Gcina (Okthoba 2017)

2017 Okthoba 31, Lwesibini

Hayi ke, yitya isonka sakho wonwabile, usele iwayini yakho uchwayitile entliziyweni, kuba ngoku lithuba elikholekileyo kuThixo lokuba wenze oko.

AMAVA ENGQONDI 9:7 uvuyo ukutya ubomi

Nanjengoko zitshoyo iziBhalo ukuthi:
“Lowo unga angabudla ubomi abe nenkqubela
makazilumle ekuthetheni kakubi,
ayeke ukuthetha ubuxoki.
Makahlukane nobubi, enze okulungileyo;
makaphuthume uxolo, ahlale kulo.”

1 KAPETROS 3:10-11 uthando uxolo ubomi

2017 Okthoba 29, Cawe

Ilizwi likaThixo liyaphila, liyasebenza. Libukhali ngaphezu kwekrele elibazwe macala. Lihlabanisela liye kuthi xhokro embindini, phakathi komzimba nomphefumlo, nasekudibaneni kwamathambo nomongo. Liyazihluza lizicalu-calula iingcamango neminqweno yabantu.

KUMAHEBHERE 4:12 ILizwi likaThixo amandla iingcamango

2017 Okthoba 28, Mgqibelo

Mfo wam, ndingonwaba kakhulu
xa ingqondo yakho idlamkile.

IZAFOBE 23:15 ubulumko intliziyo uvuyo

2017 Okthoba 27, Lwesihlanu

Thina kaloku sanikwa lo myalelo yiNkosi:
“ ‘Ndikumisele ukuba ube sisibane sokukhanyisela iintlanga,
ube yindlela yokusindiswa kwalo lonke elimiweyo.’”

UMSEBENZI WABATHUNYWA 13:47 ukuvangela usindiso ukukhanya

2017 Okthoba 26, Lwesine

Ndibhala nje ndifuna niqonde, nina nikholwayo kwigama loNyana kaThixo, ukuba ninobomi obungenasiphelo.

1 KAYOHANE 5:13 ubomi obungunaphakade ukholo UYesu

2017 Okthoba 25, Lwesithathu

Umntu osisiyatha uzibonakalisa kwangoko xa ecaphukile;
kanti ke yena umntu oqiqayo akazidubi ngezithuko.

IZAFOBE 12:16 umsindo ukuzibamba ubulumko

2017 Okthoba 24, Lwesibini

Kaloku yena uNyana woLuntu wezela ukufuna kwanokusindisa abantu abalahlekileyo.

ULUKA 19:10 usindiso UYesu ukufuna

2017 Okthoba 23, Mvulo

Kaloku bonke bonile; bayalabalaba kubuqaqawuli ababulungiselelwe nguThixo. Kanti ke uThixo uyabababala abantu; ubenzela isisa: nangona bengafanelanga ubagwebela ngaye uYesu Krestu obakhululayo.

KWABASEROMA 3:23-24 isono ubabalo UMsindisi

2017 Okthoba 22, Cawe

Ozingela ubulumko uyazithanda ngokwakhe;
okuxabisileyo ukuqonda uzuza ukonwaba.

IZAFOBE 19:8 ubulumko ubomi ingqondo

2017 Okthoba 21, Mgqibelo

Ke ngoko nayiphi na into eniyicela kum ndiya kuyenza, ukuze uYise abonakalise amandla akhe ngoNyana.

UYOHANE 14:13 UYesu UTata umthandazo

2017 Okthoba 20, Lwesihlanu

Musani ukubuxhalela ubomi benu, nisithi notya ntoni na; ningawuxhaleli nomzimba wenu, nisithi nonxiba ntoni na. Ubomi bungaphezulu kunokutya, nomzimba ungaphezulu kunesinxibo.

ULUKA 12:22b-23 ukukhathazeka ukutya ubomi

2017 Okthoba 19, Lwesine

Ndadanduluka kuye ndizibika;
ndandipheth' iindumiso nemibongo.

INdumiso 66:17 unqulo umthandazo dumisani

2017 Okthoba 18, Lwesithathu

Ke ngoko kuqala zondelelani ukulawulwa nguThixo, nenze ubulungisa obufunwa nguye, waye ke yena eya kunongezelela zonke ezi zinto.

