Gcina (Julayi 2020)

2020 Julayi 31, Lwesihlanu

Kungcono abasebenzi babe babini kunokuba abe mnye, kuba baba nengeniso eyiyo ngomsebenzi wabo.

AMAVA ENGQONDI 4:9 ubuhlobo ubudlelwane umsebenzi

2020 Julayi 30, Lwesine

Kuba indalo iphela ilangazelela ukuba uThixo ade abaveze oonyana bakhe.

2020 Julayi 29, Lwesithathu

Ondele kubo, uYesu wathi: “Kubantu oku akunakwenzeka, kodwa kuThixo akunakungenzeki, kuba zonke izinto zinokwenzeka kuThixo.”

UMARKO 10:27 imimangaliso usindiso UYesu

2020 Julayi 28, Lwesibini

Sifundise ukuyiqingqa imihla yethu,
ukuze sizuze ubulumko.

INdumiso 90:12 ukucwangcisa ubulumko intliziyo

2020 Julayi 27, Mvulo

Elowo ke makanikele kangangoko agqibe ngako, engenasikrokro, engaziva enyanzelekile, kuba uThixo uthanda umntu opha ngobubele.

2 KWABASEKORINTE 9:7 uvuyo ukupha intliziyo

2020 Julayi 26, Cawe

Ukuba umntu uyayonakalisa indlu kaThixo, uThixo uya kumohlwaya, kuba indlu kaThixo ingcwele – nina ke niyiloo ndlu.

1 KWABASEKORINTE 3:17 icawa uluntu ubungcwele

2020 Julayi 25, Mgqibelo

Ubutyebi obufumaneka bumini buphuncuka lula;
obufumaneka ngendlela ecothayo buya busanda ngokwanda.

IZAFOBE 13:11 imali ukubawa umsebenzi

Kaloku, kwanjengokuba sinamalungu amaninzi mzimbeni mnye, abe ke onke amalungu la engenamsebenzi mnye, ngokunjalo thina aba, sibaninzi nje, simzimba mnye ngokumanywa noKrestu. Sonke ke ngabanye singamalungu omnye elomnye.

KWABASEROMA 12:4-5 umzimba UYesu uluntu

2020 Julayi 23, Lwesine

Nayiphi na into eniyenzayo yenzeni ngomxhelo ngokungathi niyenzela iNkosi, aniyenzeli bantu. Ze nikhumbule ukuba iNkosi iya kunivuza ngelifa eligcinele abantu bayo. Kaloku uKrestu yeyona Nkosi nikhonza yona.

KWABASEKOLOSE 3:23-24 ibuyiselo ubomi ukwamkela

2020 Julayi 22, Lwesithathu

Nokuba ndingade ndingqongwe ngumkhosi,
andiyi kuba naluvalo konke.
Nokuba ndirhawulwe yimfazwe,
ndiya kuthembela ngoNdikhoyo.

INdumiso 27:3 uloyiko intliziyo thembela

2020 Julayi 21, Lwesibini

Musani ukugweba; nani ke aniyi kugwetywa nguThixo. Musani ukugxeka; nani ke aniyi kugxekwa nguThixo. Xolelani; nani ke niya kuxolelwa nguThixo.

ULUKA 6:37 umgwebo uxolelo

2020 Julayi 20, Mvulo

Sonke isibhalo sinefuthe loMoya kaThixo. Siyanceda ekufundiseni inyaniso nokuchitha imposiso. Siyanceda ukulungisa isimilo, sinike ingqeqesho; ukuze lowo uzinikele kuThixo abe namandla okuwuphumeza nawuphi na umsebenzi omhle.

2 KUTIMOTI 3:16-17 ILizwi likaThixo ubomi izixhobo

2020 Julayi 19, Cawe

Ngoko ke ligxothe ixhala entliziyweni yakho,
ukuphephe okunokwenzakalisa umzimba wakho.
Kaloku ubutsha namandla awo ngamampunge.

AMAVA ENGQONDI 11:10 usizi ukukhathazeka intliziyo

2020 Julayi 18, Mgqibelo

Uthando malungabi naluhanahaniso. Yithiyeni inkohlakalo; bambelelani kokulungileyo.

KWABASEROMA 12:9 uthando ububi ukulunga

2020 Julayi 17, Lwesihlanu

Waza wathi kuye uYesu: “Ndim uvuko; ndim ubomi. Lowo ukholwayo kum wodla ubomi nokuba ebefile. Wonke odla ubomi ekholwa kum, soze afe naphakade. Ke wena ngaba uyakholwa koku?”

