Gcina (Septemba 2017)

2017 Septemba 30, Mgqibelo

Nohlala nanele ukuze nikwazi ukusoloko ninezinwe, khon' ukuze uThixo abulelwe ngabantu abaninzi ngenxa yezipho zenu abazifumana kuthi.

2 KWABASEKORINTE 9:11 isisa intsikelelo umbulelo

2017 Septemba 29, Lwesihlanu

Basikeleleni abanitshutshisayo; sikelelani, ningaqalekisi.

KWABASEROMA 12:14 intsikelelo intshutshiso

2017 Septemba 28, Lwesine

Abo bantliziyo zinenkohliso ngabo abacebi bobubi;
kambe ke abakhuthaza uxolo bazuza ulonwabo.

IZAFOBE 12:20 ububi uvuyo uxolo

2017 Septemba 27, Lwesithathu

Wathi kuye uYesu: “Oo, uthi: ‘Ukuba ndinako;’ – zonke izinto zinokwenzeka kokholwayo.”

UMARKO 9:23 ukholo imimangaliso ukuphilisa

Hayi ubukhulu bothando lukaThixo uYise kuthi! Uthando lwakhe lukhulu kangangokuba ude athi uThixo singabantwana bakhe. Kambe ke singabo ngenene. Yiyo loo nto lingasiqondi nje ihlabathi; noThixo kaloku alimazi.

1 KAYOHANE 3:1 uthando UTata abantwana

2017 Septemba 25, Mvulo

Wena undazisa iindlela zobomi;
kaloku ndizala yimincili xa ndiphambi kwakho.
Ngasekunene kwakho yimihlali yodwa kude kube ngunaphakade.

INdumiso 16:11 uvuyo ubomi ukusondela

2017 Septemba 24, Cawe

Kananjalo isibane asilunyekwa siqutyudelwe ngethunga; koko sixhonywa endaweni yaso, sikhanyisele bonke abasendlwini. Makukhanye ngokukwanjalo ukukhanya kwenu phambi kwabantu, ukuze bayibone imisebenzi yenu elungileyo, bamdumise uYihlo osezulwini.

UMATEWU 5:15-16 ukuvangela unqulo ukulunga

2017 Septemba 23, Mgqibelo

INkosi le ke nguMoya. Apho ke ukhona uMoya weNkosi kubakho inkululeko.

2 KWABASEKORINTE 3:17 inkululeko Umoya uMoya oyiNgcwele

2017 Septemba 22, Lwesihlanu

Hayi, akakh' onjengawe;
hayi bo, wahlukile wena, Ndikhoyo!
Akukh' ongxondorha injengoThixo wethu!

1 KASAMWELI 2:2 uThixo ubungcwele unqulo

2017 Septemba 21, Lwesine

Bahlonele abahlolokazi; ndithetha abahlolokazi ngenene.

1 KUTIMOTI 5:3 ummelwane uluntu abahlolokazi

2017 Septemba 20, Lwesithathu

Hlalani nithandana kanye ngale ndlela wanithanda ngayo uKrestu. Yena wazincama ngenxa yenu, wazenza umnikelo nedini elivumba limnandi kuThixo.

KWABASE-EFESE 5:2 uthando umbingelelo UYesu

2017 Septemba 19, Lwesibini

Abazukulwana libhongo lookhokho,
kanti ke igugu labantwana ngabazali.

IZAFOBE 17:6 abantwana usapho

2017 Septemba 18, Mvulo

Unoyolo lowo uzinyamezelayo izilingo, kuba kaloku, lakudlula uvavanyo, uya kuzuza umvuzo obubomi uThixo abuthembise abo bamthandayo.

EKAYAKOBI 1:12 ibuyiselo isilingo ubomi

2017 Septemba 17, Cawe

Kaloku uThixo ihlabathi ulithande kangangokuba ude wancama uNyana okuphela kwakhe, ukuze wonke umntu ozinikele kuye ngokupheleleyo angatshabalali, koko abe nobona bomi bungenasiphelo.

UYOHANE 3:16 ubabalo ubomi obungunaphakade ukholo

2017 Septemba 16, Mgqibelo

Umntu onentliziyo echwayitileyo uba nempilo;
kanti ke wona umoya odakumbileyo uyimpehla emathanjeni.