UMATEWU 6:33 ubulungisa ukutya ubukumkani

2017 Okthoba 17, Lwesibini

UThixo onika uxolo, owayivusa ekufeni iNkosi yethu uYesu Krestu, waba nguyena malusi womhlambi, ngokuphalala kwegazi lomnqophiso ongasoze utshitshe, wanga anganomeleza ekwenzeni okulungileyo, khon' ukuze niyifeze intando yakhe. Wanga angasenza loo nto athanda ukuba sibe yiyo ngoYesu Krestu. Makadunyiswe uYesu Krestu ngonaphakade kanaphakade! Amen.

KUMAHEBHERE 13:20-21 uxolo umnqophiso uvuko

2017 Okthoba 16, Mvulo

Zilahlele kuNdikhoyo, ukholose ngaye;
yena ke wokwenzelelela.
Wobutyhila bukhanye njengelanga ubulungisa bakho,
kucace mhlophe ukulunga kwakho.

INdumiso 37:5-6 thembela ubulungisa ubomi

2017 Okthoba 15, Cawe

IziBhalo zithi kuya kugqabhuka imisinga yamanzi aphilisayo embilinini walowo ukholwayo kum.

UYOHANE 7:38 ukholo ILizwi likaThixo ubomi

2017 Okthoba 14, Mgqibelo

Akuba ke uYobi ebathandazele abahlobo bakhe kuNdikhoyo, uNdikhoyo waphinda wambuyisela uYobi kundalashe. Ewe, ubutyebi bakhe wada wabuphinda-phinda.

UYOBI 42:10 umthandazo intsikelelo imali

2017 Okthoba 13, Lwesihlanu

Zonwabise ngokululamela uNdikhoyo;
wokunika umnqweno wentliziyo yakho.

INdumiso 37:4 ukupha ukufuna intliziyo

2017 Okthoba 12, Lwesine

Hlonelani iNkosi uKrestu ehleli kuni ngaphakathi, nihlale nilungele ukuphendula nabani na onibuza ngethemba eniqamele ngalo.

1 KAPETROS 3:15 ukuvangela UYesu ithemba

2017 Okthoba 11, Lwesithathu

Ke uMmeli uMoya oyiNgcwele, lowo uBawo aya kumthuma egameni lam, uya kunifundisa zonke izinto, anikhumbuze ngako konke endithe ndanixelela kona.

UYOHANE 14:26 umthuthuzeli uMoya oyiNgcwele UTata

2017 Okthoba 10, Lwesibini

Ndifumanise ukuba akukho nto iyenye angayenzayo umntu ngaphandle kokuba ahlale onwabile, enze okulungileyo lo gama esaphila, kwanokuba wonke umntu atye asele aneliseke yimigudu yakhe. Kaloku sisipho esivela kuThixo eso.

AMAVA ENGQONDI 3:12-13 uvuyo ubomi ukutya

2017 Okthoba 9, Mvulo

Sondelani kuThixo naye azokusondela kuni. Hlambani izandla zenu, nina bonindini! Nizenze nyulu iintliziyo zenu, nina bahanahanisi!

EKAYAKOBI 4:8 isono ukusulungekiswa ubulungisa

2017 Okthoba 8, Cawe

Kodwa ke uThixo onceba inkulu, ngenxa yendlela asithanda ngayo, usidlise ubomi kunye noKrestu, naxa besinjengabafileyo nje ngenxa yezono zethu. Kambe ke nakhululwa ngenxa yesisa sikaThixo.

KWABASE-EFESE 2:4-5 inceba uthando UYesu

2017 Okthoba 7, Mgqibelo

Wena unguThixo wam,
ngoko ke ndifundise ukuthanda kwakho.
UMoya wakho wobubele
makandikhokelele endleleni esisithabazi!

INdumiso 143:10 ukufunda Umoya ukuthobela

2017 Okthoba 6, Lwesihlanu

Waphendula yena wathi: “IziBhalo zithi: ‘Umntu akaphili ngasonka sodwa; uphila ngamazwi onke athethwa nguThixo.’”

UMATEWU 4:4 ukutya ILizwi likaThixo ukuphulaphula

2017 Okthoba 5, Lwesine

Musani ke ukuthatha isimilo sabantu beli phakade, kodwa iingqondo zenu maziguquke zihlaziyeke, nize niyivume intando kaThixo, yona ilungileyo, ikholekileyo, igqibeleleyo.

KWABASEROMA 12:2 ngokungenatyala ukuthobela ubomi