Gcina (Juni 2021)

2021 Juni 30, Lwesithathu

Ziphicotheni zonke izinto, nize ninyamekele leyo ilungileyo. Nayiphi na into embi yityesheleni.

1 KWABASETESALONIKA 5:21-22 ukuqonda ububi isiprofeto

2021 Juni 29, Lwesibini

Ndizimela ngaye, nguye ondisindisayo.
Yinqaba yam, soze ndichukunyiswe.

INdumiso 62:6 thembela intliziyo ukukhuselwa

Umqondiso walo mnqophiso endikwenzela wona kunye nazo zonke izinto eziphilayo, ngumnyama oya kubakho esibhakabhakeni. Nguwo lowo umqondiso womnqophiso ongasoze ujike endiwenzela abantu nalo lonke elimiweyo.

EYEZIQALO 9:12-13 umnqophiso izithembiso

2021 Juni 27, Cawe

Elokuphetha ndithi njengokuba nimanywe neNkosi nje, yomelelani nincedwa ngamandla ayo.

KWABASE-EFESE 6:10 uThixo amandla ukufuna

2021 Juni 26, Mgqibelo

Ungaze wahlukane nentembeko nokunyaniseka.
Maxa onke ezi zinto mazibe sisivatho entanyeni yakho.
Ewe, zikrole elucwecweni lwentliziyo yakho.
Ukuba uyayenza ke loo nto uya kuhlala wamkelekile,
ube negama elihle kuThixo nasebantwini.

IZAFOBE 3:3-4 uthando ibuyiselo intliziyo

2021 Juni 25, Lwesihlanu

Vuyani, ninethemba nje, ninyamezele ezimbandezelweni zenu, nithandaze ningayeki.

KWABASEROMA 12:12 uvuyo umthandazo umonde

2021 Juni 24, Lwesine

Makuqukuqele ukunyaniseka njengomlambo,
nobulungisa njengomsinga ongatshiyo.

UAMOS 5:24 umthetho ubulungisa

2021 Juni 23, Lwesithathu

Ndikhokelele enyanisweni yakho, undifundise.
Kaloku nguwe, Thixo, umkhululi wam;
ndihleli ndikulindele imini yonke.

INdumiso 25:5 inyaniso ukufunda ithemba

2021 Juni 22, Lwesibini

Vuyani nabavuyayo, nilile nabalilayo.

KWABASEROMA 12:15 uvuyo uvelwano usizi

2021 Juni 21, Mvulo

UKrestu wasikhulula ukuze sibe ngabantu abakhululekileyo mpela! Ngoko ke yimani ngxishi ningahexi, ningavumi ukuphindela kwidyokhwe yobukhoboka.

KUMAGALATI 5:1 UYesu ubomi umhlawuleli

2021 Juni 20, Cawe

Culelani uThixo, nibong' igama lakhe.
Ewe, mbongeni lowo ucand' emafini.
Igama lakhe nguNdikhoyo, vuyani ngenxa yakhe.
UThixo usendlwini yakhe engcwele.
Nguyise weenkedama, umthetheleli wabahlolokazi.

INdumiso 68:4-5 ubungcwele ukhuseleko unqulo

2021 Juni 19, Mgqibelo

Kambe ke bona abakholosa ngoNdikhoyo
bosuka bahlaziyeke bomelele.
Bosuka bantinge baxel' ukhozi;
noba sebebaleka, soze badinwe;
ewe, baya kuhamba bangaze batyhafe.

UISAYA 40:31 ithemba ukhuthazo amandla

2021 Juni 18, Lwesihlanu

Ke mna ndithi kuni, nina nindivayo: Zithandeni iintshaba zenu, nibenzele okulungileyo abo banithiyileyo. Basikeleleni abo baniqalekisayo, nibathandazele abo banigxekayo.

ULUKA 6:27-28 ukuthobela intsikelelo umthandazo

2021 Juni 17, Lwesine

Lowo uwubopha ngomkhala umlomo wakhe ukhusela ubomi bakhe;
kanti ke yena othetha gqitha uyazenzakalisa.

