Gcina (Meyi 2023)

2023 Meyi 31, Lwesithathu

Ningazibandakanyi nezinto zobumnyama eziphuthileyo ezenziwa ngabantu. Ndaweni yaloo nto zibhenceni ekukhanyeni ezo zinto, zibonakale icace into eziyiyo. Kungaziintloni nokuwathetha amanyundululu abawenza ngasese.

KWABASE-EFESE 5:11-12 isono ukuthetha izithixo

2023 Meyi 30, Lwesibini

Ewe, Ndikhoyo, undigoca-gocile, uyandazi.
Wena undazi ukusuka nokuhlala;
iingcamango zam uziqonda zingekaveli.

INdumiso 139:1-2 ukufuna iingcamango ukuqonda

2023 Meyi 29, Mvulo

Kuyinene kona ukuba sihleli apha ehlabathini; kodwa ke asilwi ngokwehlabathi.

2 KWABASEKORINTE 10:3 ubomi ukuqonda umhlaba

2023 Meyi 28, Cawe

Kwabonakala amadangatye angathi ziilwimi, laza lalelo idangatye lahlala kumntu ngamnye kubo. Bazaliswa ke bonke nguMoya oyiNgcwele, baza bathetha ngalwimi zimbi, njengoko uMoya wabaphayo.

UMSEBENZI WABATHUNYWA 2:3-4 ukuthetha Umoya ipentekoste

2023 Meyi 27, Mgqibelo

Ade uThixo asithululele uMoya wakhe,
nentlango itsho ifane nomyezo weziqhamo,
imiyezo yeziqhamo ifane namahlathi.

UISAYA 32:15 Umoya ipentekoste

2023 Meyi 26, Lwesihlanu

Wothi ke uBawo, ndakumcela, aninike omnye uMmeli, ukuze ahlale nani ngonaphakade.

UYOHANE 14:16 umthuthuzeli uMoya oyiNgcwele UTata

2023 Meyi 25, Lwesine

Ngoko ke yitshitshiseni iphele kuni imikhwa yeli hlabathi: ukurheletya, ukungcola, ukutshiseka, iinkanuko, nokunyoluka okukwalunqulo-zithixo.

KWABASEKOLOSE 3:5 isono iminqweno ukuthanda izinto eziphathekayo

2023 Meyi 24, Lwesithathu

Masikhe siziphengulule sizigocagoce iindlela zethu,
size sibuyele kuNdikhoyo.

IZILILO 3:40 uguqulo inguquko ubomi

2023 Meyi 23, Lwesibini

Yaye uThixo wam wonibonelela kuzo zonke iintswelo zenu ngendyikityha yendyebo yakhe ekuKrestu Yesu.

KWABASEFILIPI 4:19 thembela UYesu intsikelelo

2023 Meyi 22, Mvulo

Makubulelwe ke kuThixo osinika uloyiso ngayo iNkosi yethu uYesu Krestu!

1 KWABASEKORINTE 15:57 UYesu umbulelo ukoyisa

2023 Meyi 21, Cawe

Bulelani uNdikhoyo, ninqule igama lakhe,
nizibalisel' iintlanga ngezintw' asenzele zona.

INdumiso 105:1 ukuthetha ukuvangela unqulo

2023 Meyi 20, Mgqibelo

Ndiya kuba ndibonisa ubungangamsha bam; ndibe ke ndiyazazisa kwintlaninge yezizwe. Baya kuqonda ukuba mna ndinguNdikhoyo.

UHEZEKILE 38:23 uThixo ubungcwele ukuvangela

2023 Meyi 19, Lwesihlanu

Nina niya kunikwa amandla, akufika kuni uMoya oyiNgcwele, nindingqinele ebantwini baseJerusalem, nabakulo lonke elakwaJuda, nabaseSamariya, kude kuse naseziphelweni zomhlaba.

UMSEBENZI WABATHUNYWA 1:8 ukuvangela Umoya amandla

2023 Meyi 18, Lwesine

Lo unika obu bungqina uthi: “Nanjani na ndiza kufika ngokukhawuleza!”
Makube njalo! Yiza, Nkosi Yesu!

ISITYHILELO 22:20 UYesu ukuza kwesibini ukuphela kwexesha

2023 Meyi 17, Lwesithathu

Anazi na ukuba nina niyindlu kaThixo? Anazi na ukuba uMoya kaThixo uhlala ngaphakathi kwenu?

1 KWABASEKORINTE 3:16 ubungcwele uMoya oyiNgcwele Umoya

2023 Meyi 16, Lwesibini

Síthini na ke ngoko? Sóne na, kuba singekho phantsi kwawo umthetho, siphantsi kobabalo? Nakanye!

