Gcina (Epreli 2021)

2021 Epreli 30, Lwesihlanu

Kodwa ke loo mntu makacele ekholwa, engathandabuzi konke. Kaloku umntu othandabuzayo ufana namaza alatyuziswa ngumoya elwandle.

EKAYAKOBI 1:6 thembela ukholo umthandazo

2021 Epreli 29, Lwesine

Ukumthobela uNdikhoyo kukubuthiya ububi.
Yiloo nto ndikuchasileyo ukuzigwagwisa,
ikratshi, ukungabi nasimilo, kunye nentetho egwenxa.

IZAFOBE 8:13 ukumoyika uthixo ikratshi ububi

2021 Epreli 28, Lwesithathu

UYesu wahlala phantsi, wababiza abafundi abalishumi elinambini, wathi kubo: “Ukuba ubani ufuna ukuba ngoyena mkhulu, makazenze oyena mncinci kubo bonke, abe sisicaka sabo bonke.”

UMARKO 9:35 ukuthobeka UYesu ukuqonda

2021 Epreli 27, Lwesibini

UThixo yena akamntu;
akaxoki, akaguqu-guquki okomntu.
Akakufezekisi na akuthembisileyo?
Akakuphumelelisi na akuthethileyo?

EYASENTLANGO 23:19 uThixo ukuthembeka izithembiso

2021 Epreli 26, Mvulo

Mandikubonge ngomxhelo wam wonke, Ndikhoyo,
ndibalise ngayo yonke imimangaliso oyenzileyo.

INdumiso 9:1 unqulo umbulelo imimangaliso

2021 Epreli 25, Cawe

Ke kaloku, mawethu, ndiyaniyala: balumkeleni abaxabanisayo nabakhubekisayo, besenza okuchaseneyo nemfundiso enayifundiswayo nina. Zikhwebuleni kubo.

KWABASEROMA 16:17 ubungcwele uluntu ububi

2021 Epreli 24, Mgqibelo

Masitsho singenadyudyu ke sithi:
“YiNkosi umncedi wam, andiyi koyika nto!
Angandenza ntoni umntu?”

KUMAHEBHERE 13:6 thembela uloyiko ukukhuselwa

2021 Epreli 23, Lwesihlanu

Ndathi: “Mhlekazi, ndihlangule
kumaxoki nakubakhohlisi.”

INdumiso 120:2 ukuthetha umhlawuleli umphefumlo

2021 Epreli 22, Lwesine

Ukuba niyathandana, bonke baya kuqonda okokuba ningabafundi bam.

UYOHANE 13:35 uthando ukuvangela ukulandela

2021 Epreli 21, Lwesithathu

Masingalali buthongo ke thina njengabanye abo; masiphaphe, singanxili.

1 KWABASETESALONIKA 5:6 ukhuseleko ukuzibamba ukuphela kwexesha

2021 Epreli 20, Lwesibini

Ngoko ke ngoku nasi isishwankathelo salo mbandela: Mhlonele uThixo, uyithobele imimiselo yakhe, kuba oko luxanduva lomntu ngamnye.

AMAVA ENGQONDI 12:13 ukumoyika uthixo umthetho ubomi

2021 Epreli 19, Mvulo

Ukuba ke uthe wanqula mna Ndikhoyo uThixo wakho, ndiya kukuthamsanqela ngokutya namanzi, ndikutshayele ukufa kungabikho phakathi kwenu.

EYEMFUDUKO 23:25 unqulo intsikelelo ukugula

2021 Epreli 18, Cawe

Makabongwe uThixo, uYise weNkosi yethu uYesu Krestu osibabale ngazo zonke izipho zoMoya zasezulwini, sakuba simanywe noKrestu.

KWABASE-EFESE 1:3 dumisani intsikelelo izulu

2021 Epreli 17, Mgqibelo

UNdikhoyo unenceba nesisa;
uqumba kade, yimvuze-mvuze enobubele.

INdumiso 103:8 ubabalo uthando umonde

2021 Epreli 16, Lwesihlanu

Musani ukulithanda ihlabathi, nezinto zalo ngokunjalo. Nabani na olithandayo eli hlabathi akazani nothando lukaThixo.

