Septemba 2025

Kuba othe wafuna ukusindisa ubomi bakhe, wolahlekelwa bubo, kodwa othe wabuncama ubomi bakhe ngenxa yam, wobusindisa.

2025 Septemba 22, Mvulo

Umoya wam uthi: “Isabelo sam nguNdikhoyo;
ngako oko ndiya kukholosa ngaye.”

IZILILO 3:24 ithemba ukuthanda izinto eziphathekayo ukuvuma

2025 Septemba 21, Cawe

Ndiwuphatha gadalala umzimba wam, ndiwuqhelisa, ukuze uhlale ulawuleka; hleze ndithi ndakuba ndibashumayezile abanye, mna ngokwam ndingamkeleki.

1 KWABASEKORINTE 9:27 ukuzibamba umgwebo umzimba

2025 Septemba 20, Mgqibelo

Waza uYesu wathi: “Oko aba umntu akunakwenzeka, kunokwenziwa nguThixo.”

ULUKA 18:27 imimangaliso usindiso UYesu

2025 Septemba 19, Lwesihlanu

Ngubani yena umntu, le nto umkhumbulelayo,
engubani yena unyana womntu, le nto umkhathalelayo?

INdumiso 8:4 intsikelelo ukuthobeka ubabalo

2025 Septemba 18, Lwesine

Ndixhinele entanjeni, ukuze ndilizuze ibhaso laphezulu asifunza kulo uThixo ngoYesu Krestu.

KWABASEFILIPI 3:14 ibuyiselo UYesu ubizo

Ndithi sanukuzikrazula izinxibo,
koko zisoleni kukrazuk' iintliziyo.
Buyelani kuNdikhoyo uThixo wenu;
kaloku yena unesisa kwanemfobe,
uza kade umsindo,
yimvuze-mvuze ngobubele;
ewe, unebuyambo, akananqala.

UJOWELI 2:13 intliziyo ubabalo uthando

2025 Septemba 16, Lwesibini

Qiqa phambi kokuba ubeke unyawo lwakho endleleni,
ukuze ihambo yakho iqiniseke.

IZAFOBE 4:26 ubomi iingcamango

2025 Septemba 15, Mvulo

Ngokunjalo nathi sonke, nokuba singamaJuda okanye amaGrike, nokuba singamakhoboka okanye singabakhululekileyo, sabhaptizelwa mzimbeni mnye, nguMoya omnye; futhi sasezwa kwaloo Moya mnye.

1 KWABASEKORINTE 12:13 ubhaptizo Umoya uluntu

2025 Septemba 14, Cawe

Siyazi ukuba sihlala simanyene naye, naye uhlala emanyene nathi, kuba usinike isabelo soMoya wakhe.

1 KAYOHANE 4:13 uThixo Umoya ukusondela

2025 Septemba 13, Mgqibelo

Mbonge uNdikhoyo, moya wam!
Mandimbonge uNdikhoyo ngomxhelo wam wonke!

INdumiso 103:1 ubungcwele unqulo umphefumlo

2025 Septemba 12, Lwesihlanu

Bathi bebonke bavume bengafihlisi
ukuba uYesu Krestu yiNkosi,
bebonakalisa ubungangamsha bukaThixo onguBawo.

KWABASEFILIPI 2:11 uThixo ukuthobela ukuvuma

2025 Septemba 11, Lwesine

Ke ngoko nayiphi na into eniyicela kum ndiya kuyenza, ukuze uYise abonakalise amandla akhe ngoNyana.

UYOHANE 14:13 UYesu UTata umthandazo

2025 Septemba 10, Lwesithathu

Lowo uwubopha ngomkhala umlomo wakhe ukhusela ubomi bakhe;
kanti ke yena othetha gqitha uyazenzakalisa.

IZAFOBE 13:3 ukuthetha ubulumko ubomi

2025 Septemba 9, Lwesibini

Ngoko ke, xa nithandazayo, ze ningenzi milembelele ingento, njengabangakholwayo, bona baba boviwa ngenxa yamazwi abo amaninzi.

UMATEWU 6:7 ukuthetha umthandazo iingcamango

2025 Septemba 8, Mvulo

Intetho ekrwada mayingaphumi emilonyeni yenu. Ukuthetha kwenu makuthambe, kube kokwakhayo, ukuze kube luncedo nentsikelelo kwabaphulaphuleyo.

KWABASE-EFESE 4:29 ukuthetha ukuhleba ukulunga

2025 Septemba 7, Cawe

Ndomemelela ngemincili,
ndikuvumel' ingoma, ndibonge wena, Phezukonke.

INdumiso 9:2 unqulo uvuyo uThixo

2025 Septemba 6, Mgqibelo

Ewe, umthàmbo owenzelwa ukolula amalungu omzimba unendawo yawo. Kodwa ke uphelele apho. Kanti kona ukukhonza uThixo kunenzuzo egqithileyo, kuba akuthembisi bomi balapha kuphela, kuthembisa nobelizayo.

1 KUTIMOTI 4:8 impilo ukuthobela ubomi