Gcina (Meyi 2015)

XHO96

2015 Meyi 31, Cawe

Ithembekile yona kambe iNkosi. Yonikhusela inigcine kuhlaselo lwendoda enobuqhokolo.

2 KWABASETESALONIKA 3:3 ukuthembeka ukhuseleko amandla

2015 Meyi 30, Mgqibelo

UYesu Krestu lo wayizolo, usekwanguye nanamhla, nangomso, nanini nanini.

KUMAHEBHERE 13:8 ukuthembeka UYesu

2015 Meyi 29, Lwesihlanu

Apho kungekho kucebisana izicwangciso ziyabhanga,
kanti ke apho kukho abacebisi abaninzi ziyaphumelela.

IZAFOBE 15:22 ukuthetha ukucwangcisa

2015 Meyi 28, Lwesine

Kuba kaloku uMoya esimnikwe nguThixo asingowobuphakuphaku, koko uvuselela isibindi, uthando, nokuzeyisa.

2 KUTIMOTI 1:7 uthando ukuzibamba amandla

2015 Meyi 27, Lwesithathu

Makabongwe uThixo noYise weNkosi yethu uYesu Krestu, othe ngenceba wasinika ubomi obutsha ngokuvusa uYesu Krestu ekufeni!

1 KAPETROS 1:3 ithemba uvuko ukuzalwa ngokutsha

2015 Meyi 26, Lwesibini

InguNdikhoyo nje ondikhanyiselayo,
inguye nje ondisindisayo, ndingoyika ntoni?
InguNdikhoyo nje inqaba yam, ndingoyika bani?

INdumiso 27:1 ukhuseleko uloyiko ukukhanya

2015 Meyi 25, Mvulo

Ukuba ngoko nina, nikhohlakele nje, niyakwazi ukubapha abantwana benu izipho ezilungileyo, wobeka phi yena uYihlo osezulwini ukugqithisela ukubapha uMoya oyiNgcwele abo bamcelayo?

ULUKA 11:13 Umoya umthandazo usapho

2015 Meyi 24, Cawe

Ekufikeni komhla wePentekoste babehlangene ndawonye bonke. Ngesaquphe beva isandi esingathi kukuza komoya omkhulu, uvuthuza esibhakabhakeni. Sayizalisa indlu ababehleli kuyo isandi eso.

UMSEBENZI WABATHUNYWA 2:1-2 Umoya izulu ipentekoste

2015 Meyi 23, Mgqibelo

Ilizwi lakho sisibane sendlela yam;
liyandikhanyisela eluhambeni.

INdumiso 119:105 ILizwi likaThixo ukukhanya

2015 Meyi 22, Lwesihlanu

Ndibhala nje ndifuna niqonde, nina nikholwayo kwigama loNyana kaThixo, ukuba ninobomi obungenasiphelo.

1 KAYOHANE 5:13 ubomi obungunaphakade ukholo UYesu

2015 Meyi 21, Lwesine

Ngoko ke asilangazeleli zinto zibonwayo, silangazelela ezingabonwayo. Kaloku ezibonwayo izinto zezexeshana nje, kanti ezingabonakaliyo ziya kuhlala zihleli.

2 KWABASEKORINTE 4:18 ubomi obungunaphakade ukuthanda izinto eziphathekayo ukuqonda

2015 Meyi 20, Lwesithathu

Bufana nomzali kubantwana
ububele bukaNdikhoyo kwabamnik' imbeko.

INdumiso 103:13 uthando uloyiko UTata

2015 Meyi 19, Lwesibini

“Kaloku ingcinga zam azifani nezenu,
neendlela zenu azifani nezam,”
utsho yena uNdikhoyo!

UISAYA 55:8 uThixo ukucwangcisa ubulumko

Kaloku ndiqinisekile kukuba asikuko nakufa, nabomi, nazithunywa zezulu, nazilawuli, nanto zikhoyo, nanto zizayo, naziphathamandla, nanto ziphezulu, nanto zingaphantsi, nditsho nasiphi na isidalwa, esiya kuba nako ukusahlula nothando lukaThixo olukuye uKrestu Yesu, iNkosi yethu.

KWABASEROMA 8:38-39 uthando umlamli ukufa

2015 Meyi 17, Cawe

Eyona nto emawuyilondoloze ngaphezu kwazo zonke ezinye yintliziyo yakho,
kuba yona ingumthombo wobomi.

IZAFOBE 4:23 ubomi intliziyo ukukhuselwa

2015 Meyi 16, Mgqibelo

UNdikhoyo unobubele, ulungile.
Yiyo loo nto abafundisayo indlela yakhe aboni.
Abathobekileyo ubakhokelela kokulungileyo,
abafundise indlela yakhe abalulamileyo.

INdumiso 25:8-9 ubulungisa ukuthobeka ukufunda

2015 Meyi 15, Lwesihlanu

Unoyolo lowo uzinyamezelayo izilingo, kuba kaloku, lakudlula uvavanyo, uya kuzuza umvuzo obubomi uThixo abuthembise abo bamthandayo.

EKAYAKOBI 1:12 ibuyiselo isilingo ubomi

2015 Meyi 14, Lwesine

UYesu ke waphuma nabafundi bakhe, wabasa ngaseBhetani; waza waphakamisa izandla zakhe, wabasikelela. Kwathi esabasikelela, wahlukana nabo, wanyuswa wasiwa ezulwini.

ULUKA 24:50-51 UYesu intsikelelo izulu

2015 Meyi 13, Lwesithathu

Andithi na kaloku ndadalwa nguwe;
nditsho mna kanye lo!
Ewe, wandixonxa wandilunga-lungisa kwandisekumama.
Ndikubonga ndikubulela ngenxa yomntu endinguye,
ngenxa yokumangalisa nokukhwankqisa kwento endiyiyo.
Ewe, iyakhamnqisa kambe imisebenzi yakho.
Leyo ke into ndiyiqonde pheleleyo.

INdumiso 139:13-14 indalo imimangaliso umphefumlo