Gcina (Julayi 2022)

XHO96

2022 Julayi 31, Cawe

Baninzi phofu abaya kuthi bengabokuqala babe ngabokugqibela, nabokugqibela abaya kuba ngabokuqala.

UMATEWU 19:30 ibuyiselo

2022 Julayi 30, Mgqibelo

Ubutyebi obufunyenwe ngobuqhophololo abuphumelelisi,
kodwa ke kona ukuziphatha kakuhle kuhlangula ekufeni.

IZAFOBE 10:2 ukunyaniseka imali ubulungisa

2022 Julayi 29, Lwesihlanu

Nina nilukhanyiso lwehlabathi. Umzi omi phezu kwentaba awunakufihlakala.

UMATEWU 5:14 ubulungisa ukuvangela ubomi

2022 Julayi 28, Lwesine

Nina, mawethu, nibizelwe enkululekweni. Kodwa ke inkululeko yenu mayingabi lokroba lokuba nilawulwe sisimo esidala. Ndaweni yaloo nto khonzanani niqhutywa luthando.

KUMAGALATI 5:13 inkululeko ukuthobeka iminqweno

Khumbula, Ndikhoyo, inceba yakho,
nothando lwakho obukade unalo kwakudala.
Ungazikhumbuli izono zobutsha bam,
nokungathobeli kwam umthetho wakho;
kanye ndazelelele ngothando olungagungqiyo,
ngenxa yobubele bakho, Ndikhoyo.

INdumiso 25:6-7 isono inceba ukulunga

2022 Julayi 26, Lwesibini

Uze uyithande ke iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela, nangamandla akho ephela.

UMARKO 12:30 uthando uThixo amandla

2022 Julayi 25, Mvulo

Ke kaloku thina sonke, sinobuso obutyhiliweyo, ubuqaqawuli beNkosi sibubona ngokungathi kusesibukweni. Ngoko ke siyaguqulwa sifane nayo ncam, sinesidima esiya sikhula. Yonke ke le nto ivela eNkosini ekwanguMoya.

2 KWABASEKORINTE 3:18 Umoya inguqu

2022 Julayi 24, Cawe

Umntu uyalucwangcwisa uhambo lwakhe,
kodwa nguNdikhoyo olawula ukunyathela kwakhe.

IZAFOBE 16:9 ukucwangcisa umtshato ukuxhomekeka

2022 Julayi 23, Mgqibelo

Ngoko ke yithobeleni imiyalelo kaNdikhoyo uThixo wenu, nihambe ngeendlela zakhe, nimhlonele.

UHLAZIYO-MNQOPHISO 8:6 ukuthobela umthetho ukumoyika uthixo

2022 Julayi 22, Lwesihlanu

Ukuba uwenu uthe wona, yiya uthethe naye ninodwa. Ukuba úthe wakuva, woba umzuzile uwenu.

UMATEWU 18:15 isono ukuthetha ukuphulaphula

2022 Julayi 21, Lwesine

Ngubani yena umntu, le nto umkhumbulelayo,
engubani yena unyana womntu, le nto umkhathalelayo?

INdumiso 8:4 intsikelelo ukuthobeka ubabalo

2022 Julayi 20, Lwesithathu

Aa, Mhlekazi Ndikhoyo, wena wasolula isandla sakho, wawenza umhlaba nesibhakabhaka ngamandla akho amakhulu! Akukho nanye into ekunqabelayo wena!

UJEREMIYA 32:17 indalo amandla izulu

2022 Julayi 19, Lwesibini

Kaloku uThixo ihlabathi ulithande kangangokuba ude wancama uNyana okuphela kwakhe, ukuze wonke umntu ozinikele kuye ngokupheleleyo angatshabalali, koko abe nobona bomi bungenasiphelo.

UYOHANE 3:16 ubabalo ubomi obungunaphakade ukholo

2022 Julayi 18, Mvulo

UNdikhoyo ngumqolomba:
bazimela kuye abalungisayo, basinde.

IZAFOBE 18:10 uThixo ukhuseleko ukukhuselwa

2022 Julayi 17, Cawe

Kuzo zonke izinto isiphelo sisemnyango. Ngoko ke hlalani nisezingqondweni, nikuqulele ukuthandaza.

1 KAPETROS 4:7 ukuza kwesibini ukuphela kwexesha phumla

2022 Julayi 16, Mgqibelo

Hlalani ngoxolo nabo bonke abantu. Yibani nyulu, kuba ngaphandle kobunyulu akukho mntu uya kuyibona iNkosi.

KUMAHEBHERE 12:14 ubungcwele uxolo ubomi

2022 Julayi 15, Lwesihlanu

Kaloku ilizwi likaNdikhoyo linyanisekile,
nemisebenzi yakhe yonke inyanisekile.

INdumiso 33:4 ukuthembeka ILizwi likaThixo inyaniso

2022 Julayi 14, Lwesine

Uthembekile uThixo, yena wanibizayo ukuba nibe nobudlelane noNyana wakhe uYesu Krestu iNkosi yethu.

1 KWABASEKORINTE 1:9 UYesu ubizo ukuthembeka

2022 Julayi 13, Lwesithathu

Qinani nikhaliphe, ningaxhali, ningabi nayo nedyudyu. Kaloku uNdikhoyo uThixo wenu ungakuni; soze arhoxe okanye anilahle.

UHLAZIYO-MNQOPHISO 31:6 ukuthembeka uloyiko ukukhuselwa

2022 Julayi 12, Lwesibini

Akunani kwaintwana engephi oyizuze ngendlela elungileyo
kunentabalala yengeniso oyifumene ngondlela-mnyama.

IZAFOBE 16:8 ubulungisa imali ukwaneliseka

2022 Julayi 11, Mvulo

Inene, lingaphela izulu nehlabathi, kodwa akuyi kupheliswa nalinye iganyana nokuba lisuntswana emthethweni, kungathanga kwenzeka konke.

UMATEWU 5:18 ukuthembeka ILizwi likaThixo umthetho

2022 Julayi 10, Cawe

Lunje ke olu thando: Ayisithi esamthandayo uThixo, koko nguye owasithandayo, wasinika uNyana wakhe, ukuze acamagushele izono zethu.

1 KAYOHANE 4:10 isono uthando UMsindisi

2022 Julayi 9, Mgqibelo

Akwambathise ngamaphiko akhe, akufihle ekhusini lakhe,
kube likhaka nekhuselo lakho ukuthembeka kwakhe.

INdumiso 91:4 ukukhuselwa ukuthembeka ukhuseleko

2022 Julayi 8, Lwesihlanu

Khangela, mna ndinguNdikhoyo, uThixo woluntu luphela. Akukho nanye into enokundinqabela.

UJEREMIYA 32:27 uThixo imimangaliso usomandla

2022 Julayi 7, Lwesine

Ewe, umthàmbo owenzelwa ukolula amalungu omzimba unendawo yawo. Kodwa ke uphelele apho. Kanti kona ukukhonza uThixo kunenzuzo egqithileyo, kuba akuthembisi bomi balapha kuphela, kuthembisa nobelizayo.

1 KUTIMOTI 4:8 impilo ukuthobela ubomi