Gcina (Agasti 2021)

2021 Agasti 31, Lwesibini

Ewe, ngaloo mini niya kusuka nithi:
“Masidomboze sibulele uNdikhoyo;
ewe, masiqambe sinqule igama lakhe.
Imisebenzi yakhe masiyibhengeze ezizweni;
masishumayele sibuxele ubukhulu bakhe.”

UISAYA 12:4 ukuthetha ukuvangela unqulo

2021 Agasti 30, Mvulo

Ndawo yokuqala ndazigqithisela kuni ezona ndawo ndazamkelayo, ezi zokuba uKrestu wafela izono zethu, ngokutsho kweziBhalo, nokuba wangcwatywa, nokuba wavuka ekufeni ngomhla wesithathu, ngokweziBhalo.

1 KWABASEKORINTE 15:3-4 isono umbingelelo UYesu

2021 Agasti 29, Cawe

Wamdala ke uThixo umntu. Wamenza wangumfuziselo wakhe. Wadala umntu oyindoda kwakunye nomntu obhinqileyo.

EYEZIQALO 1:27 indalo uThixo ubuhle

2021 Agasti 28, Mgqibelo

Ngoko ke ndiya kulandelwa kokulungileyo nabububele,
umzi wakho ube likhaya lam yonke imihla yobomi bam.

INdumiso 23:6 ubabalo ubomi ukusondela

2021 Agasti 27, Lwesihlanu

Ze nikhumbule le ndawo ke, zihlobo zam: umhla omnye kuThixo uyafana newaka leminyaka, newaka leminyaka lifana nomhla omnye.

2 KAPETROS 3:8 uThixo ukuza kwesibini umonde

2021 Agasti 26, Lwesine

Ngoko ke ayisendim ophilayo, nguKrestu ophilayo kum. Ubomi ke endibudlayo ngoku ndimanywe noNyana kaThixo, ndibudla ngokholo kulowo wandithandayo, wabuncama obakhe ubomi ngenxa yam.

KUMAGALATI 2:20 ukholo UMsindisi ubomi

2021 Agasti 25, Lwesithathu

Ikratshi lomntu lilandelwa yintshabalalo;
ke lona udumo lukhokelwa yintobeko.

IZAFOBE 18:12 ukuthobeka ikratshi

2021 Agasti 24, Lwesibini

Inkolo enyanisekileyo nengenachaphaza kuThixo uBawo yile: kukubonelela iinkedama nabahlolokazi abahluphekileyo, nokuphepha ukudyojwa lihlabathi.

EKAYAKOBI 1:27 isono ngokungenatyala abahlolokazi

2021 Agasti 23, Mvulo

Yaza yathi kuso inkosi yaso: ‘Ngxatsho ke, sicaka sam esilungileyo, esithembekileyo! Ubuthembekile kwizinto ezimbalwa; ndiya kukuphathisa izinto ezininzi. Ngena uchwayite kunye nenkosi yakho.’

UMATEWU 25:21 ukuthembeka ibuyiselo intsikelelo

2021 Agasti 22, Cawe

Ngenene uThixo uyasithamsanqela;
ngamana lamthobela ihlabathi jikelele.

INdumiso 67:7 uThixo ukumoyika uthixo intsikelelo

2021 Agasti 21, Mgqibelo

Mawethu, ukuba kukho mntu nimbhaqe esona, nina balawulwa nguMoya mfakeni endleleni; kodwa loo nto niyenze ngobulali, nizilumkele nina ziqu, hleze nani nilingeke.

KUMAGALATI 6:1 isono isilingo iminqweno

2021 Agasti 20, Lwesihlanu

Ngoko ke ukholo luvuswa ngokuvakaliswa kodaba; ke lona udaba luvakalisa uKrestu.

KWABASEROMA 10:17 ukholo ukuvangela ukuphulaphula

2021 Agasti 19, Lwesine

Kaloku umgwebi wethu nguNdikhoyo;
ewe, uNdikhoyo yena uyasilawula.
Ikumkani yethu nguNdikhoyo;
nguye oya kusisindisa.

UISAYA 33:22 ubulungisa usindiso ubukumkani

2021 Agasti 18, Lwesithathu

Wathi kuye uYesu: “Uyakholwa ngoku, kuba undibonile? Hayi uyolo lwâbo bakholwa bengandibonanga!”

UYOHANE 20:29 ukholo UYesu intsikelelo

2021 Agasti 17, Lwesibini

Ke kaloku nakhululwa ngesisa sikaThixo ngokholo; anikhululwanga ngemizamo yenu. Ewe, kungenxa yesisa sikaThixo. Ngoko ke akukho nto ubani angaziqhayisa ngayo, kungekho migudu yakhe nje.

KWABASE-EFESE 2:8-9 ubabalo ukholo usindiso

2021 Agasti 16, Mvulo

Hayi ukuvuya komntu oyaziyo impendulo echanekileyo!
Ewe, ilizwi elithethwe ngexesha elililo lihle kunene.

IZAFOBE 15:23 ukuthetha uvuyo

2021 Agasti 15, Cawe

UYesu wasibizela kuye isihlwele kwanabafundi bakhe, wathi kubo: “Othanda ukundilandela makazincame, awuthwale umnqamlezo wakhe, andilandele.”

UMARKO 8:34 usindiso UYesu ukulandela

Kaloku imo engabonwayo kaThixo – ndithetha amandla akhe angapheliyo kwanobuThixo bakhe – ibonakala kakuhle kwasekudalweni kwehlabathi. Kaloku iqondakala ngezinto azenzileyo uThixo. Ngenxa yoko abantu abanasiphephelo mpela.

KWABASEROMA 1:20 indalo amandla ingqondo

2021 Agasti 13, Lwesihlanu

Makahlukane nobubi, enze okulungileyo;
makaphuthume uxolo, ahlale kulo.

INdumiso 34:14 ububi ukulunga uxolo

2021 Agasti 12, Lwesine

Ndim umdiliya; nina ningamasebe. Ohlala emanyene nam, ndibe mna ndihleli ndimanyene naye, uya kuvelisa iziqhamo ezininzi. Kaloku aninakwenza nento le nahlukene nam.

UYOHANE 15:5 ibuyiselo UYesu ukuxhomekeka

2021 Agasti 11, Lwesithathu

Hlalani nithandana okwabantu abazalanayo. Zenzeleni ububele emakhaya iindwendwe. Ngokwenjenjalo abanye abantu kwathi kanti babuka izithunywa zezulu bengaqondi.

KUMAHEBHERE 13:1-2 uthando ubulali ummelwane