Tahirin-kevitra (Jolay 2018)

Talata 31 Jolay 2018

Mifohaza tsara, ary aza manota; fa ny sasany tsy manana ny fahalalana an'Andriamanitra; ny hampahamenatra anareo no ilazako izany.

1 Korintiana 15:34 rariny fahotana fiovam-po

Alatsinainy 30 Jolay 2018

Ny fahatezeran'ny adala dia avoakany avokoa;
Fa ny hendry kosa manindry fo.

Ohabolana 29:11 hatezerana fahendresena fifehezan-tena

Alahady 29 Jolay 2018

Mazotoa manolotra ny tenanao amin'Andriamanitra ho olona voazaha toetra, dia mpiasa tsy mahazo henatra, mizara tsara ny teny fahamarinana.

2 Timoty 2:15 fanaovana ny marina fahamarinana asa

Asabotsy 28 Jolay 2018

Ary na Saraha aza, dia finoana koa no nandraisany hery hanan'anaka, rehefa nitsaha-jaza izy, satria nataony fa mahatoky Ilay efa nanome ny teny fikasana.

Hebreo 11:11 fahatokisana finoana valisoa

Zoma 27 Jolay 2018

Fony azom-pahoriana aho, dia niantso an'i Jehovah,
eny, Andriamanitro no nitarainako;
nihaino ny feoko tao an-tempoliny Izy,
ary ny fitarainako teo anatrehany dia efa tonga teo an-tsofiny.

Salamo 18:6 lahateny fivavahana mihaino

Alakamisy 26 Jolay 2018

Nefa tsy ataoko ho zavatra akory ny aiko, mba hahavita ny alehako, dia ny fanompoana izay noraisiko tamin'i Jesosy Tompo hanambara ny filazantsaran'ny fahasoavan'Andriamanitra.

Asan'ny Apostoly 20:24 fahasoavana fitoriana ny filazantsara fiainana

Alarobia 25 Jolay 2018

Ataovy izay efa nianaranareo sy efa noraisinareo ary efa renareo sy efa hitanareo tamiko; ary ho aminareo ny Andriamanitry ny fiadanana.

Filipiana 4:9 fiadanana mihaino mianatra

Talata 24 Jolay 2018

Fifaliana amin'ny olona ny manisy soa;
Ary aleo ho malahelo toy izay ho mpandainga.

Ohabolana 19:22 fitokisana vola hatsaram-panàhy

Alatsinainy 23 Jolay 2018

Ary ilay nafafy teny amin'ny tsilo dia izay mandre ny teny ary ny fiahiahiana izao fiainana izao sy ny fitaky ny harena mangeja ny teny, ka dia tsy mamoa izy.

Matio 13:22 Tenin'Andriamanitra ahiahy vola

Alahady 22 Jolay 2018

Iza no Andriamanitra tahaka Anao,
Izay mamela heloka
Sady mandalo ny fahadisoan'ny sisa amin'ny lovany?
Tsy mitana ny fahatezerany ho mandrakizay Izy,
Fa tia famindram-po.

Mika 7:18 fahotana famindram-po famelàn-keloka

Asabotsy 21 Jolay 2018

Ny fanomezan'ny olona dia mahalalaka ny alehany,
Hahatonga azy eo anatrehan'ny lehibe.

Ohabolana 18:16 valisoa manomeza

Zoma 20 Jolay 2018

Aza mety hofitahina ianareo; ny fikambanana amin'ny ratsy manimba ny fitondran-tena tsara.

1 Korintiana 15:33 faharatsiana hatsaram-panàhy namana

Alakamisy 19 Jolay 2018

Ry malala, aza mino ny fanahy rehetra, fa izahao toetra ny fanahy, na avy amin'Andriamanitra ireny, na tsia, satria maro ny mpaminany sandoka efa lasa any amin'izao tontolo izao.

1 Jaona 4:1 fahatokisana Fanahy faminaniana

Alarobia 18 Jolay 2018

Inona no hiarovan'ny zatovo ny lalan-kalehany tsy ho voaloto?
Ny fitandremana araka ny teninao.

