Gcina (Februwari 2019)

2019 Februwari 28, Lwesine

Umntu osisiyatha akanamdla wakuqonda nto –
nto angxamele ukuyenza kukuvakalisa ezakhe iimbono.

IZAFOBE 18:2 ukuthetha ubulumko ukuzingca

2019 Februwari 27, Lwesithathu

Zonke izinto ke enifuna ukuba abantu bazenze kuni, yenzani ezikwanjalo nani kubo. Yiyo leyo ke intsingiselo yomthetho kaMosis nomyalelo wabashumayeli bamandulo.

UMATEWU 7:12 umthetho ummelwane ubudlelwane

2019 Februwari 26, Lwesibini

Khumbulani le nto, zihlobo zam: Wonke ubani makakhawuleze ukuva; kodwa makangakhawulezi ukuthetha, angakhawulezi nokucaphuka.

EKAYAKOBI 1:19 ukuthetha ukuphulaphula umsindo

2019 Februwari 25, Mvulo

Ndikhokelele enyanisweni yakho, undifundise.
Kaloku nguwe, Thixo, umkhululi wam;
ndihleli ndikulindele imini yonke.

INdumiso 25:5 inyaniso ukufunda ithemba

2019 Februwari 24, Cawe

Ngoko ke, indim nje uThixo wenu, sanukundidibanisa nezithixo ezenziwe ngesiliva okanye igolide.

EYEMFUDUKO 20:23 umthetho izithixo imali

2019 Februwari 23, Mgqibelo

Nguye owasisindisayo wasibiza ukuba sibe ngabanyuliweyo, kungengamisebenzi yethu, kodwa ngenxa yenjongo nobubele bakhe. Wasenzela obu bubele ngoKrestu Yesu kwantlandlolo.

2 KUTIMOTI 1:9 ubabalo ubungcwele usindiso

2019 Februwari 22, Lwesihlanu

Ndakuxineka ndikholosa ngawe.

INdumiso 56:3 thembela uThixo uloyiko

2019 Februwari 21, Lwesine

Bantwana bam, uthando lwethu malungabi lolomlomo nje kuphela, koko malube lolungahanahanisiyo, lubonakaliswa ngezenzo.

1 KAYOHANE 3:18 ukunyaniseka inyaniso ukuthetha

2019 Februwari 20, Lwesithathu

Kum uxabisekile ke kambe;
yeka elo wonga, andikuthandi ngako!
Ndincam' izizwe ngenxa yakho;
ndinikezel' iintlanga, ndizuze wena.

UISAYA 43:4 uthando usindiso ukhuthazo

2019 Februwari 19, Lwesibini

NguNdikhoyo yedwa uThixo;
nguye kuphela osikhuselayo.

INdumiso 18:31 ukuthembeka uThixo amandla

Le miyalelo ndikunika yona namhlanje mayilawule bonke ubomi bakho. Uze uyibethelele ekufundiseni abantwana bakho, uthethe ngayo xa usekhaya, kanti noba useluhambeni, naxa ulalayo, ngokunjalo naxa uvukayo.

UHLAZIYO-MNQOPHISO 6:6-7 umthetho usapho abantwana

2019 Februwari 17, Cawe

Wanga ke uThixo, umthombo wethemba, angáthi ngokukholwa kwenu anivuyise kakhulu, aniphe uxolo, ukuze ithemba lenu liye lisanda ngokwanda ngamandla oMoya oyiNgcwele.

KWABASEROMA 15:13 ukholo Umoya ithemba

2019 Februwari 16, Mgqibelo

Ngoko ke ndiya kulandelwa kokulungileyo nabububele,
umzi wakho ube likhaya lam yonke imihla yobomi bam.

INdumiso 23:6 ubabalo ubomi ukusondela

2019 Februwari 15, Lwesihlanu

Ubani unokuthi: “Zonke izinto zivumelekile kum.” Ewe, kunjalo, kodwa azikulungelanga zonke. Nam bendinokuthi: “Zonke izinto zivumelekile kum;” kodwa ngekhe ndinikezele ukuze ndilawulwe nayiyiphi na into.