IZAFOBE 13:3 ukuthetha ubulumko ubomi

2021 Juni 16, Lwesithathu

Kaloku owethu umbingeleli omkhulu ngosivelayo ebuthathakeni bethu, kuba walingwa ngeendlela zonke njengathi, kodwa zange one.

KUMAHEBHERE 4:15 isono isilingo uvelwano

2021 Juni 15, Lwesibini

Egameni leNkosi yethu uYesu Krestu ndiyanibongoza, mawethu, ukuba nivane, nithethe nto-nye, kungabikho zimbambano phakathi kwenu. Manyanani nibe luqilima, nimxhelo mnye, ninazimvo zinye.

1 KWABASEKORINTE 1:10 uluntu usapho inguqu

2021 Juni 14, Mvulo

Ndiya kukuncoma, Thixo ongukumkani wam;
igama lakho ndolibonga nanini nanini.

INdumiso 145:1 unqulo ubomi obungunaphakade dumisani

2021 Juni 13, Cawe

Kum uxabisekile ke kambe;
yeka elo wonga, andikuthandi ngako!
Ndincam' izizwe ngenxa yakho;
ndinikezel' iintlanga, ndizuze wena.

UISAYA 43:4 uthando usindiso ukhuthazo

2021 Juni 12, Mgqibelo

Khumbulani le nto, zihlobo zam: Wonke ubani makakhawuleze ukuva; kodwa makangakhawulezi ukuthetha, angakhawulezi nokucaphuka.

EKAYAKOBI 1:19 ukuthetha ukuphulaphula umsindo

2021 Juni 11, Lwesihlanu

Umntu onomonde uba nengqiqo;
kambe ke yena ocaphuka msinya usuka enze ubudenge.

IZAFOBE 14:29 ubulumko umonde ukuqonda

2021 Juni 10, Lwesine

Isono masinganilawuli, kuba anikho phantsi komthetho, niphantsi kobabalo lwesisa sikaThixo.

KWABASEROMA 6:14 isono ubabalo umthetho

2021 Juni 9, Lwesithathu

Xa niyigcina imiyalelo yam, noba nihlala nikholose ngokuthandwa ndim. Xelisani mna endiyilulameleyo imiyalelo kaBawo, ndihlala ndikholose ngokuthandwa nguye.

UYOHANE 15:10 umthetho uthando UYesu

2021 Juni 8, Lwesibini

Ndenze isigqibo sokuba ndinyaniseke;
ndizimisele ukusithobela isigwebo sakho.

INdumiso 119:30 ukholo umthetho inyaniso

2021 Juni 7, Mvulo

Njengokuphakama kwezulu emhlabeni
ziphakamile neendlela zam kunezenu,
kanti ke zikwanjalo neengcinga zam.

UISAYA 55:9 ukucwangcisa ukuqonda izulu

2021 Juni 6, Cawe

Bantwana bam, uthando lwethu malungabi lolomlomo nje kuphela, koko malube lolungahanahanisiyo, lubonakaliswa ngezenzo.

1 KAYOHANE 3:18 ukunyaniseka inyaniso ukuthetha

2021 Juni 5, Mgqibelo

NguNdikhoyo amandla am nekhaka lam;
ndithembele ngaye ngomxhelo wam wonke.
Ndoncedakala nditsho ndibe nemincili,
ndimbonge ngengoma.

INdumiso 28:7 thembela unqulo amandla

2021 Juni 4, Lwesihlanu

Kananjalo nabani na othe wabiza igama leNkosi uya kusindiswa.

UMSEBENZI WABATHUNYWA 2:21 usindiso unqulo umthandazo

2021 Juni 3, Lwesine

Iingqondo zenu zimiliseleni kwizinto zaphezulu, kungabi kwizinto zalo mhlaba.

KWABASEKOLOSE 3:2 izulu ingqondo umhlaba

2021 Juni 2, Lwesithathu

Amazulu abalisa ngobungangamsha bukaThixo,
nesibhakabhaka sixela umsebenzi wezandla zakhe.
Imini ixelela imin' elandelayo,
nobusuku bubikela ubusuk' obulandelayo.

INdumiso 19:1-2 unqulo izulu