Gcina (Februwari 2022)

XHO96

2022 Februwari 28, Mvulo

Naxa nithandazayo, ukuba ninendawo ngakubani, mxoleleni, ukuze noYihlo osezulwini anixolele iziphoso zenu.

UMARKO 11:25 umthandazo uxolelo UTata

2022 Februwari 27, Cawe

UMoya enimamkeleyo akanenzi amakhoboka, wona aphakuzelayo. Kaloku namkele uMoya onenza oonyana abathi: “Tata!” kuThixo.

KWABASEROMA 8:15 uloyiko Umoya abantwana

2022 Februwari 26, Mgqibelo

Eyona nto emawuyilondoloze ngaphezu kwazo zonke ezinye yintliziyo yakho,
kuba yona ingumthombo wobomi.

IZAFOBE 4:23 ubomi intliziyo ukukhuselwa

2022 Februwari 25, Lwesihlanu

Lowo ukholwayo abhaptizwe wosindiswa; ke yena ongakholwayo wogwetywa.

UMARKO 16:16 ukholo usindiso ubhaptizo

2022 Februwari 24, Lwesine

Ndanelisekile ke ngoko nokuba ndibuthathaka, nokuba ndiyagxekwa, nokuba nditsala nzima, nditshutshiswa, ndithwala iimbandezelo ngenxa kaKrestu. Kuba xa ndibuthathaka, kuxa kanye ndinamandla.

2 KWABASEKORINTE 12:10 uvuyo amandla intshutshiso

2022 Februwari 23, Lwesithathu

Ngoko ke, nokuba ndihamba kwiingxondorha ezimnyama,
andinadyudyu.
Kaloku ungakum, wena Ndikhoyo;
isagweba sakho nebhunguza lakho lixhadi lam.

INdumiso 23:4 uloyiko ukhuthazo ukufa

2022 Februwari 22, Lwesibini

Musani ukuphazama: “Incoko embi iyasonakalisa isimilo esihle.”

1 KWABASEKORINTE 15:33 ububi ukulunga ubuhlobo

2022 Februwari 21, Mvulo

KuKrestu akusekho mJuda nantlanga, akusekho khoboka namntu ukhululekileyo, ndoda nabhinqa. Ninonke ningumntu omnye ngokumanywa noYesu Krestu.

KUMAGALATI 3:28 UYesu uluntu ukuqonda

2022 Februwari 20, Cawe

Ekuthetheni kakhulu isono sidla ngokubakho,
kambe ke ozibambayo ekuthetheni unengqiqo.

IZAFOBE 10:19 isono ukuthetha

2022 Februwari 19, Mgqibelo

Wanga ke uThixo, osinika unyamezelo nenkuthazo, anganenza nibe moya mnye ngokwentando kaKrestu Yesu.

KWABASEROMA 15:5 uluntu ukhuthazo umonde

2022 Februwari 18, Lwesihlanu

Unoyolo lowo uzinyamezelayo izilingo, kuba kaloku, lakudlula uvavanyo, uya kuzuza umvuzo obubomi uThixo abuthembise abo bamthandayo.

EKAYAKOBI 1:12 ibuyiselo isilingo ubomi

2022 Februwari 17, Lwesine

Umbingelelo owufunayo, Thixo, yintliziyo ethobekileyo.
Intliziyo ethobekileyo neguqukayo, wena Thixo, akuyideli.

INdumiso 51:17 umbingelelo inguquko

2022 Februwari 16, Lwesithathu

Ndithi andisobe ndizitshabalalise ngemvula kwakhona izinto eziphilayo. Ilizwe alisobe liphinde lipheliswe ngemvula. Ngumnqophiso wam lowo.

EYEZIQALO 9:11 ukhuseleko umnqophiso izithembiso

2022 Februwari 15, Lwesibini

Nindazi nje mna, niyamazi noBawo. Ngoku ke niyamazi, nimbonile nokumbona.

UYOHANE 14:7 UTata UYesu

2022 Februwari 14, Mvulo

Awumhle ngako, sithandwa sam!
Umhle ngenene, awunasiphako!

UNCUTHU LWENGOMA 4:7 ubuhle ubudlelwane umtshato

2022 Februwari 13, Cawe

Inkqu yothando siyibona kule nto yokuba uKrestu anikele ubomi bakhe ngenxa yethu. Ngokunjalo ke nathi sifanele ukuba sibunikele ubomi bethu ngenxa yamawethu.

1 KAYOHANE 3:16 uthando UYesu ummelwane

2022 Februwari 12, Mgqibelo

Akukho nto indonwabisa njengokuva ukuba abantwana bam bahlala bethe ngcembe enyanisweni.

3 KAYOHANE 1:4 uvuyo inyaniso abantwana

2022 Februwari 11, Lwesihlanu

Phofu ke ungxwelerhwe ngenxa yokukreqa kwethu;
ewe, ubulewe ngenxa yobugwenxa bethu.
Ukohlwaywa kwakhe kusiphathele uxolo;
thina sinyangwe ngamanxeba akhe.

UISAYA 53:5 isono UYesu ukuphilisa

2022 Februwari 10, Lwesine

Umntu owenza isono waphula umthetho kaThixo. Isono kaloku kukwaphula umthetho.

1 KAYOHANE 3:4 isono umthetho ubulungisa

2022 Februwari 9, Lwesithathu

Ewe, yithobeleni imiyalelo yam; kaloku ndinguNdikhoyo.

EYONQULO 22:31 umthetho ukuthobela uThixo

2022 Februwari 8, Lwesibini

Lithi lakuchazwa ilizwi lakho kutsho kuthi qwenge;
abangazi nto libanika ukuqonda.

INdumiso 119:130 ILizwi likaThixo ukuqonda ukukhanya

2022 Februwari 7, Mvulo

Yahlukanani nemikhwa emibi nehambo engcolileyo. Mlulameleni uThixo, namkele ilizwi lakhe alifake kuni ezintliziyweni. Lilo elinamandla okunisindisa.

EKAYAKOBI 1:21 usindiso ILizwi likaThixo ububi

2022 Februwari 6, Cawe

Njengoko nimanywe noYesu Krestu izimvo zenu mazifane nezakhe.

KWABASEFILIPI 2:5 ubungcwele UYesu

2022 Februwari 5, Mgqibelo

Ukundivukela kwakho ndikuphuthisile;
isono sakho sithe shwaka okwenkungu.
Buyela kum; ndim umkhululi wakho.

UISAYA 44:22 isono usindiso uguqulo

2022 Februwari 4, Lwesihlanu

Kaloku nokuba sidla ubomi, siphilela iNkosi, nokuba siyafa, sifela iNkosi. Ngoko ke nokuba sidla ubomi, nokuba siyafa, singabeNkosi.

KWABASEROMA 14:8 ukufa ubomi

2022 Februwari 3, Lwesine

Ndiya kubenzela inceba kwizikreqo zabo,
ndingabi sazikhumbula iziphoso zabo.

KUMAHEBHERE 8:12 uxolelo isono ubabalo

2022 Februwari 2, Lwesithathu

NguNdikhoyo ixhadi lakho lakubhek' umoya;
ewe, uya kukwalusa ungachukunyiswa nto.
Ngenene, uNdikhoyo uya kukwalusa,
xa uhambayo naxa ubuyayo,
kuqalela ngoku kude kube nini-nini.

INdumiso 121:7-8 ithemba ubomi ububi