Gcina (Juni 2020)

2020 Juni 30, Lwesibini

Ewe kambe, unqulo luyamtyebisa umntu ukuba uyaneliswa zezo zinto anazo.

1 KUTIMOTI 6:6 ukholo uvuyo ukuthanda izinto eziphathekayo

2020 Juni 29, Mvulo

Ndiyanixelela ukuba ngokukwanjalo kuya kubakho uvuyo ezulwini nangomoni omnye oguqukayo kunamashumi alithoba anethoba lamalungisa angaswelanga nguquko.

ULUKA 15:7 uguqulo inguquko uvuyo

2020 Juni 28, Cawe

Kum ziluyolo izithethe zakho;
zingaphezu kwabo bonke ubutyebi.

INdumiso 119:14 umthetho imali uvuyo

2020 Juni 27, Mgqibelo

UThixo wayewayeke ngabom loo maxesha apho abantu babengazi. Kungokunje uyalela abantu bonke, ezindaweni zonke, ukuba baguquke ezindleleni zabo ezimbi.

UMSEBENZI WABATHUNYWA 17:30 inguquko uguqulo uxolelo

2020 Juni 26, Lwesihlanu

Ngoko ke xhobani ngezikrweqe zikaThixo, ukuze nibe nako ukuxhathisa xa kunyembelekile, nize nifeze konke nimile ngxishi.

KWABASE-EFESE 6:13 ukukhuselwa ububi umtyholi

2020 Juni 25, Lwesine

Lufuneni kuNdikhoyo uncedo;
mfuneni aph' akhoyo ngawo onke amaxesha.

INdumiso 105:4 uThixo ukufuna ukusondela

2020 Juni 24, Lwesithathu

Nabu ke obo bungqina: bukukuba uThixo usinike ubomi obungenasiphelo, bomi obo sibuzuza ngokumanywa noNyana.

1 KAYOHANE 5:11 ubomi obungunaphakade UYesu

2020 Juni 23, Lwesibini

Isono sinomvuzo: samkelisa ukufa; ke sona isipho asibabala ngaso uThixo ngokumanywa kwethu noKrestu Yesu iNkosi yethu, bubomi obungonaphakade.

KWABASEROMA 6:23 isono ubomi obungunaphakade ibuyiselo

2020 Juni 22, Mvulo

Ngamathuba obumnandi yonwaba;
ngemihla yobubi qonda kakuhle ukuba kwale njengaleya yenziwe nguThixo.
Ngoko ke akukho mntu uyaziyo into eza kwenzeka kamva.

AMAVA ENGQONDI 7:14 uvuyo ubomi ukuxhomekeka

2020 Juni 21, Cawe

Makadunyiswe uThixo uBawo wethu ngonaphakade kanaphakade! Amen.

KWABASEFILIPI 4:20 ukuthobeka unqulo UTata

2020 Juni 20, Mgqibelo

Eli lilizwi likaNdikhoyo kuZerubhabheli: ‘Akungabukroti, kungengawo namandla, kodwa kungoMoya wam kuphela,’ utsho uNdikhoyo onamandla onke.

UZAKARIYA 4:6 uThixo Umoya amandla

2020 Juni 19, Lwesihlanu

Ithemba lelungisa liza novuyo;
ke lona ithemba lesikhohlakali liphelel' emoyeni.

IZAFOBE 10:28 ubulungisa ithemba umonde

Iintakana ezincinci azithengiswa zibe ntlanu na ngeesenti ezimbini? Kanti akukho nanye kuzo elityelweyo nguThixo. Kwaneenwele ezi zeentloko zenu zibaliwe zonke. Ke musani ukoyika: nixabisekile kuneentakana ezininzi nina.

ULUKA 12:6-7 ixabisekile uloyiko ukhuthazo

2020 Juni 17, Lwesithathu

Kuba othe wafuna ukusindisa ubomi bakhe, wolahlekelwa bubo, kodwa othe wabuncama ubomi bakhe ngenxa yam, wobusindisa.

