Gcina (Juni 2022)

2022 Juni 30, Lwesine

Ubulumko ngoyena ndoqo, bufunisise!
Fumana ingqiqo, nokuba kudle konke onako.

2022 Juni 29, Lwesithathu

Ngaba ùba andinako ukumcela uBawo, aze kwangoku andikhuphele amawaka-waka ezithunywa zezulu eziyimikhosi engaphezu kweshumi elinambini?

UMATEWU 26:53 ukukhuselwa UYesu iingelosi

2022 Juni 28, Lwesibini

Ke ukunyamekela izinto zesimo esonakeleyo kusa ekufeni, kanti ke ukunyamekela ezoMoya kusa ebomini naseluxolweni.

KWABASEROMA 8:6 Umoya uxolo ubomi

2022 Juni 27, Mvulo

Ndiya kuphumla ngenzolo, ndilale;
nguwe kuphela kaloku, Ndikhoyo, ondinqabisayo.

INdumiso 4:8 ukhuseleko phumla uxolo

2022 Juni 26, Cawe

Ziphoseni kuye zonke iingxaki zenu; kaloku nguye onalusayo.

1 KAPETROS 5:7 uloyiko ukukhathazeka ubuthathaka

2022 Juni 25, Mgqibelo

Ke ngoko velisani iziqhamo ezifanele inguquko.

UMATEWU 3:8 uguqulo inguquko ubomi

2022 Juni 24, Lwesihlanu

Umfanekiso womntu emanzini ubonakalisa inkangeleko yakhe;
ngokunjalo nentliziyo yomntu ibonakalisa into ayiyo.

IZAFOBE 27:19 ubomi intliziyo

2022 Juni 23, Lwesine

Ngoku ke usalindele ntoni? Vuka, ubhaptizwe, zixolelwe izono zakho ngokubiza igama lakhe.

UMSEBENZI WABATHUNYWA 22:16 ubhaptizo isono ukusulungekiswa

2022 Juni 22, Lwesithathu

Kaloku mnye uThixo, ukwamnye nalowo ungumxolelanisi kaThixo nomntu. NguKrestu Yesu ongumntu ncakasana.

1 KUTIMOTI 2:5 uThixo UYesu umlamli

2022 Juni 21, Lwesibini

Wena undazisa iindlela zobomi;
kaloku ndizala yimincili xa ndiphambi kwakho.
Ngasekunene kwakho yimihlali yodwa kude kube ngunaphakade.

INdumiso 16:11 uvuyo ubomi ukusondela

2022 Juni 20, Mvulo

Ndaweni yaloo nto inyaniso masiyithethe siqhutywa luthando, khon' ukuze siye simfuza uYesu ngokupheleleyo. Kaloku nguye intloko.

KWABASE-EFESE 4:15 uthando inyaniso UYesu

2022 Juni 19, Cawe

Udumo lukaBawo luyatshatshela xa nivelisa iziqhamo ezininzi, nisenjenjalo kuba ningabafundi bam.

UYOHANE 15:8 UTata ukulandela ukuvangela

2022 Juni 18, Mgqibelo

‘Guquka, mkreqikazindini Sirayeli!’
Lowo ngumlomo kaNdikhoyo.
‘Andizi kuba sakukhangela ngobuso obusangeneyo,
kuba ndinenceba.’
Lowo ngumlomo kaNdikhoyo.
Úthi: ‘Andiyi kuhlala ndiniqumbele.’

UJEREMIYA 3:12b inceba umsindo uxolelo

2022 Juni 17, Lwesihlanu

Ke ngoko nayiphi na into eniyicela kum ndiya kuyenza, ukuze uYise abonakalise amandla akhe ngoNyana.

UYOHANE 14:13 UYesu UTata umthandazo

2022 Juni 16, Lwesine

Zamelani ukuhlala ngoxolo niyilaa mbumba yamanyama wanenza nayiyo uMoya oyiNgcwele.

KWABASE-EFESE 4:3 Umoya uluntu uxolo

2022 Juni 15, Lwesithathu

Ndikhoyo, uyabathamsanqela abakuthobelayo,
ubafukamele ngobubele ngathi bagqunywe ngekhaka.