IZAFOBE 17:22 ukuphilisa intliziyo ukugula

2017 Septemba 15, Lwesihlanu

Wanga ke uThixo, osinika unyamezelo nenkuthazo, anganenza nibe moya mnye ngokwentando kaKrestu Yesu.

KWABASEROMA 15:5 uluntu ukhuthazo umonde

2017 Septemba 14, Lwesine

Ngosuku lokugqibela, olo ke lulolona lubalulekileyo lwetheko, wema uYesu, wathetha ngelivakalayo esithi: “Onxaniweyo makeze kum asele.”

UYOHANE 7:37 UYesu ukutya izixhobo

2017 Septemba 13, Lwesithathu

Ndikhoyo, undinike ikhaka lokuhlanganisa,
wandixhasa ngesandla sakho esinamandla;
undibonelele ndatsho ndazimaseka.
Undimise endaweni ephangaleleyo;
azinakutyibilika kuyo iinyawo zam.

INdumiso 18:35-36 usindiso ILizwi likaThixo ukukhuselwa

2017 Septemba 12, Lwesibini

Nasiphi na isilingo esikuhlelayo siyinto eqhelekileyo emntwini. Yena ke uThixo, ngokuba ethembekile, akayi kukuyekela ulingwe ngokungaphezu kwamandla akho. Hayi, wosuka akuvulele ikroba lokuphuncula, ukuze ube nako ukunyamezela.

1 KWABASEKORINTE 10:13 ukuthembeka isilingo ukuba likhoboka

2017 Septemba 11, Mvulo

Umntu ongazikhathaleleyo izizalwane zakhe, ingakumbi ezihlala naye, selelulahlile ukholo, ungcole ngaphezu kwabangakholwayo.

1 KUTIMOTI 5:8 usapho ubudlelwane abantwana

2017 Septemba 10, Cawe

Thabatha, nabu ubulumko, nantsi ingqiqo!
Ungaze wahlukane okanye ushenxe kumazwi omlomo wam!

IZAFOBE 4:5 ubulumko ukuqonda ILizwi likaThixo

2017 Septemba 9, Mgqibelo

Ingca iyatshaza, yona ke intyatyambo ibune,
ke lona ilizwi loThixo wethu lohlala lihleli.

UISAYA 40:8 ukuthembeka uThixo ILizwi likaThixo

2017 Septemba 8, Lwesihlanu

Kuba kaloku komnceda ntoni umntu, ukuba uthe walizuza ihlabathi liphela, kodwa walahlekelwa bubomi bakhe?

UMARKO 8:36 ukubawa ukuthanda izinto eziphathekayo ubomi

2017 Septemba 7, Lwesine

Andinadyudyu, kuba uNdikhoyo ungakum;
okokwakhe yena umntu akanakundenza nto konke.

INdumiso 118:6 uloyiko ukukhuselwa

2017 Septemba 6, Lwesithathu

Ndanelisekile ke ngoko nokuba ndibuthathaka, nokuba ndiyagxekwa, nokuba nditsala nzima, nditshutshiswa, ndithwala iimbandezelo ngenxa kaKrestu. Kuba xa ndibuthathaka, kuxa kanye ndinamandla.

2 KWABASEKORINTE 12:10 uvuyo amandla intshutshiso

2017 Septemba 5, Lwesibini

Umntu okhohlakeleyo makahlukane nobubi,
netshijolo maliyeke ukuyila ubutshijolo.
Maliguquke, lize kuNdikhoyo;
yena wosuka abe novelwano lilo.
Malize kuThixo wethu,
kuba yena uxolela kangangoko.

UISAYA 55:7 ubulungisa uguqulo uxolelo

2017 Septemba 4, Mvulo

Ikratshi liyamwisa umntu;
kambe ke othobekileyo uba nesidima.

IZAFOBE 29:23 ukuthobeka ikratshi

2017 Septemba 3, Cawe

Ukuba ngoko nina, nikhohlakele nje, niyakwazi ukubapha abantwana benu izipho ezilungileyo, wobeka phi yena uYihlo osezulwini ukugqithisela ukubapha uMoya oyiNgcwele abo bamcelayo?

ULUKA 11:13 Umoya umthandazo usapho