UMATEWU 16:25 usindiso ukufa ubomi

2020 Juni 16, Lwesibini

Wathetha nje ngelizwi, akho amazulu,
wadala ilanga, inyanga, noozinkwenkwezi.

INdumiso 33:6 indalo ukuthetha izulu

2020 Juni 15, Mvulo

Musani ukuzilinganisa nizifanise nabantu abangakholwayo, kuba àyenziwa loo nto. Ingádibana njani into elungileyo nengalunganga? Kungahlala njani ukukhanya ndawonye nobumnyama?

2 KWABASEKORINTE 6:14 umthetho ubulungisa ubudlelwane

2020 Juni 14, Cawe

Ikho indawo kowethu. Ukuba bekungenjalo ngendingàtsho ukuthi ndiya kunilungiselela indawo.

UYOHANE 14:2 UYesu UTata izulu

2020 Juni 13, Mgqibelo

Musa ukujika-jika uye ngasekunene nangasekhohlo;
unyawo lwakho malubucezele ububi.

IZAFOBE 4:27 ububi ubulungisa ukulandela

2020 Juni 12, Lwesihlanu

Kodwa ke ukuba sihleli ekukhanyeni njengaye uThixo, siba nobudlelane. Ke lona igazi likaYesu uNyana wakhe lisihlambulula kuso sonke isono.

1 KAYOHANE 1:7 ukusulungekiswa umbingelelo uluntu

2020 Juni 11, Lwesine

Noda niguge nibe ziingwevu
mna ndisengulowo unixhasayo.
Nenziwa ndim, ngoko ke ndonisingatha;
ewe, ndonigcina ndinihlangule.

UISAYA 46:4 ukuthembeka izixhobo ukukhuselwa

2020 Juni 10, Lwesithathu

Intliziyo yam mayinxanele imfundiso yakho
ndaweni yokusukelana nenzuzo yobuqhophololo.

INdumiso 119:36 umthetho ukubawa intliziyo

2020 Juni 9, Lwesibini

Waza uYesu wathi: “ ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela.’”

UMATEWU 22:37 intliziyo umphefumlo ingqondo

2020 Juni 8, Mvulo

Ke kaloku ibandla kulo lonke elakwaJuda naseGalili naseSamariya lazola, kungekho ntshutshiso. Laba nenkqubela, lakhula nangamanani, limhlonela uThixo, likhuthazwa nguMoya oyiNgcwele.

UMSEBENZI WABATHUNYWA 9:31 icawa uxolo ukumoyika uthixo

2020 Juni 7, Cawe

Mbonge uNdikhoyo, moya wam!
Mandimbonge uNdikhoyo ngomxhelo wam wonke!

INdumiso 103:1 ubungcwele unqulo umphefumlo

2020 Juni 6, Mgqibelo

Musa ukoyiswa bububi; boyise ububi ngokulungisa.

KWABASEROMA 12:21 ububi ukulunga ukoyisa

2020 Juni 5, Lwesihlanu

Khaniye kufunisisa okokuba ithetha ukuthini na le ndawo eziBhalweni ithi: ‘Ndithanda inceba, andithandi mbingelelo.’ Ke mna andizanga kubiza malungisa, ndize kubiza aboni.

UMATEWU 9:13 inceba ubulungisa umbingelelo

2020 Juni 4, Lwesine

Umnyangi wabantliziyo zenzakeleyo,
ewe, umbophi wamanxeba abo.

INdumiso 147:3 ukuphilisa intliziyo ukugula

2020 Juni 3, Lwesithathu

Bayale abantu abanobutyebi beli hlabathi bangaziphakamisi baqamele ngento engaqinisekanga njengemali, koko mabathembele kuThixo, kuba yena unezinwe, unako ukusenza sixhamle zonke izinto sonwabile.

1 KUTIMOTI 6:17 imali uvuyo ukuthanda izinto eziphathekayo