Gcina (Julayi 2021)

2021 Julayi 31, Mgqibelo

Ndingade ndibe naso nesiphiwo sokushumayela ngefuthe, ndinalo lonke ulwazi, ndizazi nezinto ezingàziwa mntu, ndinalo nokholo olugungqisa iintaba, kodwa ndingenalo uthando, andinto konke!

1 KWABASEKORINTE 13:2 ukholo uthando isiprofeto

2021 Julayi 30, Lwesihlanu

Yena kaloku akambandezanga owakhe uNyana, koko usuke wamnikela ngenxa yethu sonke. Angathini ke ukungasibabali asiphe zonke ezinye izinto?

KWABASEROMA 8:32 umbingelelo UTata ukwamkela

2021 Julayi 29, Lwesine

Impendulo ethambileyo iyawuthibaza umsindo,
kanti ke wona amazwi akrwempayo ahlobisa igazi.

IZAFOBE 15:1 ukuthetha ubulali umsindo

2021 Julayi 28, Lwesithathu

Kaloku umthetho xa uwonke ushwankathelwa ngomyalelo omnye othi: “Mthande ummelwane wakho kanye ngale ndlela uzithanda ngayo nawe.”

KUMAGALATI 5:14 umthetho uthando ummelwane

2021 Julayi 27, Lwesibini

Kuba xa simanyene noKrestu, ukwaluka nokungaluki akubalulekanga, into ebalulekileyo lukholo olucaciswa luthando.

KUMAGALATI 5:6 ukholo uthando UYesu

2021 Julayi 26, Mvulo

Ngenene uNdikhoyo yingangalala, ufanele ukudunyiswa;
obakhe ubukhulu abuphengululeki.

INdumiso 145:3 unqulo ukuqonda usomandla

2021 Julayi 25, Cawe

Kodwa bonke abâmamkeláyo, bezinikele kuye ngokupheleleyo, wabanika igunya lokuba ngabantwana bakaThixo.

UYOHANE 1:12 ukholo UTata abantwana

2021 Julayi 24, Mgqibelo

Ngoko ke sisondela singenaxhala kuThixo, sisazi ukuba uyasiphulaphula xa sicela silungele ukwenza loo nto athanda ukuba siyenze.

1 KAYOHANE 5:14 thembela umthandazo ukuphulaphula

2021 Julayi 23, Lwesihlanu

Ukuba umntwana umqeqeshile ngendlela yokuziphatha,
soze ahlukane nayo naxa selekhulile.

IZAFOBE 22:6 ubulungisa usapho abantwana

2021 Julayi 22, Lwesine

Masingabi sagwebana ke – ndaweni yaloo nto masizimisele ukungenzi nanye into enokumkhubekisa imwise esonweni umwethu.

KWABASEROMA 14:13 ubulali umgwebo ummelwane

2021 Julayi 21, Lwesithathu

Ngubani ke onokusahlukanisa nothando lukaKrestu? Yimbandezelo na? Yinkxwaleko na? Yintshushiso na? Yindlala na? Bubuzé na? Yingozi na? Likrele na?

KWABASEROMA 8:35 uthando ukubandezeleka intshutshiso

2021 Julayi 20, Lwesibini

Wanga angakunika umnqweno wentliziyo yakho,
aziphumelelise zonk' iinquleqhu zakho.

INdumiso 20:4 ukucwangcisa intsikelelo intliziyo

2021 Julayi 19, Mvulo

Akukho bani uthi, esilumekile isibane, asigqume ngesitya, okanye asifake ngaphantsi kwebhedi. Usixhoma endaweni yaso, ukuze abangenayo bakhanyiselwe.

ULUKA 8:16 ukunyaniseka ubungcwele ukukhanya

2021 Julayi 18, Cawe

Ndiyambongoza ukuba ngobubele bakhe uSosidima anomeleze imo yenu entsha ngoMoya wakhe, khon' ukuze ngokholo uKrestu ahlale ngaphakathi kuni. Nanga ningasekelwa eluthandweni nendele.

KWABASE-EFESE 3:16-17 ukholo uthando Umoya

2021 Julayi 17, Mgqibelo

Andithi kaloku uyamanelisa onxaniweyo,
aze amhluthise ngokulunga olambileyo!