INdumiso 5:12 intsikelelo ukukhuselwa ubulungisa

2022 Juni 14, Lwesibini

Ngoku nisilahlileyo isimo esidala sanukuxokisana. Kaloku ngoku nambethe isimo esitsha, athe chu kuhle ukusihlaziya uThixo, ukuze sifuze yena mdali waso, nokuze nani nimazi ngokupheleleyo.

KWABASEKOLOSE 3:9-10 ukuxoka ubomi uguqulo

2022 Juni 13, Mvulo

Kodwa ke kunjengoko zitshoyo iziBhalo ukuthi:
“Izinto ezingabonwanga liso, nezingaviwanga ndlebe,
nezingathanga qatha ntliziyweni yamntu,
zezi kanye uThixo wazilungiselela abo bamthandayo.”

1 KWABASEKORINTE 2:9 uthando ibuyiselo

2022 Juni 12, Cawe

Hayi, akakh' onjengawe;
hayi bo, wahlukile wena, Ndikhoyo!
Akukh' ongxondorha injengoThixo wethu!

1 KASAMWELI 2:2 uThixo ubungcwele unqulo

2022 Juni 11, Mgqibelo

Ewe, kaloku nguye idini elicamagushela izono zethu. Phofu akacamagusheli ezethu kuphela, koko ucamagushela ezehlabathi liphela.

1 KAYOHANE 2:2 isono UMsindisi uxolelo

2022 Juni 10, Lwesihlanu

Wonke ke umntu owevayo la mazwi am, aze awenze, unokufanekiswa nendoda eyingqondi, ethe yayakhela phezu kwesiseko samatye indlu yayo.

UMATEWU 7:24 ILizwi likaThixo ubulumko ukuphulaphula

2022 Juni 9, Lwesine

Wena unguThixo wam,
ngoko ke ndifundise ukuthanda kwakho.
UMoya wakho wobubele
makandikhokelele endleleni esisithabazi!

INdumiso 143:10 ukufunda Umoya ukuthobela

2022 Juni 8, Lwesithathu

Kaloku bonke bonile; bayalabalaba kubuqaqawuli ababulungiselelwe nguThixo. Kanti ke uThixo uyabababala abantu; ubenzela isisa: nangona bengafanelanga ubagwebela ngaye uYesu Krestu obakhululayo.

KWABASEROMA 3:23-24 isono ubabalo UMsindisi

2022 Juni 7, Lwesibini

Makungabikho bani ubuyekeza ububi ngobubi, kodwa maxa onke zamani kangangoko ninako ukulungiselelana, nibanceda bonke abantu.

1 KWABASETESALONIKA 5:15 ngokungenatyala ubulungisa ububi

2022 Juni 6, Mvulo

Nguye umtyhili weentsonkotha ezifihlakeleyo;
nezisemnyameni izinto yena uyazazi.
Ngenene yena ulikhaya lokukhanya.

UDANIYELI 2:22 usomandla isono ububi

2022 Juni 5, Cawe

Bakuba begqibile ukuthandaza, indawo ababehlangene kuyo yazanya-zanyiswa. Bonke bazaliswa nguMoya oyiNgcwele, baza baluthetha udaba lukaThixo benobuganga.

UMSEBENZI WABATHUNYWA 4:31 ipentekoste uMoya oyiNgcwele umthandazo

2022 Juni 4, Mgqibelo

Ke uMmeli uMoya oyiNgcwele, lowo uBawo aya kumthuma egameni lam, uya kunifundisa zonke izinto, anikhumbuze ngako konke endithe ndanixelela kona.

UYOHANE 14:26 umthuthuzeli uMoya oyiNgcwele UTata

2022 Juni 3, Lwesihlanu

Ewe, nguwe inqaba yam nekhusi lam;
ndikhokele, undithundeze, lidunyiswe igama lakho.

INdumiso 31:3 uThixo unqulo ubomi

2022 Juni 2, Lwesine

Wawubhengeza kuni umnqophiso wakhe emaniwuthobele, nditsho imithetho elishumi ayibhale kumacwecwe amabini amatye.

UHLAZIYO-MNQOPHISO 4:13 umnqophiso umthetho ukulandela

2022 Juni 1, Lwesithathu

Kodwa ke bona ubulumko obuvela phezulu bumsulwa; bunolungelelwano, nobubele, buyazelelela. Bona bunovelwano, yaye buvelisa imisebenzi emihle; abunamkhethe naluhanahaniso.

EKAYAKOBI 3:17 ukunyaniseka uxolo ubulumko