UYOHANE 11:25-26 ukholo ukufa uvuko

2020 Julayi 16, Lwesine

Lowo uhleli ekhuselwe nguPhezukonke,
uhlala esemthunzini kaSomandla.
Yena uya kuthi: “Ndikhoyo, ungumkhuseli wam;
uyinqaba yam, wena Thixo, ndiya kuthembela kuwe.”

INdumiso 91:1-2 thembela ukhuseleko phumla

2020 Julayi 15, Lwesithathu

Banoyolo abo bantliziyo ihlambulukileyo, kuba baya kumbona uThixo bona!

UMATEWU 5:8 ukunyaniseka intsikelelo intliziyo

2020 Julayi 14, Lwesibini

Ngokunjalo nathi sonke, nokuba singamaJuda okanye amaGrike, nokuba singamakhoboka okanye singabakhululekileyo, sabhaptizelwa mzimbeni mnye, nguMoya omnye; futhi sasezwa kwaloo Moya mnye.

1 KWABASEKORINTE 12:13 ubhaptizo Umoya uluntu

2020 Julayi 13, Mvulo

Uzungandibandezeli inceba yakho, Ndikhoyo;
ndilondoloze ngenceba nenyaniso.

INdumiso 40:11 uthando ukuthembeka ukukhuselwa

2020 Julayi 12, Cawe

Olu khanyiso lukhanya ebumnyameni; kwaye ubumnyama abuzange bukoyise ukukhanya kwalo.

UYOHANE 1:5 ububi ukoyisa ukukhanya

2020 Julayi 11, Mgqibelo

Njengoko ukufa kweza ngomntu, ngokukwanjalo novuko lwabafileyo luza kwangomntu.

1 KWABASEKORINTE 15:21 UYesu ukufa uvuko

2020 Julayi 10, Lwesihlanu

Ubutyebi bomntu abumsindisi kwingqumbo kaThixo;
sisimo esisulungekileyo kuphela esimhlangulayo umntu ekufeni.

IZAFOBE 11:4 imali ubulungisa ukuthanda izinto eziphathekayo

2020 Julayi 9, Lwesine

Kuba njengokuba kwathi, ngokungeva kwalowo mnye unguAdam, abaninzi bafumaneka bengaboni, ngokunjalo kuya kuthi nangokuthobela kwalowo mnye unguKrestu, abaninzi benziwe amalungisa.

KWABASEROMA 5:19 ubulungisa ukuthobela usindiso

2020 Julayi 8, Lwesithathu

Ke kuni, nina balihlonelayo igama lam, ilanga lobulungisa liya kuphuma linempilo emaphikweni alo. Niya kukhululeka nidlobe njengamankonyana ephuma esibayeni.

UMALAKI 4:2 uvuyo ubulungisa ukuphilisa

2020 Julayi 7, Lwesibini

Ndohlala ndimbonga uNdikhoyo;
andisayi kuyeka ukumdumisa.

INdumiso 34:1 unqulo intsikelelo ukuthetha

2020 Julayi 6, Mvulo

Ngoku ke, nikhululwe nje esonweni, naba ngabakaThixo, ninaso isiqhamo esibubungcwele. Le nto ke ikhokelela ebomini obungunaphakade.

KWABASEROMA 6:22 inkululeko umhlawuleli isono

2020 Julayi 5, Cawe

Kambe ke mna ndijonge kuNdikhoyo;
ewe, ndikholosa ngoThixo olusindiso lwam.
UThixo wam yena uya kundiva.

UMIKA 7:7 ithemba usindiso ukuphulaphula

2020 Julayi 4, Mgqibelo

Umntu onesidima uyasicezela isiphithi-phithi;
kanti ke sona isiyatha siyathanda ukuphemba uqhushululu.

IZAFOBE 20:3 ukuthetha uxolo umsindo

2020 Julayi 3, Lwesihlanu

Khanifunde ukwenza okusesikweni;
zonke izinto zenzeni ngokomthetho.
Khaninyenyise ngakubantu abacinezelekileyo;
kanti neenkedama zilungiseleleni;
ngokunjalo nimbonelele nomhlolokazi.

UISAYA 1:17 ubulungisa ummelwane abahlolokazi