INdumiso 107:9 ukuthembeka ukutya

2021 Julayi 16, Lwesihlanu

Umntu olungileyo uvelisa ukulunga okuphuma entliziyweni yakhe. Ke okhohlakeleyo uvelisa inkohlakalo ephuma entliziyweni yakhe. Kaloku loo nto intliziyo iphuphuma yiyo iphuma ngomlomo.

ULUKA 6:45 isono ukuthetha intsikelelo

2021 Julayi 15, Lwesine

Ngoko ke zivumeni izono omnye komnye, nithandazelane, khon' ukuze ninyangeke. Kaloku umthandazo womntu olungileyo unamandla angummangaliso.

EKAYAKOBI 5:16 ubulungisa ukuphilisa umthandazo

2021 Julayi 14, Lwesithathu

Uthetha ngelizwi athi:
“Phezani, ndim uThixo.
Ndizivelele izizwe;
nehlabathi ndilikrobele.”

INdumiso 46:10 uThixo uxolo

2021 Julayi 13, Lwesibini

Ningabantu bakaThixo abanyuliweyo abathandiweyo nina, abakhe ngenkqu. Ngoko ke nxibani ezifanele abakhe: inceba, ububele, ukuthobeka, ubulali, nomonde.

KWABASEKOLOSE 3:12 ukuthobeka ubulali umonde

2021 Julayi 12, Mvulo

Waphendula wathi kuzo: “Lowo uneengubo ezimbini makanike ongenáyo. Nalowo unokutya makenjenjalo.”

ULUKA 3:11 ukuthanda izinto eziphathekayo ukupha ubuhlwempu

2021 Julayi 11, Cawe

Ukuhlonela uNdikhoyo kufundisa ubulumko;
indlela eya ewongeni yintobeko.

IZAFOBE 15:33 ukuthobeka ukumoyika uthixo ubulumko

2021 Julayi 10, Mgqibelo

Ukuba uthe wavuma ngomlomo ukuba uYesu yiNkosi, wakholwa nangentliziyo ukuba uThixo wamvusa kwabafileyo, wosindiswa.

KWABASEROMA 10:9 ukholo ukuthetha UYesu

2021 Julayi 9, Lwesihlanu

Wonke umntu oyithobelayo imiyalelo kaThixo umanyene noThixo, noThixo uhlala kuye. Into ecacisa ukuba uThixo uhlala kuthi nguMoya lo asinike yena.

1 KAYOHANE 3:24 umthetho uThixo Umoya

2021 Julayi 8, Lwesine

Kaloku yeyomzuzwana ingqumbo yakhe;
ukanti buhlala buhlel' ububele bakhe.
Ewe, zibakho zon' iinzingo ebusuku,
kodwa kusasa kuba yimincili yodwa.

INdumiso 30:5 uthando umonde usizi

2021 Julayi 7, Lwesithathu

Xa nicaphukile, umsindo mawunganiqweqwediseli esonweni; futhi malingade litshone ilanga ninomsindo. Umtyholi musani ukumvulela indawo ebomini benu.

KWABASE-EFESE 4:26-27 isono umsindo ububi

2021 Julayi 6, Lwesibini

“Kaloku zisekuhleni kum izicwangciso zam ngani zokuba ndininike intlala-kahle ingabi bububi, ndinidalele ikamva nethemba.” Lowo ngumlomo kaNdikhoyo.

UJEREMIYA 29:11 ukucwangcisa intsikelelo ithemba

2021 Julayi 5, Mvulo

NguNdikhoyo yedwa uThixo;
nguye kuphela osikhuselayo.

2 KASAMWELI 22:32 ukuthembeka uThixo ukukhuselwa

2021 Julayi 4, Cawe

Ukuba niyandithanda noyigcina imiyalelo yam.

UYOHANE 14:15 umthetho uthando UYesu

2021 Julayi 3, Mgqibelo

Ndaweni yaloo nto yenzelanani ububele ninobulali, nixolelane, kwanjengokuba naye uThixo wanixolelayo ngoKrestu.

KWABASE-EFESE 4:32 uxolelo uvelwano ukulunga

2021 Julayi 2, Lwesihlanu

Njengoko ungayazi indlela yomoya,
ungamazi nokuba wenziwa njani na umntu esizalweni sonina,
kananjalo soze ukuqonde nokusebenza kukaThixo onguMdali weento zonke.

AMAVA ENGQONDI 11:5 uThixo ukuqonda