1 KWABASEKORINTE 6:12 ukuba likhoboka iminqweno ubomi

2019 Februwari 14, Lwesine

Kaloku umthetho xa uwonke ushwankathelwa ngomyalelo omnye othi: “Mthande ummelwane wakho kanye ngale ndlela uzithanda ngayo nawe.”

KUMAGALATI 5:14 umthetho uthando ummelwane

2019 Februwari 13, Lwesithathu

Abakhutheleyo ngabo abaya kulawula;
ke wona amavila aphelela kumsebenzi wobukhoboka.

IZAFOBE 12:24 ibuyiselo umsebenzi ubukhoboka

2019 Februwari 12, Lwesibini

Masingabi sagwebana ke – ndaweni yaloo nto masizimisele ukungenzi nanye into enokumkhubekisa imwise esonweni umwethu.

KWABASEROMA 14:13 ubulali umgwebo ummelwane

2019 Februwari 11, Mvulo

Khala kum, ndikuphendule, ndikwazise izinto ezinkulu ezingenakugocagocwa, obukade ungaziqondi.

UJEREMIYA 33:3 umthandazo ukuqonda ukuphulaphula

2019 Februwari 10, Cawe

Nkosi yam, uyawazi umnqweno wam,
uyaziva zonke iincwina zam.

INdumiso 38:9 isilingo ukukhathazeka usizi

2019 Februwari 9, Mgqibelo

Lindani nithandaze, ukuze ningangeni ekuhendweni. Intliziyo yona okunene inentumekelelo, ke wona umzimba ubuthathaka.

UMATEWU 26:41 umthandazo isilingo iminqweno

2019 Februwari 8, Lwesihlanu

Kananjalo nabani na othe wabiza igama leNkosi uya kusindiswa.

UMSEBENZI WABATHUNYWA 2:21 usindiso unqulo umthandazo

2019 Februwari 7, Lwesine

Ubulumko ngoyena ndoqo, bufunisise!
Fumana ingqiqo, nokuba kudle konke onako.

IZAFOBE 4:7 ubulumko ukuqonda

2019 Februwari 6, Lwesithathu

Musani ukusunduzana. Izinto sanukuzenza ngokuzigwagwisa nangokuqhayisa. Ndaweni yaloo nto zithobeni, nibaphakamise kunani abanye abantu.

KWABASEFILIPI 2:3 ukuzingca ukuthobeka ummelwane

2019 Februwari 5, Lwesibini

Masingadinwa ke kukwenza okulungileyo. Kuba xa sizingisa, lode lifike ixesha lokuvuna.

KUMAGALATI 6:9 ubulungisa ibuyiselo umonde

2019 Februwari 4, Mvulo

Andithi kaloku uyamanelisa onxaniweyo,
aze amhluthise ngokulunga olambileyo!

INdumiso 107:9 ukuthembeka ukutya

2019 Februwari 3, Cawe

Wanithoba eniyekela ngendlela, waza kananjalo wanipha imana, kutya oko naningakwazi, nina ngokunjalo nooyihlo-mkhulu. Le nto ke wayenza kuba efuna niqonde nazi ukuba ubomi bomntu abuxhomekanga kutyeni kuphela, koko buxhomekeke kuwo onke amazwi kaNdikhoyo.

UHLAZIYO-MNQOPHISO 8:3 ukubandezeleka ILizwi likaThixo ubomi

2019 Februwari 2, Mgqibelo

Yonke into enimelwe kukuyenza yenzeni ngaphandle kokukhalaza nokuxambulisana, niziphathe nyulu ningenagxeke, njengosapho lukaThixo olungabekwa bala phakathi kwabantu abakhohlakeleyo beli phakade. Khanyani phakathi kwabo njengeenkwenkwezi zikhanya esibhakabhakeni, nibanika iindaba zobomi.

KWABASEFILIPI 2:14-16a ubungcwele ILizwi likaThixo ubomi