1 KAYOHANE 2:15 isono uthando UTata

2021 Epreli 15, Lwesine

Zinikele eNkosini uYesu; uya kusindiswa wena nosapho lwakho.

UMSEBENZI WABATHUNYWA 16:31 ukholo usindiso usapho

2021 Epreli 14, Lwesithathu

Amazwi elungisa afana nesiliva ecwengileyo;
ke zona iingcinga zesikhohlakali ziphuthile.

IZAFOBE 10:20 ixabisekile ubulungisa ukuthetha

2021 Epreli 13, Lwesibini

Amandla akhe amtsho angafikeleleki;
usulungekile, ebalasele ngobulungisa;
akukho bani amcinezelayo.

UYOBI 37:23 uThixo ubulungisa amandla

2021 Epreli 12, Mvulo

Makungabikho bani ufuna ukulungelwa yedwa; elowo makakhathalele nokwabanye.

1 KWABASEKORINTE 10:24 ukuzingca uthando ummelwane

2021 Epreli 11, Cawe

Zininzi iingxaki ezivelela ilungisa,
kodwa uyalikhulula kuzo zonke uNdikhoyo.

INdumiso 34:19 ubulungisa ukubandezeleka umhlawuleli

2021 Epreli 10, Mgqibelo

Vuyani maxa onke, nithandaze njalo-njalo. Nakuyiphi na imeko bulelani. UThixo uthanda ukuba nenjenjalo njengokuba nimanywe noKrestu Yesu nje.

1 KWABASETESALONIKA 5:16-18 uvuyo umbulelo umthandazo

2021 Epreli 9, Lwesihlanu

Ngenani edyokhweni yam, nifunde kum, kuba mna ndilulamile, ndingontliziyo ithobekileyo. Nothi ke nizifumanele ukuphumla iintliziyo zenu, kuba idyokhwe yam ayityabuli, nomthwalo wam ulula.

UMATEWU 11:29-30 ukuthobeka phumla ukufunda

2021 Epreli 8, Lwesine

Ukuxhalela abantu kusenokuba ngumgibe;
kambe ke othembela kuNdikhoyo ukhuselekile.

IZAFOBE 29:25 thembela uloyiko

2021 Epreli 7, Lwesithathu

Khawuvuke! Vuka, Jerusalem!
Khanya! Ukhanyiso lwakho luthwasile;
isihomo sikaNdikhoyo sikujikelezile.

UISAYA 60:1 ixabisekile uThixo ubuhle

2021 Epreli 6, Lwesibini

Ewe, ezi mbandezelo zexeshana, zincinane zinjalo, zisilungiselela iwonga laphakade, elingenakulinganiswa nazo.

2 KWABASEKORINTE 4:17 ubomi obungunaphakade ukubandezeleka ukhuthazo

2021 Epreli 5, Mvulo

Awu, Thixo, zimaseka phezulu esibhakabhakeni;
isidima nesihomo sakho masibe phezu kwehlabathi jikelele.

INdumiso 108:5 unqulo izulu

2021 Epreli 4, Cawe

Isithunywa sathi kubafazi abo: “Sanukoyika nina. Ndiyazi ukuba nifuna uYesu obebethelelwe emnqamlezweni. Akakho apha. Uvukile, njengoko watshoyo. Yizani apha, niyibone indawo awayekuyo.”

UMATEWU 28:5-6 UMsindisi UYesu ipasika

2021 Epreli 3, Mgqibelo

Kuba kaloku ilungelo lenu njengabamanywe noKrestu alipheleli ekukholweni kuye kuphela, koko lifikelela nasekubeni nive ubunzima ngenxa yakhe.

KWABASEFILIPI 1:29 ubabalo ukholo ukubandezeleka

2021 Epreli 2, Lwesihlanu

Izono zethu wazithathela kuye siqu, waxhonywa nazo emnqamlezweni, khon' ukuze thina siyeke ukuphilela ukona, koko siphilele ukulungisa. Ninyangwe ngamanxeba akhe.

1 KAPETROS 2:24 isono ubulungisa ukuphilisa