathekayo

2015 Septemba 20, Cawe

Othe kule ntaba: ‘Funquka, uphoseke elwandle;’ abe ke esitsho engathandabuzi entliziyweni yakhe, kodwa ekholwa ukuba oko akuthethayo kuya kwenzeka, wokwenzelwa.

UMARKO 11:23 thembela ukholo intliziyo

2015 Septemba 19, Mgqibelo

Amaxhala ayamtyhafisa umntu;
ke wona amazwi enkuthazo ayahlaziya.

IZAFOBE 12:25 ukuthetha ukukhathazeka intliziyo

2015 Septemba 18, Lwesihlanu

Ke ngoko kuqala zondelelani ukulawulwa nguThixo, nenze ubulungisa obufunwa nguye, waye ke yena eya kunongezelela zonke ezi zinto.

UMATEWU 6:33 ubulungisa ukutya ubukumkani

2015 Septemba 17, Lwesine

Ngoko ke ayisendim ophilayo, nguKrestu ophilayo kum. Ubomi ke endibudlayo ngoku ndimanywe noNyana kaThixo, ndibudla ngokholo kulowo wandithandayo, wabuncama obakhe ubomi ngenxa yam.

KUMAGALATI 2:20 ukholo UMsindisi ubomi

2015 Septemba 16, Lwesithathu

Nkosi, Thixo, sithamsanqelise!
Siphumelelise kuyo yonke imizamo yethu;
ewe, yiphumelelise yonke imizamo yethu.

INdumiso 90:17 ubabalo ukhuthazo umsebenzi

2015 Septemba 15, Lwesibini

Musani ukukhathazeka; kholosani ngoThixo, nikholose nangam.

UYOHANE 14:1 thembela uloyiko ukukhathazeka

2015 Septemba 14, Mvulo

Mna ndikuyalela namhlanje ukuba umthande uNdikhoyo uThixo wakho, uhambe ngeendlela zakhe, uyithobele uyenze imiyalelo nemimiselo nezithethe zakhe. Wakwenjenjalo uya kuphila wande, uNdikhoyo uThixo wakho akuthamsanqele kwelo lizwe ungenela ukuya kuma kulo.

UHLAZIYO-MNQOPHISO 30:16 umthetho intsikelelo ubomi

2015 Septemba 13, Cawe

Zonwabise ngokululamela uNdikhoyo;
wokunika umnqweno wentliziyo yakho.

INdumiso 37:4 ukupha ukufuna intliziyo

2015 Septemba 12, Mgqibelo

Ke mna ndonganyelwe nguMoya woMhlekazi uNdikhoyo,
kuba kaloku uNdikhoyo undithambisile.
Undithume ukubhengeza iindaba ezimnandi kumahlwempu,
ndibophe abantliziyo zingamahlwili,
ndibhengeze ukukhululeka kwabathinjwa,
ndazise inkululeko kumabanjwa.

UISAYA 61:1 Umoya ithemba umhlawuleli

2015 Septemba 11, Lwesihlanu

Ndim umdiliya; nina ningamasebe. Ohlala emanyene nam, ndibe mna ndihleli ndimanyene naye, uya kuvelisa iziqhamo ezininzi. Kaloku aninakwenza nento le nahlukene nam.

UYOHANE 15:5 ibuyiselo UYesu ukuxhomekeka

2015 Septemba 10, Lwesine

Musa ukuziqoba amandla ufunana nobutyebi,
ungaphulukani nengqondo yakho ngenxa yabo.

IZAFOBE 23:4 imali ukubawa ukucwangcisa

2015 Septemba 9, Lwesithathu

Ke yena wathi: “Kuthiwa: ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangamandla akho ephela, nangengqondo yakho iphela; umthande ummelwane wakho kanye ngale ndlela uzithanda ngayo nawe.’ ”

ULUKA 10:27 umthetho uthando ukuthobela