Salamo 119:9 fahamasinana Tenin'Andriamanitra fitaovana

Talata 17 Jolay 2018

Miambena ianareo, tomoera tsara amin'ny finoana, aoka hitombandahy, mahereza.

1 Korintiana 16:13 finoana tanjaka herim-po

Mainka fa ny ran i Kristy, Izay nanatitra ny tenany tsy manan-tsiny ho an'Andriamanitra, tamin'ny alalan'ny Fanahy mandrakizay, no hahadio ny fieritreretanareo ho afaka amin'ny asa maty mba hanompoanareo an'Andriamanitra velona.

Hebreo 9:14 Jesosy Fanahy fanadiovana

Alahady 15 Jolay 2018

Tsara ny mahatsindry fo noho ny mahery,
Ary izay mahazaka ny fanahiny noho izay mahafa-bohitra.

Ohabolana 16:32 fiadanana faharetana fifehezan-tena

Asabotsy 14 Jolay 2018

Tsy manan-tahotra ny fitiavana; fa ny fitiavana tanteraka mandroaka ny tahotra; fa mampahory ny tahotra. Fa izay matahotra dia tsy mbola tanteraka amin'ny fitiavana.

1 Jaona 4:18 fitiavana tahotra sazy

Zoma 13 Jolay 2018

Tsy fantatrareo va fa tempolin'Andriamanitra ianareo, ary ny Fanahin'Andriamanitra mitoetra no anatinareo?

1 Korintiana 3:16 fahamasinana Fanahy Masina Fanahy

Alakamisy 12 Jolay 2018

Fa, indro, tsy misy teny tsy fantatrao
eo amin'ny lelako, Jehovah ô.

Salamo 139:4 lahateny andriamanitra lehibe mahatakatra

Alarobia 11 Jolay 2018

Fa hoy Jesosy: Izay zavatra tsy hain'ny olona dia hain'Andriamanitra.

Lioka 18:27 fahagagana famonjena Jesosy

Talata 10 Jolay 2018

Raha mihaino tsara ny feon'i Jehovah Andriamanitrao ianao ka mitandrina hanaraka ny didiny rehetra, izay andidiako anao anio, dia hasandratr'i Jehovah Andriamanitrao ho ambonin'ny firenena rehetra amin'ny tany ianao.

Deotoronomia 28:1 lalàna fankatoavana fitahiana

Alatsinainy 9 Jolay 2018

Jehovah ô, aoka ny famindram-ponao hitoetra aminay
araka ny anantenanay Anao.

Salamo 33:22 fahatokisana fitokisana fanantenana

Alahady 8 Jolay 2018

Sambatra ny noana sy mangetaheta ny fahamarinana;
fa izy no hovokisana.

Matio 5:6 rariny fitahiana fahazoana

Asabotsy 7 Jolay 2018

Mba hampifalina ny fony amin'ny ampiraisana azy amin'ny fitiavana sy ho amin'ny haren'ny fahatokiana be avy amin'ny fahazavan-tsaina, ho amin'ny fahalalana tsara ny zava-miafina izay an'Andriamanitra, dia Kristy.

Kolosiana 2:2 Jesosy fankaherezana fitiavana

Zoma 6 Jolay 2018

Indro, efa hitako izay soa sy izay tsara, dia ny mihinana sy misotro ary mifaly amin'ny fisasarana rehetra izay isasaran'ny olona atỳ ambanin'ny masoandro amin'izay andro vitsy iainany omen'Andriamanitra azy; fa izany no anjarany.

Mpitoriteny 5:17 hanina asa fiainana

Alakamisy 5 Jolay 2018

Izay, na dia tsy mbola hitanareo aza, dia tianareo, ary na dia tsy hitanareo ankehitriny aza, anefa, satria inoanareo, dia iravoravoanareo amin'ny fifaliana tsy azo tononina sady be voninahitra, mandray ny anton'ny finoanareo, dia ny famonjena ny fanahy.

1 Petera 1:8-9 finoana fifaliana famonjena