Gcina (Novemba 2015)

2015 Novemba 30, Mvulo

Nkosi yam, uyawazi umnqweno wam,
uyaziva zonke iincwina zam.

INdumiso 38:9 isilingo ukukhathazeka usizi

2015 Novemba 29, Cawe

Ke ukunyamekela izinto zesimo esonakeleyo kusa ekufeni, kanti ke ukunyamekela ezoMoya kusa ebomini naseluxolweni.

2015 Novemba 28, Mgqibelo

Qinani nikhaliphe, ningaxhali, ningabi nayo nedyudyu. Kaloku uNdikhoyo uThixo wenu ungakuni; soze arhoxe okanye anilahle.

UHLAZIYO-MNQOPHISO 31:6 ukuthembeka uloyiko ukukhuselwa

2015 Novemba 27, Lwesihlanu

Ndibonise indlela yakho, Ndikhoyo;
ndifundise iindlela zakho.

INdumiso 25:4 ubomi ukufunda

2015 Novemba 26, Lwesine

Siyazi ke ukuba kuyo yonke imeko uThixo ubenzela okulungileyo abo bamthandayo, ababizwe ngokwenjongo yakhe.

KWABASEROMA 8:28 uthando uThixo ubizo

2015 Novemba 25, Lwesithathu

Yamkelanani ke, njengokuba naye uKrestu wasamkelayo, ukuze adunyiswe uThixo.

KWABASEROMA 15:7 UYesu unqulo ummelwane

2015 Novemba 24, Lwesibini

Umntu owoyiswayo kukuzilawula usesichengeni
oku kwesixeko esindonga ziwileyo.

IZAFOBE 25:28 ukuzibamba iminqweno

2015 Novemba 23, Mvulo

Ukuba uthe wavuma ngomlomo ukuba uYesu yiNkosi, wakholwa nangentliziyo ukuba uThixo wamvusa kwabafileyo, wosindiswa.

KWABASEROMA 10:9 ukholo ukuthetha UYesu

2015 Novemba 22, Cawe

Kodwa yena ongenalo uthando akamazi uThixo, kuba uThixo uluthando.

1 KAYOHANE 4:8 uthando uThixo

2015 Novemba 21, Mgqibelo

Hayi bo! Mayingabi sithi, Ndikhoyo;
ewe, makudunyiswe igama lakho,
ngenxa yezibele nokunyaniseka kwakho!

INdumiso 115:1 uthando ukuthobeka unqulo

2015 Novemba 20, Lwesihlanu

Bathi bebonke bavume bengafihlisi
ukuba uYesu Krestu yiNkosi,
bebonakalisa ubungangamsha bukaThixo onguBawo.

KWABASEFILIPI 2:11 uThixo ukuthobela ukuvuma

2015 Novemba 19, Lwesine

Ziphoseni kuye zonke iingxaki zenu; kaloku nguye onalusayo.

1 KAPETROS 5:7 uloyiko ukukhathazeka ubuthathaka

2015 Novemba 18, Lwesithathu

Ekubulalekeni kukusebenza kukho umvuzo;
ke yena olibala kukuncokola wambathwa bubuhlwempu kuphela.

IZAFOBE 14:23 ukuthembeka ukuthetha ukhuthazo

2015 Novemba 17, Lwesibini

Ekuqaleni, kungekadalwa, wayeselekho uLizwi. ULizwi lo wayekunye noThixo, naye ngokwakhe enguThixo.

UYOHANE 1:1 uThixo ILizwi likaThixo

2015 Novemba 16, Mvulo

Lowo utya konke makangamdeli ozila ukutya okuthile, nalowo uzila ukutya okuthile makangamgwebi otya konke, kuba uThixo umamkele.

KWABASEROMA 14:3 umgwebo ukutya

2015 Novemba 15, Cawe

Hayi inyhweba yomntu ongahambiyo ngecebo labantw' abagwenxa,
ongahambiyo ekhondweni lamatshijolo,
umnt' ongadlelaniyo nabaphoxisayo.

INdumiso 1:1 isono ubulungisa intsikelelo

2015 Novemba 14, Mgqibelo

Aa, Mhlekazi Ndikhoyo, wena wasolula isandla sakho, wawenza umhlaba nesibhakabhaka ngamandla akho amakhulu! Akukho nanye into ekunqabelayo wena!

UJEREMIYA 32:17 indalo amandla izulu

2015 Novemba 13, Lwesihlanu

UYesu wasibizela kuye isihlwele kwanabafundi bakhe, wathi kubo: “Othanda ukundilandela makazincame, awuthwale umnqamlezo wakhe, andilandele.”

UMARKO 8:34 usindiso UYesu ukulandela

2015 Novemba 12, Lwesine

Umfanekiso womntu emanzini ubonakalisa inkangeleko yakhe;
ngokunjalo nentliziyo yomntu ibonakalisa into ayiyo.

IZAFOBE 27:19 ubomi intliziyo

2015 Novemba 11, Lwesithathu

Uze uyithande ke iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela, nangamandla akho ephela.

UMARKO 12:30 uthando uThixo amandla

Wahambisa wathi: “Zizenzo eziphuma entliziyweni yomntu ezimngcolisayo. Kaloku zivela ngaphakathi entliziyweni yomntu iingcamango ezimbi. Kulapho kuvela khona ubuhenyu, ubusela, ukubulala, ukukrexeza, ukunyoluka, inkohlakalo, inkohliso, ukurheletya, umona, ukunyelisa uThixo, ikratshi, ububhanxa. Zonke ezi zinto zikhohlakeleyo ziphuma entliziyweni yomntu, zize zimngcolise.”

UMARKO 7:20-23 isono ukusulungekiswa isilingo

2015 Novemba 9, Mvulo

Lamla, Ndikhoyo; caca ukuba unguThixo!
Sukubalibal' abantw' abahlelelekileyo!

INdumiso 10:12 umthandazo ummelwane ubuhlwempu

2015 Novemba 8, Cawe

Nanjengoko nilusapho lukaThixo, makungakhankanywa phakathi kwenu ukurheletya nako konke ukungcola nokunyoluka.

KWABASE-EFESE 5:3 isono ukubawa ubungcwele

2015 Novemba 7, Mgqibelo

Zamelani ukuhlala ngoxolo niyilaa mbumba yamanyama wanenza nayiyo uMoya oyiNgcwele.

KWABASE-EFESE 4:3 Umoya uluntu uxolo

2015 Novemba 6, Lwesihlanu

Uyawuva umthandazo wam, Ndikhoyo, kwakusasa:
kwakusasa ndizibika kuwe, ndilinde impendulo.

INdumiso 5:3 umthandazo umonde ukuphulaphula

2015 Novemba 5, Lwesine

Ewe, zihlobo zam, xa singalahlwa sisazela asibi naxhala phambi koThixo. Zonke izinto esizicelayo kuye, siyazifumana; kuba kaloku siyayifezekisa imiyalelo yakhe, siyenze intando yakhe.

1 KAYOHANE 3:21-22 thembela umthetho ukuthobela

2015 Novemba 4, Lwesithathu

“Izishumi ziziseni ziphelele endlwini enguvimba wam ukuze kubekho ukutya endlwini yam. Khanindivavanye kulo mbandela,” utsho uNdikhoyo onamandla onke, “nibone ukuba andiyi kuwavula na amasango ezulu, ndinithululele iintsikelelo, nditsho nangaphezu kokufuna kwenu.”

UMALAKI 3:10 ukutya intsikelelo ukupha