KWABASEROMA 6:15 isono ubabalo umthetho

2023 Meyi 15, Mvulo

Yibongeni iNkosi!
Mihla le iyasazelelela, uThixo ngumsindisi wethu.

INdumiso 68:19 unqulo ukuxhomekeka usindiso

2023 Meyi 14, Cawe

Omnye okunene uthi umhla othile ubalulekile kunomnye umhla, wumbi ke uthi imihla iyafana. Elowo ke makaqiniseke kweyakhe ingqiqo.

KWABASEROMA 14:5 ukuthobela ubulumko ummelwane

2023 Meyi 13, Mgqibelo

Musani ukubuxhalela ubomi benu, nisithi notya ntoni na; ningawuxhaleli nomzimba wenu, nisithi nonxiba ntoni na. Ubomi bungaphezulu kunokutya, nomzimba ungaphezulu kunesinxibo.

ULUKA 12:22b-23 ukukhathazeka ukutya ubomi

2023 Meyi 12, Lwesihlanu

UNdikhoyo uyamcaphukela umntu oxokayo,
kodwa uyakholiswa ngonyanisekileyo.

IZAFOBE 12:22 ukuxoka ukuthetha ukunyaniseka

2023 Meyi 11, Lwesine

Ziphatheni njengabantu abakhululekileyo. Kambe ke inkululeko leyo mayingabi lokhusi lokungcola; koko ziphatheni njengezicaka zikaThixo.

1 KAPETROS 2:16 ubomi inkululeko ububi

2023 Meyi 10, Lwesithathu

Ewe kambe, ndingade ndibe liciko lokuthetha iilwimi zabantu, ndide ndithethe nezezithunywa zezulu – kodwa ndingenalo uthando, intetho yam isuka ibe yingxolo nje, efana neyentsimbi ehlokomayo, necangci elikhenkcezayo.

1 KWABASEKORINTE 13:1 uthando ukuthetha iingelosi

2023 Meyi 9, Lwesibini

UNdikhoyo unobubele, ulungile.
Yiyo loo nto abafundisayo indlela yakhe aboni.
Abathobekileyo ubakhokelela kokulungileyo,
abafundise indlela yakhe abalulamileyo.

INdumiso 25:8-9 ubulungisa ukuthobeka ukufunda

2023 Meyi 8, Mvulo

UThixo ke esimisele isiCaka sakhe wasithumela kuni kuqala, ukuze anenzele inceba niguquke kwinkohlakalo yenu.

UMSEBENZI WABATHUNYWA 3:26 uvuko UYesu intsikelelo

2023 Meyi 7, Cawe

Ndiyanixelela ukuba ngokukwanjalo kuya kubakho uvuyo ezulwini nangomoni omnye oguqukayo kunamashumi alithoba anethoba lamalungisa angaswelanga nguquko.

ULUKA 15:7 uguqulo inguquko uvuyo

2023 Meyi 6, Mgqibelo

Musa ukwala nento elungileyo konelungelo ngayo,
ngakumbi xa kusemandleni akho ukumnceda.

IZAFOBE 3:27 ukunyaniseka ukupha ityala

2023 Meyi 5, Lwesihlanu

Kuba apho bathe bahlangana khona egameni lam ababini nokuba ngabathathu, nam ndikho phakathi kwabo.

UMATEWU 18:20 UYesu uluntu umthandazo

2023 Meyi 4, Lwesine

Nangona wayengenasono uKrestu, kodwa ngenxa yethu, uThixo wamenza wanenxaxheba kwisono sethu, ukuze thina sithi ngokumanywa naye sibe nenxaxheba ebulungiseni bukaThixo.

2 KWABASEKORINTE 5:21 isono ubulungisa umlamli

2023 Meyi 3, Lwesithathu

Awu, Thixo, ndiyatarhuzisa!
Ngenxa yezibele zothando lwakho,
nobubanzi benceba yakho, nceda uzicime iziphoso zam!
Ndihlambe ndahlukane nabo bonke ububi;
ndenze ndibe nyulu, ndingabi nasono!

INdumiso 51:1-2 isono inceba ukusulungekiswa

2023 Meyi 2, Lwesibini

Thathani la mazwi nibuyele kuNdikhoyo,
nithethe naye nithi:
“Sixolele bonke ubugwenxa bethu,
uze wamkele okulungileyo;
endaweni yeenkunzi zeenkomo sinikela kuwe ngamazwi emilebe yethu.”

UHOSIYA 14:2 uguqulo uxolelo