Gcina (Septemba 2021)

XHO96

2021 Septemba 30, Lwesine

Imfundiso yakho lilifa lam nanini na;
ewe, iluyolo entliziyweni.

INdumiso 119:111 umthetho uvuyo intliziyo

2021 Septemba 29, Lwesithathu

“Ndim isiqalo nesiphelo,” itsho iNkosi uThixo, uSomandla, uNdikhoyo, owayekho, lowo uya kusoloko ekho.

ISITYHILELO 1:8 ubomi obungunaphakade ukuthembeka uThixo

2021 Septemba 28, Lwesibini

Nokhalela kum, nize kundithandaza, ndize mna ndiniphulaphule.

UJEREMIYA 29:12 unqulo umthandazo ukuphulaphula

2021 Septemba 27, Mvulo

Musa ukuzibona usisilumko wena ngokwakho;
ndaweni yaloo nto hlala umhlonela uNdikhoyo, ubucezele ububi.
Loo nto iya kuwunika impilo umzimba wakho,
atsho omelezeke amathambo akho.

IZAFOBE 3:7-8 ukumoyika uthixo intsikelelo ububi

2021 Septemba 26, Cawe

Njengoko ziphuphumela kuthi iimbandezelo zikaKrestu, ngokunjalo ke, kwangaye uKrestu, iphuphumela kuni nentuthuzelo yethu.

2 KWABASEKORINTE 1:5 ukubandezeleka umthuthuzeli UYesu

2021 Septemba 25, Mgqibelo

Kaloku apho bukhoyo ubutyebi benu, yoba lapho nentliziyo yenu.

UMATEWU 6:21 ukuthanda izinto eziphathekayo imali intliziyo

2021 Septemba 24, Lwesihlanu

Hayi bo! Mayingabi sithi, Ndikhoyo;
ewe, makudunyiswe igama lakho,
ngenxa yezibele nokunyaniseka kwakho!

INdumiso 115:1 uthando ukuthobeka unqulo

2021 Septemba 23, Lwesine

Niyabona, uNdikhoyo uba nani xa nani ningakuye. Xa nizondelela ukumfuna nomfumana; kodwa ke xa nithe namshiya, naye wonishiya.

2 YEZIGANEKO 15:2b ukufuna ukusondela ukuthembeka

2021 Septemba 22, Lwesithathu

Lindani nithandaze, ukuze ningangeni ekuhendweni. Intliziyo yona okunene inentumekelelo, ke wona umzimba ubuthathaka.

UMATEWU 26:41 umthandazo isilingo iminqweno

2021 Septemba 21, Lwesibini

Ewe, uNdikhoyo ulungile:
ungumqolomba ngamaxesha eenkathazo;
ubakhathalele abo bathembele kuye.

UNAHUM 1:7 ukukhuselwa ukulunga ukhuseleko

2021 Septemba 20, Mvulo

Nokuba ke nenza ntoni na, nokuba niyatya, nokuba niyasela, yenzelani udumo lukaThixo.

1 KWABASEKORINTE 10:31 ukutya ubomi unqulo

2021 Septemba 19, Cawe

NguNdikhoyo ngokwakhe oza kunikhokela, ahambe nani. Soze arhoxe, engasoze anilahle; ngoko ke yomelelani ningoyiki.

UHLAZIYO-MNQOPHISO 31:8 ukulandela uloyiko ukhuthazo

2021 Septemba 18, Mgqibelo

UNdikhoyo uyalifezekisa icebo lakhe ngam.
Kambe ke, Ndikhoyo, izibele zakho zisisimakade;
ungabi sawushiya umsebenzi wezandla zakho.

INdumiso 138:8 ukuthembeka uThixo ukhuseleko

2021 Septemba 17, Lwesihlanu

Olona thando lukhulu umntu anokuzithanda ngalo izihlobo zakhe kukuba ubomi bakhe abuncamele zona.

UYOHANE 15:13 uthando umbingelelo ubuhlobo

2021 Septemba 16, Lwesine

Nyamezelanani, nixolelane. Ukuba omnye ukhalazela omnye xolelanani kwanjengokuba nayo iNkosi yanixolelayo.

