Gcina (Janyuwari 2022)

2022 Janyuwari 31, Mvulo

Indlu nganye inomakhi wayo, kodwa ke nguThixo umseki wazo zonke izinto.

2022 Janyuwari 30, Cawe

Khanizicoce nibe nyulu!
Yahlukanani nale mikhwa ingcolileyo;
yekani ukwenza izinto ezinje;
mandingaze ndiphinde ndizibone.

UISAYA 1:16 isono ukusulungekiswa ububi

2022 Janyuwari 29, Mgqibelo

Lowo ke uswele amandla elukholweni, mamkeleni, kodwa kungabi nganjongo yakuphikisana nezimvo zakhe.

KWABASEROMA 14:1 ukholo uluntu

2022 Janyuwari 28, Lwesihlanu

Njengokuba ke sisazi ukuba uyaziphulaphula izicelo zethu, ngokunjalo ke siyazi ukuba izinto esizicelayo sesiziphiwe.

1 KAYOHANE 5:15 thembela umthandazo ukuphulaphula

2022 Janyuwari 27, Lwesine

Imihla yam isesandleni sakho;
ndihlangule ezintshabeni zam nakwabanditshutshisayo.

INdumiso 31:15 intshutshiso umhlawuleli usindiso

2022 Janyuwari 26, Lwesithathu

Wathi kubo uYesu: “Ndim isonka sobomi. Ozayo kum akasoze alambe, nokholwayo kum akasoze anxanwe.”

UYOHANE 6:35 ukholo ukutya ubomi

2022 Janyuwari 25, Lwesibini

Ningazikhohlisi! UThixo akanakwenziwa isidenge ngumntu. Umntu uya kuvuna kanye loo nto ayihlwayeleyo.

KUMAGALATI 6:7 uThixo ubulungisa ukuvuna

2022 Janyuwari 24, Mvulo

Xa ufuna ukuviwa ngabo basemagunyeni
phatha umngena-ndlwini xa uya kubo.

IZAFOBE 18:16 ibuyiselo ukupha

2022 Janyuwari 23, Cawe

Ukuba ninolangazelelo, uThixo uyawamkela umnikelo wenu. Kaloku uThixo ufuna umntu aphe ngokobungakanani bezinto anazo, ingebubo obezinto angenazo.

2 KWABASEKORINTE 8:12 ukhuthazo ukupha isisa

Kodwa kodwa kuxa ndingubani mna, beyintoni bona aba bantu bam, ukuba singade sibe nako ukukwenzela izinwe ngolu hlobo? Kaloku yonke into iphuma kuwe, ngoko ke nangoku sikunika kwaoko kuphuma esandleni sakho.

1 YEZIGANEKO 29:14 imali ukupha ukuxhomekeka

2022 Janyuwari 21, Lwesihlanu

UThixo ulihlathi nenqaba yethu;
ngexesha leenkathazo uluncedo oluhlala lulungile.

INdumiso 46:1 ukuthembeka ukhuseleko ukukhuselwa

2022 Janyuwari 20, Lwesine

Konke enikucelayo ngomthandazo nikholwa, nokwamkela.

UMATEWU 21:22 ukuthembeka ukholo umthandazo

2022 Janyuwari 19, Lwesithathu

Khaniqwalasele iintaka. Azihlwayeli, azivuni, azigcini siseleni, kanti uYihlo osezulwini uyazondla. Ke, kungakanani na ukuxabiseka kwenu kunazo!

UMATEWU 6:26 ixabisekile thembela UTata

2022 Janyuwari 18, Lwesibini

Obugubungelayo ubugwenxa uzicengezelela ukuthandwa,
kodwa lowo umana ewunokoza umcimbi uchitha ubuhlobo.

IZAFOBE 17:9 uxolelo ubuhlobo

2022 Janyuwari 17, Mvulo

Musani ukuba ngamathandamali. Yanelani yinto eninayo. Kaloku uThixo uthi: “Andiyi kukuyekela; ndingayi kukufulathela.”

KUMAHEBHERE 13:5 thembela imali ukuthanda izinto eziphathekayo

2022 Janyuwari 16, Cawe

Ndinako ukumelana nayo nayiphi na imeko ngenxa yamandla alowo undomelezayo.

KWABASEFILIPI 4:13 uThixo amandla ukukhuselwa

2022 Janyuwari 15, Mgqibelo

Kuba wena, Nkosi, ulungile, uyaxolela;
uphuphuma luthando kwabo bakholosa ngawe.

INdumiso 86:5 ukuthembeka uthando uxolelo

2022 Janyuwari 14, Lwesihlanu

Khumbulani kaloku ukuba uNdikhoyo uThixo wenu lo nguThixo ekukuphela kwakhe, kungekho wumbi ngaphaya; futhi ke uthembekile. Uyawugcina umnqophiso wakhe, futhi izibele zakhe ziphuphumela kwâbo bamthandayo beyigcina imiyalelo yakhe kuse kumawaka ezizukulwana.

UHLAZIYO-MNQOPHISO 7:9 ukuthembeka umthetho uThixo