Gcina (Matshi 2021)

2021 Matshi 31, Lwesithathu

Kaloku komnceda ntoni na umntu, ukuba uthe walizuza ihlabathi liphela, kodwa walahlekelwa bubomi bakhe? Okanye umntu angakhupha ntoni na exabisekileyo ukuze angàlahlekelwa bubomi bakhe?

UMATEWU 16:26 ukuthanda izinto eziphathekayo ubomi umphefumlo

2021 Matshi 30, Lwesibini

Ukuba niyazithoba kuye uThixo, uya kuniphakamisa.

EKAYAKOBI 4:10 uThixo ukuthobeka ibuyiselo

2021 Matshi 29, Mvulo

Rhuma ngobuncwane bengeniso yakho, uzimase uNdikhoyo;
ewe, menzele umnikelo ngolibo lwemveliso yakho.

IZAFOBE 3:9 imali umbingelelo ukupha

2021 Matshi 28, Cawe

Inene, lowo umamkelayo endimthumileyo, wamkela mna; ke owamkela mna, wamkela lowo undithumileyo.

UYOHANE 13:20 ubulali UYesu uluntu

Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.

KWABASEFILIPI 4:6-7 umbulelo umthandazo ukukhathazeka

2021 Matshi 26, Lwesihlanu

Ndikhoyo, ndiyazibika kuwe;
ndikhala kuwe ndibindekile.
Awu, Nkosi, ndive ndiyakuthandaza,
usiphulaphule isikhungo sam.

INdumiso 130:1-2 ukuphulaphula ukuxhomekeka inceba

2021 Matshi 25, Lwesine

Hayi ke bethu ubukhulu bobuhandiba bukaThixo, nobunzulu bobulumko nokwazi kwakhe! Asikuko nokuba aziphengululeki izigqibo zakhe, azilandeki iindlela zakhe!

KWABASEROMA 11:33 uThixo ubulumko ukuqonda

2021 Matshi 24, Lwesithathu

Imibulelo neziqalekiso zimpompoza mlonyeni mnye. Mawethu, mayingenzeki le nto!

EKAYAKOBI 3:10 isono ukuthetha unqulo

2021 Matshi 23, Lwesibini

Ukuthetha komntu kulawula ukuphila nokufa;
ke othetha kakhulu uvuna iziqhamo zaloo nto.

IZAFOBE 18:21 ukuthetha intsikelelo ukuzibamba

2021 Matshi 22, Mvulo

Ngenani ngesango elimxinwa, kungabi ngelibanzi, kuba abangena ngesango elibanzi, bahambe ngendlela ephangaleleyo, basinga entshabalalweni; yaye baninzi abenjenjalo. Ke abangena ngesango elimxinwa, bahambe ngendlela ecutheneyo, basinga ebomini; yaye bambalwa abenjenjalo.

UMATEWU 7:13-14 ubomi obungunaphakade usindiso

2021 Matshi 21, Cawe

Bantundini abangathembekanga, anazi kakade ukuba ngokuhlobana neli hlabathi nizenza iintshaba zikaThixo? Ewe, nabani na okhetha ukuvana neli hlabathi ulutshaba lukaThixo.

EKAYAKOBI 4:4 isono uThixo ubuhlobo

2021 Matshi 20, Mgqibelo

Isiseko sobulumko kukuthobela uNdikhoyo.
Abayenzayo ke le nto baba nengqiqo eyiyo.
Ewe, makadunyiswe nanini-nanini!

INdumiso 111:10 ukumoyika uthixo ubulumko unqulo

2021 Matshi 19, Lwesihlanu

Ukuba uhlwayela imbewu yesimo esidala, uya kuvuna ilahleko esa ekufeni; ukuba uhlwayela imbewu yesimo esitsha phantsi koMoya kaThixo, uya kuvuna indyebo esa kobona bomi bungenasiphelo.

KUMAGALATI 6:8 isono ubomi obungunaphakade Umoya

2021 Matshi 18, Lwesine

“Ikhona na indawo efihlakeleyo apho umntu angazimela khona ukuze ndingamboni?”
Lowo ngumlomo kaNdikhoyo.
“Asindim na lowo ukho ngokupheleleyo ezulwini nasemhlabeni?”
Lowo ngumlomo kaNdikhoyo.

UJEREMIYA 23:24 uThixo izulu

2021 Matshi 17, Lwesithathu

Lamla, Ndikhoyo; caca ukuba unguThixo!
Sukubalibal' abantw' abahlelelekileyo!

INdumiso 10:12 umthandazo ummelwane ubuhlwempu

2021 Matshi 16, Lwesibini

Kodwa ke, wena mntu uzinikele ngokupheleleyo kuThixo, zicezele zonke ezi zinto. Phuthuma ukulungisa, unqulo, ukuthemba, uthando, ukunyamezela, nobulali.

1 KUTIMOTI 6:11 ukholo uthando ubulungisa

2021 Matshi 15, Mvulo

Ngoko ke yigqaleni indlela eniziphatha ngayo. Yibani ngabantu abanengqondo; musani ukuba ziziyatha. Eli thuba ninalo lisebenziseni kakuhle, kuba akho amaxesha amabi.

KWABASE-EFESE 5:15-16 ubulumko ubomi ingqondo

2021 Matshi 14, Cawe

Imimiselo kaNdikhoyo ilungile: ivuyis' intliziyo.
Imithetho kaNdikhoyo inyulu: ikhanyisel' amehl' indlela.

INdumiso 19:8 umthetho uvuyo intliziyo

2021 Matshi 13, Mgqibelo

Andinazintloni ngazo iindaba ezimnandi zikaKrestu. Zingamandla kaThixo okusindisa bonke abakholwayo, umJuda kuqala, kwanowolunye uhlanga ngokunjalo.

KWABASEROMA 1:16 ukholo ukuvangela usindiso

2021 Matshi 12, Lwesihlanu

Ngoko ke zinikeleni ngokupheleleyo kuThixo. Mchaseni uSathana azokunibaleka.

EKAYAKOBI 4:7 ukuthobela ukhuseleko ukuba likhoboka

2021 Matshi 11, Lwesine

Wena, Ndikhoyo, uhleli ngonaphakade;
ulawulo lwakho luhlala luhleli izizukulwana ngezizukulwana.

IZILILO 5:19 ukuthembeka uThixo ubukumkani

2021 Matshi 10, Lwesithathu

Kanene, ngaba uThixo waninika uMoya waza wenza nemiqondiso phakathi kwenu, ngenxa yokuba nina nanithobela umthetho? Okanye ezo zinto wazenza ngenxa yokuba nina nazivayo nazamkela iindaba ezimnandi?

KUMAGALATI 3:5 umthetho Umoya ukuphulaphula