KWABASEKOLOSE 3:13 uxolelo uxolo ummelwane

2021 Septemba 15, Lwesithathu

Onomonde ulungile kunegorha;
olawula umsindo wakhe ungcono kunothimba isixeko.

IZAFOBE 16:32 uxolo umonde ukuzibamba

2021 Septemba 14, Lwesibini

Kolu gqatso lokholo yenza konke okusemandleni ukuze ubufumane ubomi obungonaphakade. Ewe, kaloku wabizelwa yona le njongo, ngokuya wawusenza isivumo sokholo phambi kwamangqina amaninzi.

1 KUTIMOTI 6:12 ubomi obungunaphakade ukholo ukoyisa

2021 Septemba 13, Mvulo

Liya kudlula izulu nehlabathi; ke wona amazwi am akasayi kuze adlule.

UMATEWU 24:35 ukuthembeka ILizwi likaThixo izulu

2021 Septemba 12, Cawe

Kanti ngaba awazi na?
Ngaba zange uve na?
UNdikhoyo nguThixo onguSonini-nanini;
yena ngumdali wehlabathi jikelele.
Yena soze adinwe atyhafe,
nengqiqo yakhe ayiphengululeki.

UISAYA 40:28 indalo ubulumko ukuqonda

2021 Septemba 11, Mgqibelo

Kodwa ke, njengoko zitshoyo iziBhalo: “Nabani na othanda ukuqhayisa, makaqhayise ngento eyenziwe yiNkosi.” Kaloku umntu owamkelekileyo ngulowo unconywa yiNkosi, ingenguye ozincoma ngokwakhe.

2 KWABASEKORINTE 10:17-18 ukuthembeka ikratshi

2021 Septemba 10, Lwesihlanu

Ngaloo mini uThixo uya kuvuza elowo nalowo ngokwemisebenzi yakhe.

KWABASEROMA 2:6 ubulungisa ibuyiselo

2021 Septemba 9, Lwesine

Ndibhenela kuwe, Thixo wam:
khawundigoca-goce, undiphicothe, undiqondisise;
ndivavanye uziqonde iingcamango zam!
Ndiqwalasele, hleze ndithi kanti ndiphambukile;
undikhokelele kwindlela eyeyona-yona.

INdumiso 139:23-24 ubomi obungunaphakade ubungcwele ubulungisa

2021 Septemba 8, Lwesithathu

Kuba othe wabukokosa ubomi bakhe, wolahlekelwa bubo; kodwa othe wabuncama ubomi bakhe ngenxa yam, wobusindisa.

ULUKA 9:24 umbingelelo ubomi

2021 Septemba 7, Lwesibini

Zihlobo zam ezithandekayo, masithandane; kuba kaloku uthando luvela kuThixo. Nawuphi na umntu onalo uthando uzelwe nguThixo, futhi uyamazi uThixo.

1 KAYOHANE 4:7 uthando ummelwane ubuhlobo

2021 Septemba 6, Mvulo

Ke wena ubathi jize ngenzolo
abo banjongo zingajika-jikiyo,
kuba behlala bekholose ngawe.

UISAYA 26:3 thembela ukhuseleko uxolo

2021 Septemba 5, Cawe

Ngenxa yoko kothi enikuthethe ebumnyameni kuviwe ekuhleni, nenikusebeze ngasese kukhwazwe phandle.

ULUKA 12:3 isono ukuthetha ukuphulaphula

2021 Septemba 4, Mgqibelo

Njengoko abantu bâthi ngokumanywa kwabo noAdam bafa bonke, ngokunjalo nangokumanywa kwabo noKrestu baya kuvuka bonke.

1 KWABASEKORINTE 15:22 usindiso ukufa ubomi

2021 Septemba 3, Lwesihlanu

Izibele zakho zibalasele ezulwini;
ukuthembeka kwakho kurhec' amafu.

INdumiso 57:10 uthando ukuthembeka

2021 Septemba 2, Lwesine

Lowo uyamkelayo imiyalelo yam ayigcine, nguye ondithandayo. Lowo ke undithandayo mna, uya kuthandwa nguBawo. Nam ndiya kumthanda, ndizibonakalise kuye.

UYOHANE 14:21 umthetho uthando UTata