Gcina (Disemba 2023)

2023 Disemba 31, Cawe

Vuyani, ninethemba nje, ninyamezele ezimbandezelweni zenu, nithandaze ningayeki.

KWABASEROMA 12:12 uvuyo umthandazo umonde

2023 Disemba 30, Mgqibelo

Khumbulani le nto, zihlobo zam: Wonke ubani makakhawuleze ukuva; kodwa makangakhawulezi ukuthetha, angakhawulezi nokucaphuka.

EKAYAKOBI 1:19 ukuthetha ukuphulaphula umsindo

2023 Disemba 29, Lwesihlanu

Kambe ke bona abakholosa ngoNdikhoyo
bosuka bahlaziyeke bomelele.
Bosuka bantinge baxel' ukhozi;
noba sebebaleka, soze badinwe;
ewe, baya kuhamba bangaze batyhafe.

UISAYA 40:31 ithemba ukhuthazo amandla

2023 Disemba 28, Lwesine

Elokuphetha ndithi njengokuba nimanywe neNkosi nje, yomelelani nincedwa ngamandla ayo.

KWABASE-EFESE 6:10 uThixo amandla ukufuna

2023 Disemba 27, Lwesithathu

UKrestu wasikhulula ukuze sibe ngabantu abakhululekileyo mpela! Ngoko ke yimani ngxishi ningahexi, ningavumi ukuphindela kwidyokhwe yobukhoboka.

KUMAGALATI 5:1 UYesu ubomi umhlawuleli

2023 Disemba 26, Lwesibini

Usisibane sokundikhanyisela, wena Ndikhoyo;
undigxothela ubumnyama, wena Thixo.

INdumiso 18:28 ukuxhomekeka ukukhuselwa ukukhanya

2023 Disemba 25, Mvulo

Namhlanje, edolophini kaDavide, nizalelwe uMsindisi onguKrestu iNkosi.

ULUKA 2:11 UMsindisi uMesiya krisimesi

2023 Disemba 24, Cawe

Úya kuzala unyana, ùmthiye igama elinguYesu, kuba nguye oya kubasindisa abantu bakhe ezonweni zabo.

UMATEWU 1:21 UYesu umhlawuleli krisimesi

Ndikhoyo, wena unguThixo wam;
ndosuka ndikuthuthe ndikudumise.
Kuthi mandikutyibele ndibongisele
ngenxa yemisebenzi yakho ekhamnqisayo;
kaloku ngokuthembeka okukhulu
wena zonke uzifezekisile –
nditsho izicwangciso zakho zamandulo.

UISAYA 25:1 ukuthembeka uThixo unqulo

2023 Disemba 22, Lwesihlanu

UYesu Krestu lo wayizolo, usekwanguye nanamhla, nangomso, nanini nanini.

KUMAHEBHERE 13:8 ukuthembeka UYesu

2023 Disemba 21, Lwesine

Xa niyigcina imiyalelo yam, noba nihlala nikholose ngokuthandwa ndim. Xelisani mna endiyilulameleyo imiyalelo kaBawo, ndihlala ndikholose ngokuthandwa nguye.

UYOHANE 15:10 umthetho uthando UYesu

2023 Disemba 20, Lwesithathu

Wena uyinqaba endizifihla kuyo;
uyandikhusela xa ndisebunzimeni.
Undirhangqe ngosindiso lwakho;
ngoko ke ndimemelela ndinemincili.

INdumiso 32:7 uvuyo ukhuseleko ukukhuselwa

2023 Disemba 19, Lwesibini

Nabu ke obona bomi: kukwazana nawe, wena Thixo unguye, ingabi wumbi; bazane naye lowo uthunywe nguwe, uYesu Krestu.

UYOHANE 17:3 ubomi obungunaphakade uThixo UYesu

2023 Disemba 18, Mvulo

Egameni leNkosi yethu uYesu Krestu ndiyanibongoza, mawethu, ukuba nivane, nithethe nto-nye, kungabikho zimbambano phakathi kwenu. Manyanani nibe luqilima, nimxhelo mnye, ninazimvo zinye.

1 KWABASEKORINTE 1:10 uluntu usapho inguqu

2023 Disemba 17, Cawe

Yonke into inexesha layo;
umbandela ngamnye unethuba lawo apha emhlabeni.

AMAVA ENGQONDI 3:1 ukucwangcisa ubomi izulu

2023 Disemba 16, Mgqibelo

Khala kum, ndikuphendule, ndikwazise izinto ezinkulu ezingenakugocagocwa, obukade ungaziqondi.

UJEREMIYA 33:3 umthandazo ukuqonda ukuphulaphula

2023 Disemba 15, Lwesihlanu

Wonke lo msebenzi wenziwa nguThixo. Nguye othe ngoYesu Krestu wasixolelanisa naye ngokwakhe, wasinika umsebenzi wokuxolelanisa.

2 KWABASEKORINTE 5:18 uxolelwaniso ukuvangela

2023 Disemba 14, Lwesine

Ndakuxineka ndikholosa ngawe.

INdumiso 56:3 thembela uThixo uloyiko

2023 Disemba 13, Lwesithathu

Zihlobo, musan' ukusuka nikhokelwe nje nanguwuphi na umoya. Wonke umoya wuvavanyeni, nikhangele ukuba ngaba uvela kuThixo na. Kaloku baninzi abashumayeli abanefuthe lobuxoki abajikeleza elizweni.

1 KAYOHANE 4:1 thembela Umoya isiprofeto

2023 Disemba 12, Lwesibini

Masingalali buthongo ke thina njengabanye abo; masiphaphe, singanxili.

1 KWABASETESALONIKA 5:6 ukhuseleko ukuzibamba

2023 Disemba 11, Mvulo

Izinhanha zicinga ukuba ubutyebi yinqaba yazo;
kuzo ngathi buludonga oluphakamileyo lokuzifihla.

IZAFOBE 18:11 imali ukuthanda izinto eziphathekayo

2023 Disemba 10, Cawe

Isono masinganilawuli, kuba anikho phantsi komthetho, niphantsi kobabalo lwesisa sikaThixo.

KWABASEROMA 6:14 isono ubabalo umthetho

2023 Disemba 9, Mgqibelo

Bantwana bam, uthando lwethu malungabi lolomlomo nje kuphela, koko malube lolungahanahanisiyo, lubonakaliswa ngezenzo.

1 KAYOHANE 3:18 ukunyaniseka inyaniso ukuthetha

2023 Disemba 8, Lwesihlanu

Linjengemini enye iwaka leminyaka kuwe,
lona liyafana nemini yezolo,
lifutshane okwexesha labalindi ebusuku.

INdumiso 90:4 uThixo ubomi ukuqonda

2023 Disemba 7, Lwesine

Bantundini abangathembekanga, anazi kakade ukuba ngokuhlobana neli hlabathi nizenza iintshaba zikaThixo? Ewe, nabani na okhetha ukuvana neli hlabathi ulutshaba lukaThixo.

EKAYAKOBI 4:4 isono uThixo ubuhlobo