2025 Meyi 21, Lwesithathu
Ke mna ndithi kuni, zithandeni iintshaba zenu, nibathandazele abo banitshutshisayo.2025 Meyi 20, Lwesibini
Nguwo lo umyalelo esiwunikwe nguKrestu ngenkqu: Ukuba umntu uyamthanda uThixo, makamthande nowabo.2025 Meyi 19, Mvulo
Yizani siqubude simnqule,siguqe phambi koNdikhoyo umdali wethu.
2025 Meyi 18, Cawe
Oyedwa uyagaganyelwa, kodwa ababini banako ukumelana nohlaselo. Intsontelo ephindwe kathathu iqhawuka nzima.2025 Meyi 17, Mgqibelo
Ndiphetha ngelithi: Velanani, nibe moya mnye. Thandanani, nenzelane ububele, nilulamelane.2025 Meyi 16, Lwesihlanu
Yintsikelelo kaNdikhoyo enika umntu ubutyebi;kambe ke yona ayihambi nazintsizi.
2025 Meyi 15, Lwesine
Musani ukukhathazeka; kholosani ngoThixo, nikholose nangam.2025 Meyi 14, Lwesithathu
Zolani nina; uNdikhoyo uza kunilwela!2025 Meyi 13, Lwesibini
Ewe, Thixo, intliziyo yam yidale ngokutsha, ibe nyulu;wuhlaziye umoya wam, ndikhaliphe.
2025 Meyi 12, Mvulo
Waphendula uYesu, wathi kubo: “Umsebenzi uThixo afuna niwenze ngulo wokuba nizinikele nikholwe kulowo uThixo amthumileyo.”2025 Meyi 11, Cawe
Mhlonele uyihlo ndawonye nonyoko, khon' ukuze ube nokuzinza kwelo lizwe ndikunika lona mna Ndikhoyo Thixo wakho.2025 Meyi 10, Mgqibelo
Mfo wam, yithobele imimiselo oyinikwa nguyihlo,ungazityesheli neziluleko zikanyoko.
2025 Meyi 9, Lwesihlanu
Ndiyamcela ukuba anikhanyisele nibe nokuqonda, khon' ukuze nilazi ithemba anibizele kulo, niziqonde iintsikelelo ezingaka ezililifa lemilowo yakhe.2025 Meyi 8, Lwesine
Into yonke uyimisele ixesha layo. Umntu yena umnike ulangazelelo lokuqonda nangamaxesha angamiselwanga. Kodwa ke umntu akafikeleli ekuyazini into eyenziwa nguThixo ukususela ekuqaleni kuye esiphelweni.2025 Meyi 7, Lwesithathu
Ndihlala ndimbeke phambi kwam uNdikhoyo;ungasekunene kwam, ngoko ke andiyi kushukunyiswa nto.
2025 Meyi 6, Lwesibini
UMoya enimamkeleyo akanenzi amakhoboka, wona aphakuzelayo. Kaloku namkele uMoya onenza oonyana abathi: “Tata!” kuThixo.2025 Meyi 5, Mvulo
Kaloku yena ubenze bahlala besulungekile ngomnikelo omnye qha abo banyuliweyo.2025 Meyi 4, Cawe
Kulungile ukuzuza ubulumko kunokufumana igolide;kungcono ukukhetha ulwazi kunokwamkela isiliva.
2025 Meyi 3, Mgqibelo
Phofu ke, nokuba ningatshutshiswa ngenxa yokwenza okulungileyo, ikwalithamsanqa naloo nto. Ze ningoyiki nina, ningaxhali nokuxhala oku.2025 Meyi 2, Lwesihlanu
Ngamana yanithundeza iNkosi, nimthande uThixo, nibe nenyameko efuze ekaKrestu.2025 Meyi 1, Lwesine
Ukuba uNdikhoyo akayakhi indlu,bafumana bebulaleka abayakhayo.
Ukuba asaluswa nguNdikhoyo isixeko,
ancam' ubuthongo ngelize amajoni alindayo.
Izihloko ezinxulumeneyo
Uthando
Uthando lunomonde, lunobubele. Uthando...
Ithemba
“Kaloku zisekuhleni kum izicwangciso...
Ukholo
Ngenxa yoko ndithi kuni...
Usapho
Le miyalelo ndikunika yona...
Unqulo
Ndikhoyo, wena unguThixo wam...
Umthandazo
Vuyani maxa onke, nithandaze...